රාජ්‍ය ආයතන හිතවතුන්ගෙන් පුරවන යුගය අවසන්..- ජනපති

March 7, 2020 at 6:48 pm | lanka C news
රාජ්‍ය ආයතන හිතවතුන්ගෙන් පුරවන යුගය අවසන්..- ජනපති

දේශපාලන හිතවතුන්ට තනතුරු දීමට තිබූ ස්ථාන ලෙස රජ්‍ය ආයතන භාවිත කළ යුගය වෙනස් කිරීමට තමාට හැකිවිණැයි ජනාධිපති ගෝඨාභය රජපක්ෂ මැතිතුමා පවසයි.

පෞද්ගලික ආයතන ශක්තිමත් කොට ලාභ ලබන තත්ත්වයට පත්කළ අත්දැකීම් බහුල පිරිසක් අද කිසිදු වරප්‍රසාදයක් නැතිව රාජ්‍ය ආයතන නගා සිටුවීමට තමා සමග එක්ව සිටිතියි එතුමා කියයි.

රාජ්‍ය ආයතන කිහිපයකට අලුතින් පත් කෙරුණු සභාපතිවරු සහ අධ්‍යක්ෂ මණ්ඩල සාමාජිකයන් සමග ජනාධිපති කාර්යාලයේ පැවති හමුවේ දී ජනාධිපතිතුමා එසේ සඳහන් කළේය.

රටේ ජනතාව තමාට කළ අභියෝගය ජය ගැනීමට සියලු රාජ්‍ය නිලධාරීන්  පෙළගැසිය යුතු බව  ජනාධිපතිතුමා අවධාරණය කළේය. රාජ්‍ය ආයතන ශක්තිමත්ව සහ විධිමත්ව ජනතා අවශ්‍යතා ඉටුකිරීමෙන් ප්‍රශ්න රැසකට සාර්ථකව මුහුණදිය හැකි බව එතුමා කීය.

සියලුම රාජ්‍ය ආයතනවල නිලධාරීන් සමග පැවැත්වෙන සාකච්ඡා මාලාවේ 03 වැන්න ලෙස රැස්වීම කැඳවා තිබිණ. සෞභාග්‍යයේ දැක්ම ප්‍රතිපත්ති ප්‍රකාශයේ ඇතුළත් දැක්ම සහ ඉලක්ක පිළිබඳව සේම රාජ්‍ය සේවයේ දැක්ම, ආර්ථික සහ සමාජ ප්‍රතිපත්ති පිළිබඳව දැනුවත් කිරීම සාකච්ඡා මාලාවේ අරමුණයි.

ජනතා කේන්ද්‍රීය පාලනයක් වෙනුවෙන් රාජ්‍ය ආයතන ක්‍රියා කළයුතුයි. ජනතාවට සැබෑ නිදහස අත්කර ගැනීමට නම් ඔවුන්ගේ අපේක්ෂා සාක්ෂාත් කර ගැනීමට හැකියාව තිබිය යුතු බව ජනාධිපතිතුමා සඳහන් කළේය.

රාජ්‍ය සේවයේ සහ පවතින නීති රීතිවල වගකීම වන්නේ ජනතාව ජීවත් කරවීම සහ ජීවත්වීමට අවශ්‍ය පසුබිම පහසුකිරීම බව ද ජනාධිපතිතුමා පෙන්වා දුන්නේය.

ජනාධිපති ලේකම් ආචාර්ය පී.බී. ජයසුන්දර, ජ්‍යෙෂ්ඨ උපදේශක ලලිත් වීරතුංග, ආරක්ෂක ලේකම් විශ්‍රාමික මේජර් ජනරාල් කමල් ගුණරත්න යන මහත්වරු ද මේ අවස්ථාවට එක්ව සිටියහ.

මොහාන් කරුණාරත්න
නියෝජ්‍ය අධ්‍යක්ෂ
ජනාධිපති මාධ්‍ය අංශය

101 views

6 Comments to “රාජ්‍ය ආයතන හිතවතුන්ගෙන් පුරවන යුගය අවසන්..- ජනපති”

  1. Sathya says:

    දැන් තිබෙන්නේ ජනතා කේන්ද්‍රීය පාලනයක් නොව මහින්ද කේන්ද්‍රීය පාලනයක්. G. L. පීරිස් අගමැති ලෙස පත් නොකලොත් මේ රජයේ ආයුෂ අප්‍රිල් 25 දක්වා පමනයි.

  2. Araliya says:

    Eka honda theeranayak. Eheth rata gena kekkumak nethi pakshayak oluwe thiyagena inna pudgalayin ayathana awul karavi. Lankika Yan Bawa amathaka karamin katayuthu kala Nishantha silva hondama Udaharanayak.

  3. Rasika says:

    We dont no precent culprits like appointed by whom?

  4. Katakaraya says:

    දේශපාලන හිතවතුන්ට ‌නොවෙීද රාජ්‍ය ආයතන වල තනතුරැ දීල තියෙන්නේ? ‌හොඳට ‌හොයල බලන්න. දාල ඉන්‌නේ වැඩ බැරි ටාසන්ලා හා හොරැ. රාජපක්ෂ ආණ්ඩුවෙී ගසා කාපු උන්ටමයි.

Main News