රාජපක්‍ෂ ඉන්නේ නරින් සමගයි.. මා ඉන්නේ සිංහයින් සමගයි.. – මර්වින්

November 19, 2016 at 4:40 pm | lanka C news
රාජපක්‍ෂ ඉන්නේ නරින් සමගයි.. මා ඉන්නේ සිංහයින් සමගයි.. – මර්වින්

‘ඩී.ඒ. රාජපක්‍ෂ ගුණ සමරුවට ආව නරි ටිකක්‌ හූ කිව්වා. ඔය නරි නිසා තමයි, රාජපක්‍ෂලාට වැරදුනෙ. මම දැන් නරිත් එක්‌ක නැහැ. මම ඉන්නෙ සිංහයො එක්‌ක’ යෑයි හිටපු ඇමැති මර්වින් සිල්වා මහතා කියා සිටියේය.

ඩී. ඒ. රාජපක්‍ෂ ගුණ සමරු උත්සවය 17 දා කොළඹ නව රඟහල ශාලාවේ පැවැති අවස්‌ථාවේ ඊට සහභාගි වූ මර්වින් සිල්වා මහතාට රැස්‌ව සිටි පිරිස හූ කියමින් සිය විරෝධය පළ කළහ.

මර්වින් සිල්වා මහතා මෙසේ ද පැවැසීය.

‘මම ඔය උත්සවයට ගියේ මට ලැබුණු ආරාධනාවක්‌ අනුවයි. මෙය ඉතා වටිනා පුද්ගලයකු වෙනුවෙන් පිළියෙල කළ උත්සවයක්‌ නිසයි මා ඊට සහභාගි වුණේ.

ගීතාංජන ගුණවර්ධන මහතාත් එහි සිටියා. අපි දෙදෙනා අතර බහින්බස්‌වීමක්‌ද සිදු වුණා. චමල් රාජපක්‍ෂ මහත්මයයි මමයි හොඳට කතාබහ කළා. ඒත් මේ උත්සවයට පැමිණි නරි පිරිසක්‌ මට හූ කිව්වා. ඒක මා පිළිගන්නවා. ඔය හූ කිව්ව පිරිස තාමත් ඉන්නේ රාජපක්‍ෂලා සමඟයි. මම ඉන්නේ සිංහයෝ සමඟයි.

පිදිය යුත්තන් පුදන්නට ගිහින් ඒකාබද්ධ විපක්‍ෂය මෙහෙම කරනවා නම් ඔවුන්ගේ පස්‌සේ ගිහින් අමාරුවේ වැටෙන්න එපා කියා මා ශ්‍රී ලංකා නිදහස්‌ පාක්‌ෂිකයන්ගෙන් ඉල්ලීමක්‌ කරනවා’

– දිවයින

58 views
Main News