රත්නපුරේ ජනතා සිහිනය මැණික් කුළුණයි… එය ඉදි කර සිහිනය යථාර්ථයක් කරනවා..- අගමැති

January 16, 2021 at 8:40 am | lanka C news
රත්නපුරේ ජනතා සිහිනය මැණික් කුළුණයි… එය ඉදි කර සිහිනය යථාර්ථයක් කරනවා..- අගමැති

රත්නපුරේ ජනතාව දශක කිහිපයක් බලා සිටි මැණික් කුලුනක් ඉදිවීමේ සිහිනය අද පටන් යථාර්ථයක් වන බව ගරු අග්‍රාමාත්‍ය මහින්ද රාජපක්ෂ මහතා 15 දින පැවසීය.

රත්නපුර, දෙමුමාවත මහින්ද රාජපක්ෂ ජාත්‍යන්තර මැණික් කුලුනට මුල්ගල් තැබීම නිමිත්තෙන් අන්තර්ජාල වීඩියෝ  තාක්ෂණය ඔස්සේ සුබ පැතුම් එක් කළ අග්‍රාමාත්‍ය මහින්ද රාජපක්ෂ මහතා මේ බව සඳහන් කළේය.

ඒ අනුව ඉදිරි වසර 4ක කාලය තුළ මැණික් හා ස්වර්ණාභරණ ක්ෂේත්‍රයෙන් අමෙරිකානු ඩොලර් බිලියන 5ක විදේශ විනිමය ලැබෙනු ඇතැයි රජය අපේක්ෂා කරන බව ද අග්‍රාමාත්‍යවරයා මෙහිදී පෙන්වා දුන්නේය.

රත්නපුර මහින්ද රාජපක්ෂ ජාත්‍යන්තර මැණික් කුලුනට මුල්ගල් තැබීම කර්මාන්ත අමාත්‍ය විමල් වීරවංශ, මැණික් හා ස්වර්ණාභරණ ආශිත්‍ර කර්මාන්ත රාජ්‍ය අමාත්‍ය ලොහාන් රත්වත්තේ, මැණික් හා ස්වර්ණාභරණ අධිකාරියේ සභාපති තිලක් වීරසිංහ මහත්වරු ඇතුළු මැති අමැතිවරුන් රැසකගේ ප්‍රධානත්වයෙන් අද දින රත්නපුර දෙමුමාවත දී සිදු විය.

ඒ වෙනුවෙන් සුබ පැතුම් එක් කළ අග්‍රාමාත්‍ය මහින්ද රාජපක්ෂ මහතා මෙසේ ද කීවේය.

අපේ මාතෘ භූමිය අපි හදුන්වන්නෙ රත්න දීපය කියලා, ඒ තරම් වටිනාකමක් ලෝකය හමුවේ මැණික් කර්මාන්තයෙන් අපට ලැබෙනවා. මේ කර්මාන්තය අද ඊයේ ඇති වූවක් නෙමෙයි. ශත වර්ෂ ගණනාවක් අපේ මුතුන් මිත්තන් මේ පොළොවෙන් මතුවන මැණික්වල වටිනාකම් රටට දායාද කළා.

ලොව දියුණවත් සමඟ මේ කර්මාන්තයත් ඉදිරියට ගියා. ශ්‍රී ලංකාව පමණක් නෙවෙයි ලොව බොහෝ රටවල් තරගකාරීව මැණික් කර්මාන්තයට ප්‍රවිශ්ට වුණා. හැබැයි අපේ රටට ඇතැම් කාල වකවානුවල ඒ සඳහා අවධානයක් යොමු කළේ නැහැ.

එහි ප්‍රතිඵලයක් ලෙස මැණික් කර්මාන්තයේ නියැලෙන ව්‍යාපාරිකයන් මෙන්ම සේවකයන් විවිධ දුෂ්කරතාවලට මුහුණ පෑවා. ඔවුන්ගේ පවුල්වල දරුවන්ටත් එහි බලපෑම් එල්ල වුණා.

රජයක් විධියට අප සෑම අවස්ථාවකම මැණික් කර්මාන්තකරුවා රැක ගැනීමට වෙහෙසිලා තියෙනවා. මැණික්වල වටිනාකම රටේ වටිනාකමට යා කරගැනීමට විවිධ ක්‍රියාමාර්ග ගෙන තිබෙනවා. රත්නපුරේ ඔබට මැණික් ගැන අමුතුවෙන් කිව යුතු නැහැ. සබරගමුව වගේම තවත් පළාත් කිහිපයක සිදුවන මෙම මැණික් කර්මාන්තයට වෙනදාට වැඩි අවධානයක් අපි යොමු කරනවා.

සෞභාග්‍ය යේ දැක්ම යටතේ රත්නපුරට මැණික් කුලුනක් ඉදිවීම අද පටන් යථාර්ථයක් වන බව මම ඔබට ප්‍රකාශ කරන්න කැමතියි. එය ඔබ දශක ගණනාවක් බලා සිටි සිහිනයක් සැබෑ වීමක්.

අද ඉදිවන මෙම අති නවීන මැණික් කුලුනේ ස්වර්ණාභරන අධිකාරියේ කාර්යාල සංකීර්ණයක්, වෙළඳ සංකීර්ණයක්, බැංකු පද්ධතියක්, අධි ආරක්ෂණ පද්ධතියක් මෙන්ම ඔබට අවශ්‍ය වාහන නැවැත්වීමේ අංගනයක් ද ඉදිවෙනවා.

අපේ මෙම උත්සාහය මල් ඵල දරන විට, ඉදිරි වසර 4ක කාලය තුළ මැණික් හා ස්වර්ණාභරණ ක්ෂේත්‍රයෙන් අමෙරිකානු ඩොලර් බිලියන 5ක විදේශ විනිමය ලැබෙනු ඇතැයි අපි විශ්වාස කරනවා.

මෙම කටයුත්ත සාර්ථක කරගැනීමට වෙහෙසෙන කර්මාන්ත ඇමතිතුමාටත්,  මැණික් හා ස්වර්ණාභරණ ආශිත්‍ර කර්මාන්ත රාජ්‍ය ඇමතිතුමාටත් ජාතික මැණික් හා ස්වර්ණාභරණ අධිකාරියටත් මාගේ සුභාශිංසනය පිරිණමනවා.

මැණික් කර්මාන්තයේ නිරත ඔබ සැමට සුබ අනාගතයක් වේවා ! යැයි අග්‍රාමාත්‍යතුමා සුබ පැතුම් එක් කරමින් කියා සිටියේය.

මැණික් හා ස්වර්ණාභරණ ආශ්‍රිත කර්මාන්ත රාජ්‍ය අමාත්‍යංශ ලේකම් එස්.එම් පියතිස්ස මහතා මෙම අවස්ථාවට පැමිණි සම්භාවනීය අමුත්තන් පිළිගෙන මුල්ගල් තබන ස්ථානයට කැදවාගෙන ගියේය.

මැණික් හා ස්වර්ණාභරණ අධිකාරියේ සභාපති ඇතුළු එම අධිකාරියේ සේවක පිරිස මෙම උත්සවය සංවිධානය කර තිබිණි.

මෙම අවස්ථාවට සෞඛ්‍ය ඇමතිනී පවිත්‍රාදේවි වන්නිආරච්චි, රාජ්‍ය අමාත්‍ය ජානක වක්කුඹුර, පාර්ලිමේන්තු මන්ත්‍රීවරුන්ව න ජෝන් සෙනවිරත්න, ගාමිණී වලේබොඩ, සබරගමු පළාත් ආණ්ඩුකාර ටිකිරි කොබ්බෑකඩුව  ඇතුළු මහත්ම මහත්මීන් පිරිසක් එක්ව සිටියහ.

රොහාන් වැලිවිට
අග්‍රාමාත්‍ය මාධ්‍ය ලේකම්

20,983 views

20 Comments to “රත්නපුරේ ජනතා සිහිනය මැණික් කුළුණයි… එය ඉදි කර සිහිනය යථාර්ථයක් කරනවා..- අගමැති”

  1. Kulunu says:

    Coconut Triangle- “Coconut Tower”, Mathugama/Agalawaththa -“Rubber Tower”, Nuwara Eliya -“Tea Tower”,
    Anuradhapura – “Pagoda Tower”….

  2. අජානීය ඉස්කූටර් says:

    මේක 2012 එකක්… ඒකමද මේ හදන්න යන්නෙ ?
    http://www.presidentsmedals.com/Entry-32181

  3. Diogenes says:

    premadaasa unnahe rata puraa oralosu kanu hitewuwa. munnahe `mahinda kulunu` hitonawa!! oyita wadaa narakada ata hitewuwaa nam? ethakota ` mahinda eta palawewaa `mahinda kulunu` bawata pathwewi ne!

  4. ජගත් වීරසිංහ says:

    මැණික් කුළුණ රත්නපුරේ කඩිනම් අවශ්‍යතාවයක් නෙවි. රත්නපුරේ මැණික් ලැබුනට වෙළඳපොල තියෙන්නෙ බෙිරැවල China Port එකේ. මෙහේ ව්‍යාපාරිකයො කරන්නෙ පතල් කමිකරැවන්ගෙ මැණික් කුණු කොල්ලයට අරං බෙිරැවල උන්ට විකුණන එක. මැණික් ගන්න මෙහේට එන සුද්දෙක් නෑ. ආවත් ඌව මරං කන එවුන් තමයි ඉන්නෙ.
    ඔය කුළුණ හදනවයි කියන තැන වටා ඉන්න ව්‍යාපාරිකයො ටික දෙනෙක්ගෙ ඉල්ලීමක් මිසක මෙික ජනතාවට සෙතක්වෙන ව්‍යාපෘතියක් නෙවෙයි. නගරෙට එන එකෙකුට හදිසියකට යන්න වැසිකිළියක් නෑ. වාහන තදබදය ඊට හපං. කණාදොළ කුණුකන්ද පලාතම ගඳගස්සනවා.
    කුණුමාළු ගඳේ ගොඩවෙල – වෙරළුප පාරෙ බලු බල්ලෙකුට යන්න බෑ. ඔය මැණික් කුළුණත් පාළු අමිබලමක් නූනොත් තමයි පුදුමෙ.
    මැණික්වලට වඩා විශාල විදේශ විනිමයක් රත්නපුරේට තේවලින් ලැබෙනවා. තේ පොහොර කලට වෙලාවට ලබාදීල, ග්‍රාමීය පාරවල් ටික හදල, රැවන්පුර – කොළඹ අධිවෙිගී මාර්ගය හදල දුන්නොත් තමා වටින්නෙ.

    • අජානීය ඉස්කූටර් says:

      සහතික ඇත්ත, කෝච්චි පාරත් හදන්න ඕනෑ

  5. Alapaluwa says:

    මේකගෙ මොලේ මඥ්ඥං. සිරිමාවෝ වගේ රෝද පුටුවෙනුත් පාර්ලිමේන්තු එයි. කැලේ රෙන මිනිස්සුන්ට කක්කුස්සි ටිකක් හදල දීපං ඔය සල්ලි වලින්. තාම ඉන්නව හරිහමං කක්කුස්සියක් නැති පවුල්.

  6. Alex Sene says:

    සෑර් අපි මොරටුවේ. අපිටත් ලී කුලුනක් දෙන්නකො

Main News