රතන හිමි තවත් සටනක් අරඹයි..

June 8, 2019 at 4:40 pm | lanka C news
රතන හිමි තවත් සටනක් අරඹයි..

ඉදිරි අනාගතයේ රටේ නායකයා කවුරු වුවත් රට පිළිබඳ සියලු ප්‍රතිපත්ති, තීන්දු, තීරණ ගැනීමට ව්‍යවස්ථාපිත ජාතික මණ්ඩලයක් ස්ථාපිත කිරීමට මේ වනවිට සියලු කටයුතු අවසන් කර ඇති බව අතුරලියේ රතන හිමියෝ පැවැසූහ.

එම ජාතික මණ්ඩලය ඉදිරි දින දෙක තුන ඇතුළත රටට එළිදක්වන බවද උන්වහන්සේ පැවැසූහ.

මෙම මණ්ඩලයේ අවසරයකින් තොරව රට පිළිබඳ කිසිදු ප්‍රතිපත්තිමය තීන්දුවක් පාර්ලිමේන්තුවට පවා ගත නොහැකි වන පරිදි මෙම මණ්ඩලයට අවශ්‍ය නෛතිකමය බලය ලබා ගන්නා බවද උන්වහන්සේ පැවැසූහ.

මෙම ජාතික මණ්ඩලය සඳහා දේශපාලන නියෝජිතයන් සහභාගි කර නොගැනේ. ආගමික නායකයන් සහ ආර්ථිකමය, සමාජමය, වෘත්තීමය ඇතුළු සියලු ක්‍ෂේත්‍ර ආවරණය වන පරිදි විශේෂඥයන් මෙම මණ්ඩලයට පත්කරන බවද උන්වහන්සේ පැවැසූහ.

– lakbima

228 views
Main News