රට බංකොලොත් වෙලා..- අගමැති මහින්ද

July 18, 2020 at 6:22 am | lanka C news
රට බංකොලොත් වෙලා..- අගමැති මහින්ද

පුංචි රබර් කෑල්ලේ සිට ප්‍රධාන කෘෂි බෝග දක්වා පිටරටින් ගෙන්වීමට පසුගිය යහපාලන රජය කටයුතු කළ බැවින්, රට බංකොලොත් භාවයට පත් වූ බව ශ්‍රී ලංකා පොදුජන පෙරමුණු නායක අග්‍රාමාත්‍ය මහින්ද රාජපක්ෂ මහතා පවසයි.

කෑගල්ල දිස්ත්‍රික්කයේ දැරණියගල ප්‍රදේශයේ පැවති හමුවක් අමතමින් අග්‍රාමාත්‍යවරයා සඳහන් කළේ නිසි ක්‍රමවේදයක් නොමැතිව භාණ්ඩ ආනයනය කිරීම හේතුවෙන් විශාල මුදල් ප්‍රමාණයක් පිටරටට ඇදී ගිය බවයි.

රුපියලේ අගය 132 ක් ව පැවතිය දී යහපාලන රජයට ආණ්ඩුව භාර දුන් නමුත්  රුපියලේ අගය රුපියල් දෙසීයකට ආසන්න ඉහළ තත්වයකට ගෙන ඒමට යහපාලන රජයේ වැරදි ආර්ථික ප්‍රතිපත්තීන් හේතු වූ බව ද අග්‍රාමාත්‍යවරයා පෙන්වා දුන්නේය.

වර්තමානයේ දී රජය ගෙනයන සැලැස්මක් සහිත ආර්ථික වැඩපිළිවෙළ නිසා   ගෝලීය වසංගත තත්වය හමුවේ වුවත් රුපියලේ අගය 188 ක් දක්වා  අඩු කර ගැනීමට හැකි වූ බව ද මෙහිදී පෙන්වා දුන්නේය.

– සිසිර මුණසිංහ

227 views
Main News