රටට ඇතිවෙන්න අපේම රටේ කඩදාසි වාලච්වේන කර්මාන්ත ශාලාවේ නිපදවීම අරඹයි..

May 31, 2020 at 8:02 am | lanka C news
රටට ඇතිවෙන්න අපේම රටේ කඩදාසි වාලච්වේන කර්මාන්ත ශාලාවේ නිපදවීම අරඹයි..

වාලච්චේන පිහිටි ජාතික කඩදාසි සමාගම මගින් නිපදවන කඩදාසි මෙරට සිසු දරුවන් සහ රාජ්‍ය සේවකයන් පරිහරණය කරන දිනය වැඩි ඈතක නොවන බව කර්මාන්ත හා සැපයුම් කළමනාකරණ අමාත්‍ය විමල් වීරවංශ මහතා පවසයි.

30 දිනයේ වාලච්චේන කඩදාසි කර්මාන්ත ශාලාවේ ප‍්‍රධාන කඩදාසි නිෂ්පාදන යන්ත‍්‍රය පණගන්වා එමගින් ‘පරීක්ෂණ කඩදාසි නිෂ්පාදනය ’ එළිදැක්වීම නිරීක්ෂණයෙන් අනතුරුව ඒ මහතා මාධ්‍ය හමුවකට එකිවෙමින් මෙසේ පැවසීය.

එහිදී වැඩිදුරටත් අදහස් දක්වමින් ඒ මහතා මෙසේද සදහන් කළේය.

‘1956 දී නැගෙනහිර ජර්මනියේ පරිත්‍යාගයක් ලෙස ලැබුණු මෙරට අමිල ජාතික සම්පතක් වූ ජාතික කඩදාසි සංස්ථාව මීට ඉහත දී ඉතා අවාසනාවන්ත ලෙස වැසී යාමට සලස්වා තිබුණා. ඒ වගේම පසුගිය ආණ්ඩුවේ කර්මාන්ත අමාත්‍යවරයා වූ රිෂාඞ් බදියුදීන් කැබිනට් පත‍්‍රිකාවක් ඉදිරිපත් කරමින් මෙම ජාතික සම්පත ඈවර කිරීමට කටයුතු යොදා තිබුණා. එමගින් මෙම කඩදාසි කර්මාන්ත ශාලාව සතු යන්ත‍්‍ර සූත‍්‍ර අබලි ද්‍රව්‍ය ලෙස සලකා යකඩ වශයෙන් විකුණා දැමීමටත් ඉඩකඩ ලබා ගෙන තිබුණා.

එවැනි තත්වයක් යටතේ තිබුණු මෙම කර්මාන්ත ශාලාවට ගෝඨාභය රාජපක්ෂ මැතිතුමන්ගේ ‘සෞභාග්‍යයේ දැක්ම’ ප‍්‍රතිපත්ති ප‍්‍රකාශනය අනුව යමින් යළි පණ දිය යුතු බව අප තීරණය කරනු ලැබුවා. අපි මේ වසරේ ජනවාරි 15 වැනිදා පළමුවරට මෙම කර්මාන්ත ශාලාව නිරීක්ෂණයට පැමිණි අවස්ථාවේ ඊට යළි පණ දිය හැකි යැයි සිතෙන තත්වයක් තිබුණේ නැහැ. නමුත් අපි ජාතික කඩදාසි සමාගමට පත් කරනු ලැබූ සභාපතිවරයා වූ විමල් රූපසිංහ මහතා ඇතුඵ අධ්‍යක්ෂ මණ්ඩලයේත්, දේශීය හා විදේශීය ඉංජිනේරුවන් කිිහිප දෙනෙකුගේත්, නාවික හමුදාවේ ඉංජිනේරු බලකායේ හා යුද හමුදාවේත් සුවිශාල දායකත්වය සමග අද වන විට මෙම කර්මාන්ත ශාලාවේ කඩදාසි නිපදවන ප‍්‍රධාන යන්ත‍්‍රය යළි පණ ගැන්වීමට හා එමගින් පරීක්ෂණ මට්ටමින් කඩදාසි නිෂ්පාදනය කිරීමටත් හැකියාව ලැබී තිබෙනවා. යන්ත‍්‍රයේ පවතින ඉතා සුඵ අඩුපාඩුකම් මග හරවා ගනිමින් 60 – 200 ජී එස් එම් අගයන්ගෙන් යුත් වාණිජ මට්ටමේ කඩදාසි හා බෝඞ් නිෂ්පාදනය කිරීමට අපට නුදුරේම හැකියාව ලැබේවි.

මහ මැතිවරණයෙන් පසුව එම ප‍්‍රධාන යන්ත‍්‍රය පමණක් නොවෙයි අනෙක් කඩදාසි නිෂ්පාදන යන්ත‍්‍රය ද පණ ගන්වා ගෙන මෙම කර්මාන්ත ශාලාව විවෘත කොට එමගින් පෙර පරිදි දේශීය වශයෙන් මෙම කර්මාන්ත ශාලාව නිපදවූ ‘ෆයිල් කවරය’ හා ‘ෆුල්ස්කැප් කොළය’ යළි මේ රටේ ජනතාව අතට පත් කිරීමට හැකිවේවි, කියන විශ්වාසය අපට තිබෙනවා.

ඒ වගේම මෙම කර්මාන්ත ශාලා පරිශ‍්‍රය සතු අක්කර 500ක භූම්භාගය බහුවිද සංවර්ධන ව්‍යාපෘති සහිතව සංවර්ධනය කිරීමට අදාළ කැබිනට් පත‍්‍රිකාවක් ද අප ඉදිරිපත් කරනු ලැබුවා. ඒ අනුව මහා භාණ්ඩාගාරයේ ඇපයක් සහිතව බැංකු මගින් ඉදිරියේදී රුපියල් මිලියන 800ක ණය මුදලක් මෙම ආයතනයට ලැබේවි. ඒ බහුවිද සංවර්ධන ව්‍යාපෘති ද ඇතුළත්ව සිදු කෙරෙන කටයුතු සමග අපට ඉදිරි වසර කිහිපය තුළ ජාතික කඩදාසි සමාගම ලාභ ලබන ආයතනයක් බවට පත් කිරීමට හැකි බවට වන විශ්වාසයක් ද අප සතුයි.

එසේම සූර්ය බලශක්ති පැනල මගින් මෙම කර්මාන්ත ශාලාවට අවශ්‍ය විදුලිය ලබා ගැනීමට අවශ්‍ය කටයුතු ද දැන් සැලසුම් කරමින් තිබෙනවා.

ඒ නිසා අපි ඉතාමත් විශ්වාසයෙන් කියනවා, ‘මර නින්දකට වැටි තිබුණු වාලච්චේන කඩදාසි කර්මාන්ත ශාලාව ගෝඨාභය රාජපක්ෂ ජනාධිපතිතුමන්ගේ සහ මහින්ද රාජපක්ෂ අගමැතිතුමන්ගේ හා වත්මන් ආණ්ඩුවේ බලාපොරොත්තු ඉටු කරමින් නැවත පණ ගැන්වෙන දිනය වැඩි ඈතක නොවෙයි’ කියා. ඒ වගේම මෙම කඩදාසි කර්මාන්ත ශාලාවේ නිපදවන කඩදාසි පරිහරණය කරන්න අපේ රටේ දරුවන්ට හා රාජ්‍ය සේවයට ලැබෙන දිනයත් වැඩි ඈතක නොවෙයි. මර නින්දකට වැටී තිබූ මේ දැවැන්ත යන්ත‍්‍රය අද පණ ගැන්විලා තිබෙනවා, පමණක් නොවෙයි එමගින් කඩදාසි නිපදවෙමින් තිබෙන බව නිරීක්ෂණය කිරීමට අද අපට ලැබුණා. ඒ නිසා ඉදිරි ඉලක්ක ඉතා පැහැදිලිව අපට ජය ගත හැකියි.”

මෙම මාධ්‍ය හමුවට ජාතික කඩදාසි සමාගමේ සභාපති, විමල් රූපසිංහ, අමාත්‍ය උපදේශක සුදේශ් නන්දසිරි, අධ්‍යක්ෂ මණ්ඩල සාමාජිකා රුවනි සේනාරත්න, නාවික හමුදා ලූතිනන් ප‍්‍රියංක ජයසිරි යන මහත්ම මහත්මීහඅ ද එක්ව සිටියහ.

අනුරුද්ධ බණ්ඩාර රණවාරණ,
මාධ්‍ය ලේකම්

371 views

30 Comments to “රටට ඇතිවෙන්න අපේම රටේ කඩදාසි වාලච්වේන කර්මාන්ත ශාලාවේ නිපදවීම අරඹයි..”

  1. Abba says:

    As a start, a good job

  2. අපේ රට says:

    මෙහී කියවෙන අදහස් දෙස බැලිමේදි පෙනෙන්නේ වසර 27 වහල තිබිල අබිලි විදියට විකුනන් කන්න තිබිණ තැනක් නැවත ගොඩගැනිමට යාමේදි, නින්දෙන් අවදිව නගන විලාපයක් ලෙසයි.මම පාසැල් ගියකාලේ අපි පරිහරණය කලේ වාලච්චෙනියෙන් ආපු අභ්‍යාස පොත්,ඒකාලෙ ගමක් ගමක් ගානෙ පරණ කඩදාසි එකතුකරපු අය සියල්ල “වාලච්චෙනි” යැවිවා. “නැගෙණහිරින්” පිදුර ගත්තා. මේ අතිත නොදන්න අයට දැනගන්න. සැමදෙයක්ම විවේචනයම නොකර හොඳ දේ අගය කමු .වැරැද්ද පෙන්නමු. ලංකාවටම අවශ්‍ය “එතනෝල්” දැන් ලංකාව තිලින්ම ලැබෙනවා “සිනි” ටිකත් හදාගත්තහම දිනන්නෙ අපේ රටම නිසා හිතවත පලදායි දේ අහයමු.

    • The Citizens says:

      If unnecessary wastage of money is minimised and corruption is eliminated ,those state sector corporations can run at a profit , under able management and be an asset to the country. These corporations should not be over crowded with employees. The politicians should
      not try to make use of these institutions to solve the unemployment problem of their party people . The people can see the adverse effects of giving every thing to private sector ,when we look at the way private bus services provide services to the people , in comparison to C. T.B. bus services. After 7.30pm or so ,these profit_ oriented private buses are hardly seen on the roads.

Main News