රනිල් සිරිකොතේ බලය තහවරු කරගනී.. මාධ්‍ය කැදවා සජිත්ගේ චෝදනාවලට පයින් ගහයි..

November 22, 2019 at 1:20 pm | lanka C news
රනිල් සිරිකොතේ බලය තහවරු කරගනී.. මාධ්‍ය කැදවා සජිත්ගේ චෝදනාවලට පයින් ගහයි..

ජනාධිපතිවරණයේදි සජිත් ප්‍රේමදාස මහතා ජයග්‍රහණය කිරීමේ වැඩපිළිවෙල අඩපණ කළ බවට එල්ල වන චෝදනා තමා ප්‍රතික්ෂේප කරන බව එක්සත් ජාතික පක්ෂයේ නායක හිටපු අග්‍රාමාත්‍ය රනිල් වික්‍රමසිංහ මහතා පවසයි.

අද(22) සිරිකොත පක්ෂ මූලස්ථානයේ පැවති මාධ්‍ය හමුවකදි ඔහු මේ බව කියා සිටියේය‍.

ජනාධිපතිවරණයේ දී සජිත් ප්‍රේමදාස මහතාව ජනාධිපති අපේක්ෂකයා වශයෙන් යෝජනා කරනු ලැබුවේ ද තමා බව පැවසු හිටපු අගමැතිවරයා, ඒ අනුව අනෙක් පක්ෂවල කැමැත්ත මත ජනාධිපතිවරණයට ගිය බවත් පැවසීය.

මෙම යාන්ත්‍රණය හා සිරිකොත එම වැඩකටයුතු කළ බවට තමාට සහතික විය හැකි බව පැවසු රනිල් වික්‍රමසිංහ මහතා මෙම මැතිවරණය අඩපණ කළා යැයි පැවසෙන චෝදනා තමාගෙන් හෝ තමා විසින් නිර්මාණය කරන ලද යාන්ත්‍රණය තුළින් සිදු නොවුවක් බවද සඳහන් කළේය.

තම ප්‍රධාන මැති ඇමතිවරුන් සියලු දෙනා ජනාධිපතිවරණය වෙනුවෙන්, විවිධ වැඩකටයුතු බාර ගත් බවත් පැවසු රනිල් වික්‍රමසිංහ මහතා තමා බාර ගනු ලැබුවේ උතුරු නැගෙනිහර ඡන්ද ප්‍රමාණය වැඩි කිරීම බවත් එම ඡන්ද ප්‍රතිශතය වැඩි කිරිමට හැකියාව ලැබුණ බවත් පැවසීය.

නමුත් අවාසනාවකට දකුණේ ඡන්ද ප්‍රමාණය අඩු වු බවත් කියා සිටි ඒ මහතා, එය මෙම පරාජයට හේතුවු බවත් කියා සිටියේය.

සිංහල, බෞද්ධ ඡන්ද පදනම නොමැති වීම, මීට පෙර පක්ෂයට සිදුව නොමැති වී නැතැයි කියා සිටි රනිල් වික්‍රමසිංහ මහතා, ඒ සම්බන්ධයෙන් විශේෂයෙන් සොයා බැලිය යුතු බවත් පැවසීය.

මෙයට ඇඟිලි දිගු කරමින් චෝදනා කර සිටීම සාර්ථක වැඩ පිළිවෙලක් නොවන බවත්, පක්ෂයට හෝ නිලධාරීන්ට මුල්‍ය කටයුතු පිළිබඳ කිසිදු වගකීමක් නොතිබුණ බවත් රනිල් වික්‍රමසිංහ මහතා මෙහිදී සඳහන් කළේය.

මූල්‍ය කටයුතු තමා බාර නොගත් බැවින් ඒ සම්බන්ධයෙන් ඇති චෝදනාද තමා ප්‍රතික්ෂේප කරන බවත් පැවසු රනිල් වික්‍රමසිංහ මහතා, පක්ෂය පිළිබඳ චෝදනා කරන්නේ නම් විභාග කර ඒවා අසත්‍ය නම් ඒ ගැන තදින් කටයුතු කළ යුතු බවත් පැවසීය.

පක්ෂයේ අනාගතය ගැන සිතා නව නායකයින් ඉදිරිපත් කිරිමට ඉඩ තැබිය යුතු බවත්, ඔවුන්ට නව ප්‍රතිපත්ති ඉදිරිපත් කිරීමට අවස්ථාව ලබා දිය යුතු බවත් පැවසු රනිල් වික්‍රමසිංහ මහතා, එයින් දිනන නායකත්වයක් ඇති කිරීමට ඇති බවත් කියා සිටියේය.

බෞද්ධයෙක් ලෙස කළ යුතුව ඇත්තේ, වැරද්දක් සිදුවු විට එය ඇඟිල්ල දික් කිරිමට නොව එය වටහා ගැනීම කළ යුතු බවත් බෞද්ධයන් ලෙස ඒ නිවැරදි ප්‍රතිපත්ති වටහා ගැනීම තුළින් ඉදිරියට ගමන් කිරීමට ඉඩ ඇති බවත් රනිල් වික්‍රමසිංහ මහතා පැවසීය.

ඒ ගැන අවධානය යොමු කරමින් සංඝ රතනයේ, ආශිර්වාදය ද ලබා ගනිමින් නව එක්සත් ජාතික පක්ෂයක් ලෙස ඉදිරියට යා යුතු බවත් එතෙම හිටපු අගමැතිවරයා කියා සිටියේය.

– adaderana

83,871 Viewers

15 Comments to “රනිල් සිරිකොතේ බලය තහවරු කරගනී.. මාධ්‍ය කැදවා සජිත්ගේ චෝදනාවලට පයින් ගහයි..”

  1. මහනුවර අක්‍රම් says:

    මෙන්නෝ මුන්ට දැං සංඝ රත්නය මතක් වෙලෝ !

    • susil says:

      Are you a Buddhist?
      My God!
      Since when?!
      You lost mainly because of Mangala and licking asses of Tamil/Muslim Leaders who want to breakup this country.
      GO HOME MASTER JOKER

  2. සිංහල බන්ඩා says:

    නව එක්සත් ජාතික පක්ෂයක් ලෙස ඉදිරියට යා යුතු බවත් … හැබැයි නායකයා මම 😀

  3. Anoosh says:

    Hon. Leader, you have confirmed that message, but defeated Sajith will not take that message into his mind, he has loosed the election and to cement it now he want grab power of UNP leadership. Sajith should be removed from UNP.

  4. Modapala says:

    ඔබ තුමාගේ හිටපු මුදල් අමත්‍යවරයා කියන්නේ මෙරට තියෙන්නේ ඩබල් රත්නයක් පමණක් කියා.මාත් ඒ විදිහට ගාථා හෙම පාඩම් කළා. දැන් ඒක ආයෙ තුනකට වැඩි කළාද?

  5. Kapila says:

    රනිල් කියන්නේ කිසිම අලුත් අදහසක් නැති යල් පැනපු භාණ්ඩයක්. මෙයා දැන් හදන්නේ මැරෙනකම් කොහොම හරි විරුද්ධ පක්ෂ නායකයා වෙලා ඉන්න විතරයි . මෙයා වගේ දුර්වල නායකයෙක් ඉන්නකම් පොහොට්ටුවත් හැමදාම බලේ ඉඳීවි .
    රට කන ප්‍රධාන බලවේගය රනිල්. ඔහුව මුළු දේශපාලන ඉතිහාසයෙන්ම වහාම අතුගා දමන්න ඕනි.

  6. UD says:

    රනිල් මහත්තයෝ ඔයා දිගටම එජාප නායකත්වයේ සිටිය යුතුය..
    එතකොට තමයි ගෝඨාභය මහතාට කැමති පරිදි මේ රට කරගෙන යන්න පුළුවං…

  7. kamal says:

    දේශපාලනයෙන් සමුගත්තා ඔනැම දෙයක් කරන්න ප්‍රතිපත්ති තියෙන්න ඔනේ. එක්කෙනෙක් ඉන්නවා ගුරු උත්තමයා කැමති නැති. ඒ තමයි ඩලස් අලහප්පෙරුම හා ජොන්ස්ටන් නමුත් එක්කෙනෙකුට ලැබිලා තියෙනවා .නමුත් එක්කෙනෙකුට ලැබිලා තියෙනවා ගුරුදෙව් අකැමැති නැති ඒ තමයි විමල් විරවංශ නමුත් විමල් විරවංශ වුනත් කපටි විදියට හිටියොත් මම කැමති වෙන්නෙ නැ. මොකද ඒක තමයි මගේ අභිප්‍රාය ලංකාව බේරාගන්න විමල් විරවංශ හා ගෝටාබය අතර සම්බන්ධයක් තිබිය යුතුයි. නමුත් සම්බන්දය තියෙන්නෙ ජොන්ස්ටන් හා මහින්ද අතර

  8. Nimal R says:

    එක්සත් ජාතික පක්ෂයේ නායකත්වයේ වෙනසක් සිදුවිය යුතුයි . හැබැයි එය සජිත් වැනි අද කාලයේ හැටියට එතරම් උගත් කමක් නැති බොළඳ මෙන්ම මෝඩ කථා කියන නායකයෙකුගෙන් නොවෙයි . ලලිත් ඇතුලත්මුදලි වැනි උගත්කමින්, බුද්ධිමත්කමින් ඉතා ඉහල මට්ටමක නොමැති වුවත් උගත් බුද්ධිමත් පමණක් නොව ලලිත් මෙන් රටට ජාතියට ආදරය කරණ , බලවතුන්ට කොන්ද නොනමන , සිංහල බෞද්ධ සංස්කෘතියට ගෞරව කරණ නායකයෙක් පත්කර ගත යුතුය.

  9. SLCommunity says:

    හිවලෙකුට සිංහයෙකු වීමට බැරි බව දැන්වත් තේරුම් ගන්නිල්ලා…

  10. කිරිමෙල් says:

    සියල්ල සත්‍යයි.
    සංඝරත්නයට අපහාස කල සියල්ලෝම සම්බන්ධයෙන් නිසි ක්‍රියාමාර්ග ගැනීමෙන් ප්‍රකාශයෙහි අවංක බව ඔප්පුකොට පෙන්වීමට හැක.

  11. SuMa says:

    කෙළ වෙන්නම ඕනෑ මෙයාට බෞද්ධයෝ මතක් වෙන්න. හැබයි බලය ලැබුණාම ඉස්සෙල්ලා ම කෙලින්නේත් බෞද්ධයන්ට තමයි.

  12. Upul says:

    RW is not going to give up the leadership of the UNP until he is kicked out or dead. He is a shrewd, cunning dictator who has enjoyed the rank of “leader of the opposition” for so long, and he knows the taste of it.

Main News