රනිල්ගේ සුපිරි ඇමතිකම් ගැන කියා බැසිල්ට පහර ගහන්න ගිය ඩිලාන් පෙරේරා සහෝදර කැබිනට් ඇමතිගෙන් ඉල්ලන් කයි…

December 20, 2016 at 12:01 am | lanka C news
රනිල්ගේ සුපිරි ඇමතිකම් ගැන කියා බැසිල්ට පහර ගහන්න ගිය ඩිලාන් පෙරේරා සහෝදර කැබිනට් ඇමතිගෙන් ඉල්ලන් කයි…

ඩීලාන් පෙරේරා රාජ්‍ය අමාත්‍යවරයා රනිල් වික්‍රමසිංහ අග්‍රාමාත්‍යවරයාගේ රජයේ මහාමාර්ග රාජ්‍ය අමාත්‍ය ධූරය හොබවමින් නිරන්තරයෙන්ම රජයට සම්බන්ධ නැති පාර්ශවයන්ට රජය සමඟ ඩීල් ඇතයි චෝදනා කරමින් අමුතුම දේශපාලන ගමනක් යෑමට පටන් ගෙන ඇත. මේ සම්බන්ධයෙන් කාලයක් එම රජයේ අනිකුත් පාර්ශවය නිහඬව සිටියත් එන්න එන්නම රජය අපහසුතාවයට පත්කරමින් සියලුම රජයේ ප්‍රතිලාභ ලබමින් එසේ ක්‍රියා කිරීමට විරෝධය පලකිරීමට රජයේ අගමැතිවරයාගේ පාර්ශ්වය පිලිතුරු දීමේ වැඩපිළිවෙළක් ආරම්භ කොට ඇත.

අගමැතිවරයාගේ සුපිරි අමාත්‍ය ධූරය ගැන කියමින් මහින්ද රාජපක්ෂ යුගයේ සිදු කල සංවර්ධන වැඩසටහන් අවමානයටත් අවප්‍රමාණයටත් ලක් කිරීමටත්, එම රජයේ ආර්ථික සංවර්ධන කටයුතු භාර හිටපු අමාත්‍යවරයා වූ බැසිල් රාජපක්ෂට ඒ හරහා අවලාද නැගිමත් සිදු කරයි. එමෙන්ම රනිල් වික්‍රමසිංහ අගමැතිවරයාගේ යෝජිත සුපිරි ආර්ථික අමාත්‍ය ධූරය ද විවේචනයට ලක් කිරීමටත් ඒ හරහා තමන් රජයේ කොටස් කරුවකු නොවන බව ජනතාව හැගවීමට ගත් උත්සහය ලත් තැනම ලොප් කිරීමට ආණ්ඩුවේ ස්වදේශීය කටයුතු අමාත්‍ය වජිර අබේවර්ධන මහතා වහාම කටයුතු ආරම්භ කොට ඇත.

ඩීලාන් රාජ්‍ය අමාත්‍යවරයාගේ සුපිරි ඇමති කතාවට පිලිතුරු දෙමින් වජිර අබේවර්ධන අමාත්‍යවරයා පවසා සිටියේ ශ්‍රීලංකාව දියුණු කිරීමට නම් එවැනි සුපිරි ඇමතිවරයකු අත්‍යවශ්‍ය බවයි. එක පැත්තකින් රට සිංගප්පූරුවක් මැලේසියාව කරන්න කතාකරන ගමන් එම රටවල් එසේ දියුණුව ලගා කර ගත්ත ආකාරය සහ ඒ වෙනුවෙන් භාවිතා කල සුපිරි බලතල ගැන කතා නොකිකිරීම විහිලුවක් බවත් රට සංවර්ධනය කිරීමට අවශ්‍යයි නම් ඊටත් වඩා බලතල ආර්ථික සංවර්ධනය කටයුතු සඳහා ලබාදිය යුතු බව ඔහු පවසයි. ඒ සුපිරි බලතල ලබාදීමට අවශ්‍ය කටයුතු පාර්ලිමේන්තුව හරහා කිසිම පැකිලීමකින් තොරව ලබාදීමට ක්‍රියා කරන බවත් අමාත්‍යවරයා වැඩිදුරටත් පැවසීය.

මීට පෙර යූ එන් පී එකේ පසුපෙල මන්ත්‍රීවරුන් තිදෙනෙකු හරහා ඩීලාන් පෙරේරා රාජ්‍ය අමාත්‍යවරයා ආණ්ඩුවේ ඉන්න බැරි නම් එලියට යන්න ආණ්ඩුවේ ඉදන් ආණ්ඩුවේ සියලු වරප්‍රසාද සහ පහසුකම් ලබමින් ආණ්ඩුව විවේචනය කරන්න එන්න එපා යයි දැඩි විවේචනාත්මක ප්‍රහාරයක් එල්ල කොට එය පහව යන්න පෙර රනිල් වික්‍රමසිංහ රජයේ ජේෂඨ අමාත්‍යවරයකු මෙසේ පැවසීම තුල තවදුරටත් ඩිලාන් පෙරේරාට රාජ්‍ය අමාත්‍ය ධූරය හෙබවීමට නොහැකි වනු ඇතැයි විචාරක මතයයි.

100 views
Main News