රාජ්‍ය උත්සවයක දී ජාතික ගීතය දෙමළින් ගැයීම නීති විරෝධීයි.. ව්‍යවස්ථාව මෙන්න..

January 2, 2020 at 3:00 pm | lanka C news
රාජ්‍ය උත්සවයක දී ජාතික ගීතය දෙමළින් ගැයීම නීති විරෝධීයි.. ව්‍යවස්ථාව මෙන්න..

පිවිතුරු හෙල උරුමයේ නායක පාර්ලිමේන්තු මන්ත‍්‍රී උදය ගම්මන්පිල මහතා එම පක්‍ෂ මූලස්ථානයේදී පැවති මාධ්‍ය හමුවක් අමතමින් මෙම අදහස් පල කලේය.

ජාතික ගීතය දෙමළින් ගැයීම පිළිබඳ රටේ අද මහත් ආන්දෝලනයක් ඇති වී තිබෙනවා. මෙහි තිබෙන දේශපාලනය වගේම නීතිමය කරුණුත් අපි අද බලමු.

අපේ ජාතික ගීතය කුමක්ද කියන එක ආණ්ඩුක්‍රම ව්‍යවස්ථාවේ සත්වන වගන්තියේ සඳහන් කර තිබෙනවා. ඒ අනුව “ශ්‍රී ලංකා ජනරජයේ ජාතික ගීය “ශ්‍රී ලංකා මාතා” ගීය වන්නේය. ජාතික ගීයෙහි පදමාලාව සහ සංගීතය තුන්වන උපලේඛණයේ දැක්වෙන්නේය”. එහෙම නම් තුන්වන උපලේඛණයේ දැක්වෙන “ශ්‍රී ලංකා මාතා” පදමාලාව හැර වෙනත් කිසිවක් ජාතික ගීය ලෙස සැලකුවොත් එය ව්‍යවස්ථා උල්ලංඝණයක් වෙනවා. එහෙමනම් ජාතික උත්සවයක දෙමළින් ජාතික ගීය ගායනා කිරීම ශ්‍රී ලංකා තායේ යනුවෙන් ජාතික ගීය ගායනා කිරීම අපේ ආණ්ඩුක්‍රම ව්‍යවස්ථාව අමු අමුවේම උල්ලංඝනය කිරීමක්. මේ වගන්තිය කාට හරි වෙනස් කරන්න ඕනෑ නම් කරන ක්‍රමයත් ව්‍යවස්ථාවේ සඳහන් වෙනවා. සාමාන්‍ය වගන්තියක් නම් පාරලිමේන්තුවේ තුනෙන් දෙකේ බහුතරයෙන් වෙනස් කරන්න පුළුවන්. නමුත් මේ වගන්තිය වෙනස් කරන්න තුනෙන් දෙකේ බහුතරය වගේම ජනමත විචාරණයක දී ජනතාවගේ අනුමැතියත් ගන්න ඕනෑ. ඒ නිසා අපි සුමන්තිරන් මන්ත්‍රිතුමාට කියන්නේ නීතිය දන්න පුද්ගලයෙකු විධියට ජාතික උත්සවයක දී දෙමළින් ජාතික ගීය ගායනය කරන්න ඕනෑ නම් ව්‍යවස්ථාව ප්‍රකාරව සත්වන වගන්තිය සංශෝධනය කර ගන්න කියන එකයි. මේ රටේ ජනතාව ජනමත විමසුමක දී කැමැත්ත දුන්නොත් සුමන්තිරන් සිහිනය සැබෑ කර ගන්න පුළුවන්.

ව්‍යවස්ථාවේ දෙමළ පරිවර්තනයේ තිබෙන්නේ “ශ්‍රී ලංකා තායි” පදමාලාව කියා දෙමළ සංධානයේ මන්ත්‍රිවරු කියනවා. ආණ්ඩුක්‍රම ව්‍යවස්ථාව සම්මත කළ 1977 දී ලංකාවේ එකම රාජ්‍ය භාෂාව සිංහලයි. ඒ නිසා ඒක පරිවර්තන දෝෂයක්. සිංහල ව්‍යවස්ථාව සහ දෙමළ පරිවර්තනය අතර අනනුකූලතාවයක් පැවතුණොත් බල පවතින්නේ සිංහල පදමාලාවයි.

පණ්ඩිත් එම් නල්ලතම්බි “ශ්‍රී ලංකා මාතා” ගීතය දෙමළට පරිවර්තනය කලේ 1949 දී. ඒ කියන්නේ ජාතික ගීය වෙන්න වසර දෙකකට කලින්. 1949 සිටම මේ ගීතය දෙමළින් ගායනා කළත් කාටවත් ඒක ප්‍රශ්නයක් වුණේ නෑ. 2015 දී ජාතික නිදහස් උළෙලේ දී මේ ගීතය දෙමළින් ගායනා කරලා එජාපය රටේ නැති ප්‍රශ්නයක් ඇති කලා විතරක් නොවේ ව්‍යවස්ථාවත් අමු අමුවේ උල්ලංඝණය කළා.

– අරවින්ද අතුකෝරල

372 views

19 Comments to “රාජ්‍ය උත්සවයක දී ජාතික ගීතය දෙමළින් ගැයීම නීති විරෝධීයි.. ව්‍යවස්ථාව මෙන්න..”

  1. Love nature says:

    “ රටක ජනතාවගේ භාෂාවට නීතිමය පිළිගැනීම ලබා දී එකී භාෂාව බලවන්ත කිරීම මගින් තාක්ෂණික, විද්‍යාත්මක, කෘෂිකාර්මික දියුණුව අත්කර ගැනීමට සහ විදේශිය රටවලින් සිදුවන නෛතික බලපෑම්වලින් සිය ජනතාව ආරක්ෂාකර ගැනීමට දියුණු රටවල් මහත් ප්‍රයත්නයක් දරයි. උපතේ සිට මරණය දක්වා මව් භාෂාව අභිමානයෙන් භාවිතා කිරීමට ඇති අවස්ථාව සහ නිදහස පුරවැසියන්ට හිමිකරදීම රටක සංවර්ධන දර්ශකයකි. දියුණුයැයි සැළකෙන ප්‍රංශ, ජර්මන්, චීන, ජපන්, ඉතාලි, කොරියානු ජාතිකයන්ට සිය මව් බස උපතේ සිට මරණය දක්වා අභිමානයෙන් භාවිතා කිරීමට එම රටවල් අවස්ථාව සළසා දී තිබේ.”

  2. Love nature says:

    සිංහල භාෂාව රුකගැනීම සිංහලයන් සතු වගකීමකි

  3. සුමන්තිරන් ගෙ නීති දැනුම කෙසේ වෙතත් , 2018 ඔක්තෝබර් මාසෙදී ඔබතුමා මහින්ද මහත්තයට දුන්නු අගමැති නීති ලණුවෙන්ම අපි ඔබතුමාගෙ නීති දැනුම ගැන දැනගත්තා තුමණි.

  4. Buddhist says:

    “Matha” kiyana wachanaya Sinhala wachanayak newei. Eke Hindi wachanayak. Ehenam kohmada eke Sinhala wachanayak wenne. E wachanaya awe Sanskrit bashawen.

    • සමන්ත says:

      මාතා කියන වචනය ආවේ හින්දි භාෂාවෙන් ලු පස්සේ කියනවා සංස්කෘත වචනයක්ලු . මම දන්න විදිහට හින්දි සහ සංස්කෘත කියන්නේ භාෂා දෙකක්. අනෙක් එක මාතා කියන වචනය හින්දි භාෂාවට එන්න කලින් සිංහලට ආවාද කියලා ඔබ තුමන්ට හිතන්න බැරිවුනේ ඇයි..

  5. Asoka says:

    කැනඩා වෙනම් ඉංග්‍රීසියෙන් සහ ප්‍රංශ භාෂාවෙන් ජාතික ගීය ගායනය කරනවා කිසිම අවුලක් නැහැ. ඕනෙනම් චීන භාෂාවෙන් හෝ ප්නජාබි භාෂාවෙන් ගායනය කරපල්ලා කිසි ප්‍රශ්නයක් නැහැ. ජාතික ගීය ලංකාවේ වගේ දේශපාලන වාසි වලටනම් යොදාගන්නේ නැහැ.

  6. Asoka says:

    දැන් බුද්දි අංශයේ එවුනුයි බොරැල්ලේ වංචා විමර්ශනේ එවුනුයි මුදල් අල්ලස් සහ ලිංගික අල්ලස් ඉල්ලනකොට කාටද කියන්නේ ?

Main News