රට වනසන උන් අදත් ඉන්නවා.. වරාය රැකගන්න හැමෝම එක්වෙන්න..- අර්ජුන

March 24, 2017 at 4:40 pm | lanka C news
රට වනසන උන් අදත් ඉන්නවා.. වරාය රැකගන්න හැමෝම එක්වෙන්න..- අර්ජුන

පසුගිය කාලයේ මෙන්ම අදත් රටට විනකටින පුද්ගලයින් සිටින බැවින් ඔවුන්ගෙන් රට ආරක්ෂා කරගත යුතු බව වරාය සහ නාවික අමාත්‍ය අර්ජුන රණතුංග පවසයි.

ඔහු මේ බව පැවසූයේ අද (24) පෙරවරුවේ ශ්‍රී ලංකා වරාය අධිකාරියේ ආරක්ෂක නිලධාරීන්ගේ විසිර යෑමේ උත්සවයට එක්වෙමිනි.

මෙම උත්සවය මහපොළ වරාය සහ සමුද්‍රීය විද්‍යායතනයෙහි දී පැවැත්විණි. එහිදී අමාත්‍යවරයා වැඩිදුරටත් පෙන්වා දුන්නේ අනාගත පරපුර වෙත යහපත් හෙටක් උරුම කරදීමට නම් පළමුවෙන් තමා සේවය කරන ආයතනයේදී අවංකව කටයුතු කළ යුතු බවයි. මෙම අවස්ථාවට වරාය සහ නාවික අමාත්‍යාංශයේ ලේකම් එල්.පී. ජයම්පති මැතිතුමා ඇතුළු ශ්‍රී ලංකා වරාය අධිකාරියේ මහත්ම මහත්මීන් රැසක් එක්වූහ.

“වරාය සුරකිනවා, වරාය ආරක්ෂා කරනවා කියන සමහර වෘත්තීය සමිති නායකයෝ තරම් හොරු මේ වරායේ තවත් නැති තරම්. ඒ වගේම වරාය ඇතුළට එන පිරිසිදු මනුස්සයා මාසයක් ඇතුළත වරායෙන් එළියට යන්නේ දූෂිත පුද්ගලයෙක් බවට පත්වෙලා යැයි කියන මතයක් පසුගියකාලයේ තිබුණා. නමුත් මේ සියල්ලම වෙනස් කරන්න අද අපේ කළමනාකාරිත්වයට හැකි වී තිබෙනවා. අද වන විට වරාය ගැන තිබූ වැරදි චිත්‍ර‍ය නිවැරදි තත්ත්වයකට පත් කර තිබෙනවා. මම කියන්නේ නැහැ අපි සියයට සීයක් සාර්ථක වුණා කියලා. නමුන් අපි මේ වනවිට වරායේ හොරකම් බොහෝමයක් නතර කරලා තියෙනවා. මගේ ජීවිතේ ලබපු විශේෂ ජයග්‍ර‍හණයක් ඒක. ඇත්තටම වරායේ පමණක් නෙවෙයි රටේ වුණත්, ආණ්ඩුවක වුණත් එවැනි වෙනසක් කරන්න නම් මූලිකවම හොරකම නවත්වන්න අවශ්‍යයයි. මම කියන්නේ නැහැ ඉස්සර පමණයි හොරු හිටියේ කියලා. අදත් හොරු ඉන්නවා. එදා හිටපු හොරු අදත් ඉන්නවා. අපි ඒ අයට විරුද්ධව කෙලින් හිටගන්න ක්‍ර‍මවේදයක් ඇති කළ යුතුයි. නැත්නම් කවදාවත් අපිට මේ රට හදාගන්න වෙන්නේ නැහැ. අපි දරුවන්ට ඉතිරි කරලා යන්නේ හොරකමින් පිරුණු රටක්ද කියන එක ගැන අපි කල්පනා කළ යුතුයි. අද වනවිට මේ වරාය රැකගැනීමේ දැවැන්ත ව්‍යාපාරයක් අපිට කරන්න සිදුවෙලා තියෙනවා. වරාය ආරක්ෂා කරන්න සිදුවෙලා තියෙන්නේ වරාය අමාත්‍යාංශයේ අයට පමණක් නෙවෙයි. මේ රටේ හැමදෙනාටම අද වරාය ආරක්ෂා කරගන්න සිදුවෙලා තියෙනවා. වරාය රැකගැනීමට වරාය අධිකාරිය, අමාත්‍යාංශය හැටියට අපේම ශ්‍රී ලාංකිකකයන් සමඟ ගහ මරාගන්න ඕනද කියලත් සමහර වෙලාවට අපි කල්පනා කරනවා…..” යැයිද අර්ජුන රණතුංග අමාත්‍යවරයා එහිදී පැවසීය.

– තමීර මංජු

2 views

5 Comments to “රට වනසන උන් අදත් ඉන්නවා.. වරාය රැකගන්න හැමෝම එක්වෙන්න..- අර්ජුන”

  1. kamalsiri kuruwita says:

    කොච්චර හොඳ දෙයක් කිව්වත් ඉන්නේ බොරුව, හොරකම , දුෂණය , තක්කඩිකම, පිරුන අසුචි ගඳ ගහන නරා වලේනෙ මහත්තයෝ. ඉතින් කොහොමද අපි සහයෝගයක් දෙන්නේ

  2. love nature says:

    දී කිරට බළල්ලුත් සාක්කිලු වාසි ඇති තැනට වාසිය දී කතා කරන විට මෙම පිරුළ භාවිතා වේ.

  3. love nature says:

    ලොව බොරු කරන එකම සත්තු ජාතිය මනුසතා පමණයි. එහෙම බොරු කරන මනුස්සයාවත් සමහර වෙලාවට හඳුනාගන්න හරි අපහසුයි.

    හැබැයි එක දෙයක් තියෙනවා, මිනිසුන් බොරු කරනා විට ඔවුන් නොදැනුවත්ව ම ඔවුන්ගේ සිරුරෙන් අංග චලන වලින් ඒ බව දැක්වෙනවා. මේ වෙනස්කම් මෙයාගෙන් ලෙහෙසියෙන් ම හොයා ගන්නට පුළුවන්.

  4. Yahapala says:

    කන්නාඩියෙන් බැලුවමත් එකෙක් පනේවි

Main News