රුවන් එජාප නායකත්ව ගමන අරඹයි.. රුවන්මැලිය, දලදාව වැද අස්ගිරි-මල්වතු ආශිර්වාද ගනී.. රනිල් ජාතික ලයිස්තුවෙන් පාර්ලිමේන්තුවට..

August 30, 2020 at 10:00 am | lanka C news
රුවන් එජාප නායකත්ව ගමන අරඹයි.. රුවන්මැලිය, දලදාව වැද අස්ගිරි-මල්වතු ආශිර්වාද ගනී.. රනිල් ජාතික ලයිස්තුවෙන් පාර්ලිමේන්තුවට..

එක්සත් ජාතික පක්ෂයේ නායකත්වය සඳහා තමන් අනිවාර්යෙන්ම ඉදිරිපත් වන බව එම පක්ෂයේ නියෝජ්‍ය මහලේකම් හිටපු පාර්ලිමේන්තු මන්ත්‍රී රුවන් විජේවර්ධන මහතා සඳහන් කරයි.

ඒ සඳහා ඉදිරිපත් තමන්ගේ අදහසක් නොතිබූ නමුත් රට වටෙන්ම පාක්‍ෂිකයන්ගේ සහ මහා සංඝරත්නයේ ඉල්ලීම මත මෙම තීරණය ගත් බවද ඔහු පැවසීය.

අනුරාධපුරයේ පැවති ජන හමුවකදී ඔහු මෙම අදහස් පල කරන ලදී

විජේවර්ධන මහතා පක්ෂ නායකත්වය බලාපොරොත්තුවෙන් රුවන්වැලි සෑය සහ දළදා මාළිගාව වැඳපුදාගෙන මල්වතු අස්ගිරි මහ නා හිමියන්ද බැහැදැකීමට නියමිතව තිබේ.

මේ අතර වාර්තා වන්නේ ලබන 4 වෙනිදා වන විට පක්ෂයේ සියලු තනතුරු වලට අලුත් පුද්ගලයන් පත් කිරීමට පක්ෂ නායක රනිල් වික්‍රමසිංහ මහතා තීරණය කර ඇති බවයි.

දැනට එම පක්ෂයේ නායකත්වය සඳහා දයා ගමගේ, රවි කරුණානායක, වජිර අබේවර්ධන, රුවන් විජේවර්ධන අතර තරගයක් ආරම්භ වී ඇත.

පක්ෂ නායකත්වය ලබාගැනීමට බලාපොරොත්තු තබා සිටි අකිල විරාජ් කාරියවසම් මහතා එම අදහස අතහැර ඇත.

මේ අතර එක්සත් ජාතික පක්ෂයට මෙවර හිමිවූයේ ජාතික ලැයිස්තු මන්ත්‍රීධූරය බොහෝදුරට රනිල් වික්‍රමසිංහ මහතාගේ මහතා පත් වීමට ඉඩ ඇතැයි එම පක්ෂ ආරංචි මාර්ග කියා සිටී.

36,677 views
Main News