රාජිත සේනාරත්න ලොව හොදම සෞඛ්‍ය ඇමති ලෙස පත් වෙයි..

April 25, 2017 at 12:16 am | lanka C news
රාජිත සේනාරත්න ලොව හොදම සෞඛ්‍ය ඇමති ලෙස පත් වෙයි..

පිවිතුරු හෙල උරුමයේ ප‍්‍රධාන ලේකම් පාර්ලිමේන්තු මන්ත‍්‍රී උදය ගම්මන්පිල මහතා එම පක්‍ෂ මූලස්ථානයේ පැවති මාධ්‍ය හමුවක් අමතමින් මෙසේ අදහස් පල කලේය.

පිම්මේ වැඩෙන ආර්ථිකයක් කඩා වට්ටලා අපේ මුදල් ඇමතිතුමා ලෝකයේ හොඳම මුදල් ඇමති වුණා. ආසියාවේ හොඳම මුදල් ඇමති කිව්වාට මෙවැනි මුදල් ඇමතිතුමෙකු ආසියාවටත් එක් කෙනායි. ලෝකයටම එක්කෙනායි. දැන් ඩෙංගු පිලිබඳ H1N1 පිලිබඳ වාර්තා සමගින් සෞඛ්‍ය ඇමතිතුමා ලෝකයේ හොඳම සෞඛ්‍ය ඇමති වෙලා ඉවරයි. තමන් කෘෂිකර්ම අමාත්‍යාංශය භාර ගන්නා විට අටුකොටු පිරිලා මත්තල ගුවන් තොටුපොලේත් වී ගබඩා කරන්න වුණු රටක් සහල් ආනයනය කරන තත්වයට පත් කරලා අපේ කෘෂිකර්ම ඇමතිතුමා ලෝකයේ හොඳම කෘෂිකර්ම ඇමතිතුමා බවට පත් වුණා. කුණු කන්දේ නඩත්තුව අත්හැරලා කුණු කන්ද ජනතාවගේ හිස මත කඩා වැටෙන තුරු ස්ථිර විසඳුම කල් මරපු මෙගාපොලිස් ඇමතිතුමා ලෝකයේ හොඳම නාගරික සංවර්ධන ඇමති බවට පත් වුණා.

පසුගිය ආණ්ඩුව සමයේ මේ වැඩ බැරි ඇමතිවරු කිව්වේ රාජපක්ෂවරු ඇඟිලි ගහන නිසා තමන්ට වැඩ කරන්න බැරි බවයි. දැන් රාජපක්ෂවරු ඇඟිලි ගහන්නේ නෑනෙ. දැන් මොකද කරන්න බැරි? එදා රාජපක්ෂවරු ඇඟිලි ගහපු නිසා තමයි රට ඉදිරියට ගියේ. නැති නම් අද තත්වයම තමයි එදාත් ඇති වෙන්නේ. ඒ නිසා අතිගරු ජනාධිපතිතුමනි, දැන් වත් ඔය අමාත්‍යාංශ වල කටයුතු වලට මැදිහත් වීම අරඹන්න. නැති නම් මුදල් ඇමතිතුමා ලෝකයේ හොඳම මුදල් ඇමති වුණු අයුරින්ම ඔබතුමා ලෝකයේ හොඳම ජනාධිපති වෙන එක නම් කාටවත් නතර කරන්න බෑ.

– අරවින්ද අතුකෝරල

255 views
Main News