රට පුරා කොරෝනා ආසාදිතයන් හමුවීමේ අවදානමක්.. භයානක තත්වයක් ගැන වසංගත රෝග විද්‍යා අංශය දන්වයි..

July 3, 2020 at 10:02 pm | lanka C news
රට පුරා කොරෝනා ආසාදිතයන් හමුවීමේ අවදානමක්.. භයානක තත්වයක් ගැන වසංගත රෝග විද්‍යා අංශය දන්වයි..

කොළඹ 13 ප්‍රදේශයෙන් කොරෝනා ආසාදිතයකු හඳුනාගත් ආකාරයට ඉදිරියේ දී රට පුරා විවිධ ප්‍රදේශ වලින් තවත් ආසාදිතයන් හමු වීමට ඉඩක් ඇතැයි වසංගත රෝග විද්‍යා අංශය සඳහන් කරයි.

එහි ප්‍රධානී විශේෂඥ වෛද්‍ය සුදත් සමරවීර මහතා සඳහන් කරන්නේ කොරෝනා අවදානම කෙරෙහි මේ වනවිට සෞඛ්‍ය අංශ උපරිම අවධානය යොමු කොට ඇති නිසා එවන් රෝගීන් වාර්තා වුවද පැතිරීම පාලනය කිරීමට හැකි වනු ඇති බවයි.

කෙසේ නමුත් මෙරටට හොර රහසේ පැමිණ පුද්ගලයන්ගෙන් රෝගය පැතිරීම ආරම්භ වූවොත් එය භයානක තත්ත්වයක් ඇතිවීමට හේතු විය හැකි බව ද ඔහු අනතුරු අඟවයි.

කොළඹ 13 ජින්තුපිටිය ප්‍රදේශයෙන් හමුවූ ආසාදිතයා සමාජය තුළින් හඳුනාගත් ආසාදන යුතු නොවන බවත් ඔහුගෙන් රෝගය සමාජයට පැතිරීම ඉඩකඩ අවම බවත් ඒ මහතා තව දුරටත් සඳහන් කළේය.

අදාල ආසාදිතයා සමඟ ඇසුරු කළ පුද්ගලයන් 154 දෙනෙකු දැනටමත් නිරෝධායන සඳහා යොමුකර ඇත.

475 views
Main News