රට පුරා ගෑස් පිපිරෙනවා.. රටම යලි මරණ බියෙන්..

November 30, 2021 at 4:40 pm | lanka C news
රට පුරා ගෑස් පිපිරෙනවා.. රටම යලි මරණ බියෙන්..

ශ්‍රී ලංකාවේ මිලියන 6කට ආසන්න ගෘහස්ථ පාරිභෝගිකයන් සංඛ්‍යාවක් තම දෛනික අවශ්‍යතා සඳහා ගෑස් පරිභෝජනය කරනු ලබන බවත් මේ වනවිට රටපුරා ගෑස් සිලින්ඩර පිපිරීම් සිදුවන නිසා අතිශය බරපතළ තත්ත්වයක් රටේ උද්ගතව ඇති බවත් විපක්ෂ නායකතුමා අද (30) පැවසීය.

මේ සම්බන්ධයෙන් විපක්ෂ නායකතුමා පසුගිය සෙනසුරාදා දින එනම්, 2021 නොවැම්බර් 26 දින පාර්ලිමේන්තුවේ අවධානය යොමු කළ අතර, ඒ සම්බන්ධයෙන් පැහැදිලි ප්‍රමාණවත් පිලිතුරක් ආණ්ඩුව පාර්ශවයෙන් නොලැබිණි. එබැවින්, පාරිභෝගික සුරක්ෂිතතාවයට, රටේ ගෘහණියන්ගේ හා නිවැසියන්ගේ ආරක්ෂාව වෙනුවෙන්, නිවැරදි හා වගකීම් සහගත තොරතුරු ලබා ගැනීම අපේක්ෂා කරමින් විපක්ෂ නායකතුමා ස්ථාවර නියෝග 27 (2) ප්‍රශ්නයක් යටතේ ඉදිරිපත් කරනු ලැබීය.

ස්ථාවර නියෝග 27(2) යටතේ විපක්ෂ නායකතුමා අසනු ලබනු ලැබූ ප්‍රශ්නය!

ශ්‍රී ලංකාවේ මිලියන 6කට ආසන්න ගෘහස්ථ පාරිභෝගිකයන් සංඛ්‍යාවක් තම දෛනික අවශ්‍යතා සඳහා ගෑස් පරිභෝජනය කරනු ලබන බව වාර්තා වේ. මෙම සියලුම පාරිභෝගිකයන් සඳහා ගෑස් සැපයීම සිදු කරනු ලබන්නේ සමාගම් දෙකක් මගින් ය. පසුගිය කාලසීමාව තුළ වැලිගම, අලව්ව, රත්නපුර, කොළඹ, කොට්ටාව හා නිකවැරටිය යන ප්‍රදේශවල දිගින් දිගටම සිදු වූ ගෑස් ආශ්‍රිත පිපිරීම් සමග ලංකාවේ ගෘහස්ථ ගෑස් භාවිතය සම්බන්ධයෙන් භීතියක් ජනතාව තුළ හටගෙන තිබේ.

මේ සම්බන්ධයෙන් මවිසින් පසුගිය සෙනසුරාදා දින එනම්, 2021 නොවැම්බර් 26 දින පාර්ලිමේන්තුවේ අවධානය යොමු කළ අතර, ඒ සම්බන්ධයෙන් ගරු රාජ්‍ය අමාත්‍ය ලසන්ත අලගියවන්න මැතිතුමා යම් කරුණු පැහැදිලි කිරීමක් සිදු කරන ලදී. එම පැහැදිලි කිරීම ප්‍රමාණවත් නොවන බැවින්, පාරිභෝගික සුරක්ෂිතතාවයට, රටේ ගෘහණියන්ගේ හා නිවැසියන්ගේ ආරක්ෂාව වෙනුවෙන්, නිවැරදි හා වගකීම් සහගත තොරතුරු ලබා ගැනීමට මෙම ගැටලුව ස්ථාවර නියෝග 27 (2) ප්‍රශ්නයක් යටතේ ඉදිරිපත් කිරීමට අපේක්ෂා කළෙමි.

මෙහි මූලාරම්භය සිදු වනුයේ, මෙම වසරේ මුල් භාගයේ දී ලීටර 18 ක හයිබ්‍රිඩ් නමින් හඳුන්වාගත් ගෑස් සිලින්ඩරයක් හඳුන්වාදීමත් සමග ය. පාරිභෝගික ජනතාව නොමඟ යවමින්, අධික ලාභයක් ලැබීම සඳහා මෙම වංචනික ක්‍රියාව සිදු කර ඇත. එසේම, පාරිභෝගික අධිකාරිය හෝ වෙනයම් අදාල රාජ්‍ය ආයතනයක් හෝ නිසි පරිදි දැනුම්වත් කොට මෙය සිදු නොකළ හෙයින් එම ක්‍රියාව නැවැත් වූ බවත්, එම ගෑස් වෙළඳපොළෙන් ඉවත් කළ බවත් ගරු රාජ්‍ය අමාත්‍යතුමා පසුගිය සෙනසුරාදා පාර්ලිමේන්තුවේ දී පැවසීය.

ගරු රාජ්‍ය අමාත්‍යතුමාට අනුව එම වංචනික ක්‍රියාව අවසන් විය. එය සිදුකළ පුද්ගලයන්ට එරෙහිව නඩු පවරා ඇත. කෙසේ වෙතත් ගෑස් කාන්දු වීම් මගින් පිපුරුම් අනතුරු රටපුරා වාර්තා වේ. ලීටර 18 ගෑස් සිලින්ඩර වංචාවේ දී අනාවරණය වූ එක් ප්‍රධානතම ගැටලුවක් වනුයේ, සංයුතිය වෙනස් කොට ගෑස් සිලින්ඩරයේ බර අඩු කිරීමයි. දෙවැනි බරපතලම ගැටලුව වූයේ, අප වැනි ඝර්ම කලාපීය රටකට කිසිසේත් ම නොගැලපෙන සංයුතියකට ගෑස් සිලින්ඩරයේ ප්‍රොපේන්, බියුටේන් මිශ්‍රණ ප්‍රතිශත වෙනස් කිරීමයි. එනම්, ගරු රාජ්‍ය අමාත්‍යතුමා මෙම සභාවට පැහැදිලි කළ අයුරින් මෙම වංචාව සදහා ගෑස් සිලින්ඩරයක එතෙක් පැවති බියුටේන් හා ප්‍රොපේන් සංයුතිය 70:30 සිට 50:50 දක්වා වෙනස් කර ඇත.

මෙම සංයුතියේ වෙනස සම්බන්ධයෙන් තහවුරු කළ වාර්තා තිබෙන බවට පාරිභෝගික සේවා අධිකාරියේ හිටපු විධායක අධ්‍යක්ෂ හා සපුගස්කන්ද පිරිපහදුව රසායනාගාර හිටපු ප්‍රධානී විසින් මෑතකදී මාධ්‍ය වෙත අදහස් ප්‍රකාශ කොට තිබිණ. ඒ සම්බන්ධයෙන් වන Intertek වාර්තාව එය වැඩිදුරටත් තහවුරු කරයි.

සංයුතියේ වෙනස නිසා සිලින්ඩරය තුල හටගන්නා දැඩි පීඩනය, ගෑස් සිලින්ඩරයේ වැල් එකට හෝ රෙගියුලේටර් කොටස් වලට ඔරොත්තු නොදීමෙන් සිලින්ඩරයෙන් ගෑස් කාන්දු වී යෑමේ ඉඩකඩක් හටගනී. මේ සම්බන්ධයෙන් රජයේ රසායනාගාර පරීක්ෂණ වාර්තා කෙසේ වෙතත් බියට පත් මහජනතාව සබන් දියර හා ජලය යොදා ගනිමින් ගෑස් කාන්දු වන සිලින්ඩර රට පුරා තවමත් ඇති බවට බොහෝ වීඩියෝ පට සමාජ ජාල වලට මුදා හැර ඇත.

මෙසේ ගෑස් කාන්දු වීමක් නිසා බරපතළ හානි සිදුවිය හැකි බවට අනතුරු ඇඟවීම් පාරිභෝගික අධිකාරියේ සභාපතිතුමන්ට, ගරු විෂයභාර අමාත්‍යවරුන්ට මෙන්ම අතිගරු ජනාධිපතිතුමාට ද සිදු කළ බවට සාක්ෂි මාධ්‍ය ඔස්සේ වාර්තා වේ. බෙදුම්වාදීන්ගේ පිපුරුම් වලින් වසර තිහකට ආසන්න කාලයක් බැට කෑ සහ, ආගමික අන්තවාදීන්ගේ පිපුරුම් වලින් නැවතත් මරණ බිය ඇති කර ගත් අප රටේ ජනතාවට සිදුව ඇත්තේ ආරක්ෂිත යැයි විශ්වාසයෙන් මිලටගත් ගෑස් සිලින්ඩරයක් කුමන මොහොතේ පිපිරේදැයි යන බියෙන් මුළුතැන්ගෙට යාමටයි.

ඒ අනුව මෙය ජාතික වැදගත්කමකින් යුතු ගැටලුවක් වශයෙන් සලකා පහත ප්‍රශ්න වලට නිශ්චිත පිළිතුරු හා පැහැදිලි කිරීම් රජයෙන් බලාපොරොත්තු වෙමි.

01. ගෘහස්ථ පරිභෝජනය සඳහා වෙළඳපොලේ විකුණනු ලබන ගෑස් සිලින්ඩරයක සංයුතිය සම්බන්ධයෙන් දැනට ශ්‍රී ලංකා ප්‍රමිති ආයතනය විසින් නිකුත් කර ඇති ප්‍රමිතිය කවරේ ද? එහි ප්‍රොපේන් හා බියුටේන් සංයුතියේ ප්‍රමිතිය සඳහන් නොවන්නේ නම් දැනට හදුනාගෙන ඇති අනෙකුත් ප්‍රමිතීන් ගෑස් සැපයුම සිදු කරන ආයතන දෙකම අනුගමනය කරන බවට රජයට සහතික විය හැකි ද? ඒ සම්බන්ධයෙන් මෙම වසරේ දී සිදු කළ පරීක්ෂණ වාර්තා සභාගත කරන්නේ ද?

02. 2021 ජනවාරි පළමු වනදා සිට අද දක්වා මෙම සමාගම් දෙක විසින් ගෑස් ආනයනය සඳහා සිදුකළ ඇනවුම් ප්‍රමාණයන් කවරේ ද? එසේ මිලදී ගත් රටවල් හා ආයතන කවරේ ද? ඒවායේ සම්පූර්ණ පිරිවිතරයන් හා වටිනාකම් සභාගත කරන්නේ ද? එම එක් එක් ඇණවුම වෙනුවෙන් ඉල්ලා සිටි ඇණවුමේ සඳහන් ප්‍රොපේන් බියුටේන් සංයුතිය සභාගත කරන්නේ ද? නොඑසේ නම් ඒ මන්ද?

03. ඒ අනුව 50:50 සංයුතියන්ගෙන් මෙරටට ගෙන්වූ ගෑස් ධාරිතාවය මෙට්‍රික් ටොන් කොපමණ ද? එම සංයුතියේ ගෑස් සිලින්ඩර කීයක් වෙළඳපොළට නිකුත් කළේ ද? ඒ සියල්ල වෙළඳපොලෙන් මේ වන විට ඉවත් කර තිබේ ද? ඒ සම්බන්ධයෙන් රජයට සහතික විය හැකි ද?

04. ප්‍රමිතියෙන් තොරවීම නිසා වෙළඳපොළෙන් ඉවත් කළේ යැයි අමාත්‍යතුමා විසින් පැවසූ ගෑස් සඳහා සිදු කළේ කුමක් ද? ඒ සියල්ල විනාශ කළේ ද? ප්‍රති නැව්ගත සිදු කළේ ද? නැතහොත් වෙනයම් කාර්යයක් සඳහා යොදා ගත්තේ ද? මෙසේ ප්‍රමිතියෙන් තොර සියලු ගෑස් වෙළෙඳපොළෙන් මෙන්ම ශ්‍රී ලංකා භූමියෙන් ද ඉවත් කොට ඇති බවට විගණනයක් සිදු කර ඇත් ද? එම විගණන වාර්තාව සභාගත කරන්නේ ද? නොඑසේනම් ඒ මන්ද?

05. බාල ප්‍රමිතියෙන් යුතු ගෑස් නියමිත පරිදි වෙළඳපොලෙන් ඉවත් නොවීම හෝ නැවත වෙළඳපොළට මුසු වීම හෝ එම ගෑස් පිරවූ අවස්ථාවේ හානි වූ ගෑස් සිලින්ඩර නිසා හෝ මෙම පිපිරීම් ඇතිවීමේ ඉඩකඩක් ඇතිවිය හැකියි. එම නිසා වර්තමාන රජය විසින් අකර්මණ්‍ය කළ තෙල් පිරිපහදුවේ මේ වන විට භාවිතා නොකරන රසායනාගාරය හා වෙනත් සුදුසු රසායනාගාර භාවිතා කොට කඩිනමින් සැලකිය යුතු සාම්පල පරීක්ෂාවක් දිවයින පුරා සිදු කිරීම සුදුසු නොවේ ද? එසේ නම්, එය සිදු නොකරන්නේ මන් ද?

සජිත් ප්‍රේමදාස (පා.ම.)
විපක්ෂ නායක

15,382 views

10 Comments to “රට පුරා ගෑස් පිපිරෙනවා.. රටම යලි මරණ බියෙන්..”

  1. dev says:

    onna awa joker

  2. උද්ගෝෂණ එපාලු says:

    මේක කුමන්ත්‍රණයක් බව හොඳටම පැහැදිලිය. විපක්ෂයෙන් ගෑස් හිඟ නිසා බඩු මිල ඉහළ යන නිසා වෙනදා මෙන් ගෑස් සිලින්ඩර කරේ තියාගෙන උද්ඝෝෂණය කරන නිසා ඒක නවත්තන්න ගහපු ප්ලෑනක් වෙන්න හොඳටම පුළුවන්. පුපුරන දෙයක් කරේ කියාගෙන යන්න දැන් විපක්ෂයටත් දෙපාරක් හිතන්න වෙලා.

  3. අරයා මෙයා says:

    මේක සහ රාන් ලගේ වැඩක් වෙන්න බැරිද? නත්තල් ලඟ එනවා.

  4. On The Spot says:

    ගෑස් බාල කර ඇත​.ගෑස් බාල කරන උන් දඬුකඳේ ගසා මේ අලුගුත්තේරු වැඩේ නැවැත්විය යුතුය​.එහෙම කරන එකෙක් පේන තෙක් මානයක නැත​.හැට නම ලක්‍ෂයේ උනුත් දැන් උන්ට ගෑස් පෙන්නන පුතාණෝගේ උනුත් දැන් ඉන්නේ එකම බෝට්ටුවේය.පුතාණෝ කට මැත දෙඩෙව්වත් සක්කරයගෙ පුතාණෝ වයිමා ආවත් මේ දූපත ගොඩ ගනු බොරුය​.සර් ෆේල් කියා පලක් නැත​.උනුත් මුනුත් ඔක්කොම ෆේල් බව ඔප්පු කර හමාරය​.මුන්ගෙන් මොකා ගෙනාවත් පලක් නැත​.ආයෙත් මුන්ට රැවටුනොත් අපි ඔක්කෝගෙම ඉතුරු ගෑස් ටිකත් බහිනු ඇත​.

    • ජනජය says:

      ඇත්තද …හානේ….බලන්නකො අපි රැවටිලනෙ…..කමක් නෑ…කමක් නෑ…ඊළඟ පාර වයිමගෙ පුංචි අම්මගෙ මල්ලි අන්රයියට දෙනව…සුවර් ගොඩ ….!.

  5. පල බල්ලා යන්න says:

    තෝ ඇමති කාලෙ පල්ලියක් පල්ලියක් ගානෙ හෝටලයක් ගානෙ බෝම්බ පුපුරන කොට අපි හරි සැපෙන් හිටියෙ. දැන් ගෑස් සිලින්ඩර් පුපුරනකොට තමයි අපි මර බියේ ඉන්නෙ
    😠😬

  6. අනේ ගොනෝ says:

    උඹේ ගොන් පියානො දීපු එව්වා තමයි කොටියා අපිටම පිපිරෙව්වෙ. අද ඉන්න එව්වො ඒ කාලෙ කලිසමේ චූ කරගන්න වයසෙ.ඒ නිසානෙ උඹලට පුලුවන් වෙලා තියෙන්නෙ උන්ව තාම ගොනාට අන්දන්න.

  7. මෝඩ පුතානෝ says:

    ජනතාවගේ මල මිනී මතින් හෝ ජනාධිපති වීම මගේ අරමුණයි.ඒ සදහා ඡනතාව මෝඩ වේවා.

  8. බයියා says:

    ඔහේගේ පියානෝ ඩෙන්සිල් කොබ්බෑකඩුව ජනප්‍රිය වේගන එනකොට මුලු ත්‍රිවිධ හමුදා වල උසස්ම නිලධාරීන් සියල්ල එකවර අතුගා දමන්න සැලසුම් කරේ ඔය වගේ පිපිරීම් කරලා තමා.

  9. harsha says:

    නරක නෑ. දැන් ඉතින් ගෙදරම බෝම්බයක් තියාගෙන ඉන්න ගානයි.

Main News