රටේම ප‍්‍රශ්න විසදන්න යන සෞඛ්‍ය ඇමති නොදන්නා ලංකාවේ පිළිකා එන්නතක මිල..

July 6, 2018 at 3:50 pm | lanka C news
රටේම ප‍්‍රශ්න විසදන්න යන සෞඛ්‍ය ඇමති නොදන්නා ලංකාවේ පිළිකා එන්නතක මිල..

පහතින් දැක්වෙන්නේ පාරිභෝගික අයිතීන් සුරැකීමේ ජාතික ව්‍යාපාරය විසින් නිකුත් කරන ලද නිවේදනයකි.

සෞඛ්‍ය ඇමතිත් නොදන්නා ලංකාවේ පිළිකා එන්නතක මිල

පසුගියදා ඉංගිරිය  ප්‍රදේශයේ පැවැති උත්සවයකදී සෞඛ්‍ය ඇමති රාජිත සේනාරත්න මහතා ප්‍රකාශ කළේ  රුපියල් 220,000 කට පැවැති පිළිකා එන්නක මිල තමා විසින් රුපියල් 140,000 ක මුදලක් දක්වා අඩුකල බවත් එම පිළිකා එන්නත ඉදිරියේදී රුපියල් 64,000 ක මුදලක් දක්වා අඩුකරන බවය.

එහෙත් පිළිකා එන්නතක් රජයේ රෝහල් සදහා මිලදී ගැනීම සදහා 2018 මැයි මස 21 ක් වන දින රාජ්‍ය ‌ෙඖෂධ නීතිගත සංස්ථාව විසින් අංක LP/MSD/CPUDHS/RQ/016/18  යටතේ මිළ ගණන් කැදවා තිබූ අතර එහිදී එක් සමාගමක් පිළිකා එන්නත සදහා ලංකාවේ මෙතෙක් ඉදිරිපත් කරන ලද අඩුම මිල වූ රුපියල් 64,700 ක මිල ඉදිරිපත් කර තිබුනි. එම එන්නත ජාතික ‌ෙඖෂධඅධිකාරියේ ලියාපදිංචි කරන ලද එන්නතක් වන අතර එම සමාගම උක්ත පිළිකා එන්නත මේවන විට පුද්ගලික රෝහල් සදහා අලෙවි කරමින් සිටී.

අදාල ටෙන්ඩරය සදහා අඩුම මිල ඉදිරිපත් කල සමාගම නොසලකා හැර එන්නතක් සදහා රුපියල් 135,900 ක මිලක් ඉදිරිපත් කර තිබූ සමාගම වෙත පිරිනෑමීමට තාක්ෂණික කමිටුව විසින් තීරණය කර තිබුණි. අදාල තාක්ෂණික කමිටුව පත්කර තිබුනේ රාජ්‍ය ‌ෙඖෂධ නීතිගත සංස්ථාවේ සභාපතිවරයා වන අතර තාක්ෂණික කමිටුවේ නියෝජිතයින් පස්දෙනෙකුගෙන් තුන් දෙනෙකුම රාජ්‍ය ‌ෙඖෂධ නීතිගත සංස්ථාවේ සේවය කරන නිළධාරීන් වන අතර භාහිර පාර්ශවයකින් කවත් වෛද්‍යවරැන් දෙදෙනෙකු පත් කර ඇත. සාමාන්‍යයෙන් මෙවැනි ටෙන්ඩර්පත් සදහා මුදල් අමාත්‍යාංශයේ හා සෞඛ්‍ය අමාත්‍යාංශයේ නියෝජිතයින් සහ පිළිකා සංගමයේ නියෝජිතයින් පත් කිරීම සාමාන්‍ය ක්‍රමවේදවේ.

සෞඛ්‍ය ලේකම්වරයා දැනුවත් කරමින් ජාතික පිළිකා ආයතනයේ සභාපතිවරයා විසින් 2018/6/25 දින  යවනු ලබන ලිපියක් මගින් සදහන් කරන්නේ පිළිකා එන්නත් ලබා ගැනීම සදහාවන අංක LP/MSD/CPUDHS/RQ/016/18  දරණ ටෙන්ඩර සදහා වන තාක්ෂණික කමිටුවට සිය ආයතනයේ නියෝජනයක් ලබා දි නොමැති බවත් ඒ අනුව අදාල පිළිකා එන්නත සදහා තමන් කිසිම වගකීමක් නොදරන බවත්ය.මේ අනුව පෙනී යන්නේ රාජ්‍ය ‌ෙඖෂධ නීතිගත සංස්ථාවේ සභාපතිවරයා තමාගේම තාක්ෂණික කමිටුවක් පත්කරගෙන හොරාගේ අම්මාගෙන් පේන අසා ඇති බවත්ය.

කෙසේවෙතත් අපට පැහැදිලි වන්නේ රුපියල් 64,700 කට අලෙවි වන පිළිකා එන්නතක් පිළිබදව මෙරට සෞඛ්‍ය ඇමතිවරයා දැනුවත් කිරීමට සෞඛ්‍ය බළධාරීන් කටයුතු කර නැති බවයි. එසේ දැනුවත් කර

 

තිබුනේ නම් මෙරට මේවන විටත් රුපියල් 64,700 කට පිළිකා එන්නතක් අලෙවිවන බව ආඩම්බරයෙන් යුක්තය මාධ්‍යයට පැවසීමට සෞඛ්‍ය ඇමතිවරයාට හැකියාව තිබුණි.

සෞඛ්‍ය ඇමතිතුමනි, රුපියල් 64,700 කට අලෙවිවන පිළිකා එන්නත පිළිබදව ඔබව තවදුරටත් දැනුවත් කිරීමට අප සංවිධානය සුදානම් අතර පිළිකා එන්නත්වල මිල පිළිබදව නිවරදි තොරතුරැ ඔබ වෙත ලබා නොදෙන නිළධාරීන් පිළිබදව සොයා බලන ලෙසද ඉල්ලා සිටිමු.

රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්‍යාපාරය

29 views

4 Comments to “රටේම ප‍්‍රශ්න විසදන්න යන සෞඛ්‍ය ඇමති නොදන්නා ලංකාවේ පිළිකා එන්නතක මිල..”

  1. Damma says:

    Founder of “PRRA” in the era of 88,89. There is a notion called “Retribution”. People of this country shall witness the fate bof this PaRajitha fellow

  2. "චතුර පුතා" says:

    ජාතියට මෙතරම් කැපවීමක් කල ඇමති
    රාජිත මැතිතුමා සුවසෙත බලනා ඇමති
    ගරහනු කිමද අනාගතෙ අගමැති ඇමති
    සහය දෙනු සැමවිට රට ආදර බල ඇමති

  3. Saman says:

    Soon he will get cancer

  4. ආරච්චි says:

    ලක්ෂ 62 ට ඔහොම කරලා මදි. තව තවත් රවට්ටලා ගේම දෙන්න ඇමති තුමෝ.

Main News