රුසියානු කලාපයෙන් සංචාරකයන් 2500 ඉක්මවා මෙරටට… ජනවාරියේ සිට ගුවන් තොටුපල විවෘතයි..

December 29, 2020 at 2:15 am | lanka C news
රුසියානු කලාපයෙන් සංචාරකයන් 2500 ඉක්මවා මෙරටට… ජනවාරියේ සිට ගුවන් තොටුපල විවෘතයි..

ගුවන්තොටුපල හා සංචාරකයන්ට රට විවෘත කිරීමේ නියමු ව්‍යාපෘතිය අරඹමින් පලමු සංචාරක කණ්ඩායම දිවයිනට පැමිණේ. ඒ අනුව (28) 2.08ට Pq 555 දරණ ස්කයි අප් ගුවන් යානයෙන් යුක්රේනයේ කිවී (kiev) නුවර සිට යුක්රේන සංචාරකයෝ 186දෙනෙකු මත්තල ගුවන්තොටුපලින් ශ්‍රී ලංකාවට පැමිණියහ. ඔවුන් අතර යුක්රේන ජාතික ළදරුවන් 20දෙනෙකු පමණ සිටීම ද විශේෂත්වයකි.

දිවයිනට පැමිණි පලමු සංචාරක කණ්ඩායම පිළිගැනීම සඳහා සංචාරක ඇමති ප්‍රසන්න රණතුංග, ගුවන්තොටුපල රාජ්‍ය ඇමති ඩී.වී.චානක, ගුවන්තොටුපල සහ ගුවන් සමාගමේ සභ‍ාපති විශ්‍රාමික මේජර් ජී.ඒ.චන්ද්‍රසිරි ඇතුළු පිරිසක් එක්ව සිටියහ. මත්තල ගුවන්තොටුපල පරිශ්‍රයේ ඔවුන් පිළිගැනීම සඳහා විශේෂ නර්ථනයක් සංවිධානය කර තිබුණේ ශ්‍රී ලංකා තේ මණ්ඩලය විසිනි. පැමිණි සියලුම සංචාරකයින්ට තේ මණ්ඩලය විසින් දේශීය තේ ඇතුලත් ත්‍යාග පාර්සලයක් ද ලබාදුන්නේය. ගුවන්තොටුපල හා ගුවන්සේවා සමාගම පැමිණි සියලුම සංචාරකයින්ට විශේෂ සංග්‍රහයක් ද කළේය.

කොවිඩ් 19 වසංගතය හේතුවෙන් මෙරට ගුවන්තොටුපල වසා දැමුනේ පසුගිය මාර්තු 19 වෙනිදායි. ඒ අනුව පසුගිය මාස 09ක කාලය පුරා මෙරටට කිසිදු සංචාරකයෙකු නොපැමිණි අතර ගුවන්තොටුපල මෙහෙයුම් ක්‍රියාත්මක වූයේ විදෙස්ගත ශ්‍රමිකයන් රැගත් විශේෂ ගුවන්යානා සඳහාත්, ගුවන් භාණ්ඩ ප්‍රවාහනය හා මගී හුවමාරු කටයුතු සඳහාත් පමණි. සිය ජීවනෝපාය අහිමි වීම හේතුවෙන් මෙරට සංචාරක ව්‍යාපාරයේ සෘජු හා වක්‍ර යැපුනු ලක්ෂ 30කට ආසන්න පිරිසක් පීඩාවට පත්වූහ. මේ තත්වය සැලකිල්ලට ගත් ජනාධිපති ගෝඨාභය රාජපක්ෂ, අගමැති මහින්ද රාජපක්ෂ, ආර්ථික පුනර්ජීවන කමිටු සභාපති බැසිල් රාජපක්ෂ, සංචාරක ඇමති ප්‍රසන්න රණතුංග යන මහත්වරුන්ගේ විශේෂ මැදිහත් වීම මත සෞඛ්‍ය මාර්ගෝපදේශ අනුව ගුවන්තොටුපල හා රට සංචාරකයන්ට විවෘත කිරීමට සැලසුම් කෙරිණ. සංචාරකයින් මෙරට ගෙන්වීම සඳහා සංචාරක සංවිධාන ආයතන 03ක් ඉදිරිපත්ව තිබුණි. ඒ අනුව අගමැති මහින්ද රාජපක්ෂ හා සංචාරක ඇමති ප්‍රසන්න රණතුංග යන මහත්වරුන් රුසියානු සමූහාණ්ඩුවට අයත් රටවල සංචාංරකයන් මෙරටට ගෙන්වා ගැනීම සඳහා ඒකාබද්ධ කැබිනට් පත්‍රිකාවක් ද ඉදිරිපත් කලහ. ඒ සඳහා අනුමැතිය ලබාදෙමින් කැබිනට් මණ්ඩලය තීරණය කලේ සෞඛ්‍ය මාර්ගෝපදේශ අනුව එය සිදු කිරීමටයි. එහෙත් කොවිඩ් 19 දෙවන රැල්ල හේතුවෙන් එය තරමක් ප්‍රමාද වුවද සංචාරක ඇමතිවරයා දිගින් දිගටම රජයට කරුණු ඉදිරිපත් කිරීමේ ප්‍රතිඵලයක් ලෙස නියමු ව්‍යාපෘතියක් ලෙස ගුවන්තොටුපල හා සංචාරකයන්ට රට විවෘත කිරීමට තීරණය කෙරිණ. ඊට අඳාලව සංචාරකයන් මෙරටට පැමිණීම සඳහා වීසා අයදුම් කිරීමේ සිට මෙරටට පැමිණ ආපසු සිය රට බලා යාම දක්වා කාලය තුල අනුගමනය කල යුතු සෞඛ්‍ය මාර්ගෝපදේශ සංග්‍රහයක් සෞඛ්‍ය අංශ සකස් කර සංචාරක ඇමති ප්‍රසන්න රණතුංග මහතාට යොමු කල අතර ඇමතිවරයා එය ගුවන්තොටුපල හා සංචාරක සංවර්ධන අධිකාරියේ බලධාරීන්ට යොමුකර තිබේ.

අද (28) දිවයිනට පැමිණි යුක්රේන සංචාරක කණ්ඩායම පැය 72කට පෙර පී.සී.ආර්. පරීක්ෂාවට ලක් කෙරුනු අතර ඔවුන්ට අඳාල හෝටල් වල ලැඟුම් ගැනීමට පෙර තවත් පී.සී.ආර්. පරීක්ෂාවකට ලක් කෙරිණ. ඉදිරි දින 07 තුල ඔවුන්ට යළි පී.සී.ආර්.පරීක්ෂාවක් සිදු කිරීමට සැලසුම් කර තිබේ. ඔවුන් දින 10ක් මෙරට තුල රැඳී සිටීමට නියමිතය. කොග්ගල ප්‍රදේශයේ වෙරලාශ්‍රිත ප්‍රදේශවල ඔවුන් ලැඟුම්ගන්නා අතර එම ප්‍රදේශවාසීන්ට සංචාරකයන් ගැවසෙන ප්‍රදේශ වලට යාමට ඉඩනොලැබේ.

පලමු සංචාරක කණ්ඩායම දිවයිනට පැමිණිමට පෙර මත්තල ගුවන්තොටුපල පරිශ්‍රයේ පැවැති මාධ්‍ය හමුවකට එක්වෙමින් සංචාරක ඇමති ප්‍රසන්න රණතුංග මහතා සඳහන් කලේ ජනවාරි 24 දින දක්වා මෙම සංචාරක නියමු ව්‍යාපෘතිය ක්‍රියාත්මක වන බවයි. රුසියානු සමූහාණ්ඩුවට අයත් රටවල් වලින් සංචාරකයන් 2580ක් මෙරටට පැමිණීමට නියමිත බවද ඔහු කීවේය. සංචාරක බුබුල (Travel Bubble) සංකල්පය යටතේ සෞඛ්‍ය මාර්ගෝපදේශ අනුව එය ක්‍රියාත්මකයි. හඳුනාගත් කලාපයක මෙම අයට නවාතැන් සැපයෙන බවත් ඔවුන් සහ ප්‍රදේශවාසීන් අතර කිසිඳු සම්බන්ධයක් ඇති නොවන පරිදි මෙය සැලසුම් කර ඇති බවත් ඇමතිවරයා කීවේය.

මෙම නියාමන ව්‍යාපෘතියේ සාර්ථකත්වය පිළිබඳ විශ්ලේෂණය කර එහි අඩුපාඩු හඳුනාගෙන ඒවාද නිවැරදි කර ගනිමින් සෞඛ්‍ය මාර්ගෝපදේශ අනුව ලබන ජනවාරි මස අග දී ගුවන්තොටුපල නිල වශයෙන් යලි විවෘත කිරීමට අපේක්ෂා කරන බවද ඇමති ප්‍රසන්න රණතුංග මහතා මෙහිදී කියා සි‍ටියේය. ඒ අනුව වාණිජ ගුවන් ගුමන් ආරම්භ කිරීමට සූදානම් බවද ඔහු අවධාරණය කළේය.

“ සංචාරකයන්ට රට යලි විවෘත කිරීම නිසා විදෙස්ගත ශ්‍රමිකයන් ගෙන්වීමේ කටයුතු අඩාල වන්නේ නෑ. සංචාරකයන් ආවත් අපේ ප්‍රමුඛතාව මව්බිම ඒමට සිටින අපේ ජනතාවටයි.” ඇමතිවරයා කීවේය.

“ ඒ වගේම සංචාරකයන්ට රට නැවත විවෘත කිරීම සමඟ සංචාරක පොකුරු ඇතිවේවි යැයි කිසිවෙකු බිය විය යුතු නෑ. අපි මේ නියාමන ව්‍යාපෘතිය තුල සංචාරකයන් හා අපේ රටේ ජනතාව සම්බන්ධ වීම උපරිමයෙන් අවම කර තිබෙනවා. සංචාරකයන්ට ගැවසිය හැක්කේ අදාල හෝටල් වල හා වෙරල තිරයේ පමණයි. මේ කාලය තුල ඔවුන් සිටින ප්‍රදේශයට මෙරට වැසියන්ට යාමට නොහැකියි. සංචාරකයන් රටින් පිටව ගිය පසු අදාල හෝටල් සේවකයන් දින 14ක් එම හෝටල් වලම නිරෝධායනය කරනවා. ඒ නිසා ඒ ගැන අනියත බියක් ඇති කරගත යුතු නෑ..” ඇමති ප්‍රසන්න රණතුංග මහතා වැඩිදුරටත් කීවේය.

– ප්‍රදීප් අනුර කුමාර

21,387 views

6 Comments to “රුසියානු කලාපයෙන් සංචාරකයන් 2500 ඉක්මවා මෙරටට… ජනවාරියේ සිට ගුවන් තොටුපල විවෘතයි..”

  1. Ajith says:

    Is this tourism or are they considered as prisoners. They are only allowed to stay in the hotel for 10 days without moving with the locals.The hotel staff too will be subject to fourteen days quarantine after they leave which means the hotel can cater to only two groups each month.

    • Lapayage dhobi says:

      Only available option for the tourists and those engaged in tourism. Take it it leave it, No force.

      • ක්‍රිමිනල් says:

        Ok there tempon ! No doubt about the fact that tourism industry in a verge of collapsing due to poor tourist inbounds , Gosl needs to come up with solid plan to attract tourists in a manner which no parties are ill -effected. On the otherhand , millions of people that work overseas are facing severe trauma heavily due to coVID-19 set back and ,might as well those people need to be raken care of properly .

  2. ක්‍රිමිනල් says:

    මුන් ගජමිතුරො ගොඩ දාන්න රට උනත් උකසට දේවී. ඇත්තටම අන්‍ය රටවල් සංචාරකයො ගේන්න ඉස්සෙල්ලා ප්‍රමුඛතාවය දුන්නේ විදේශයන්ගේ හිරවුනු ස්වදේශිකයො තමන්ගේ රටවල් වලට ගේන්න , රට විරුවො ගගා උන්ව අත්තේ තියලා මල්මාලා දාලා පිලි අරගෙන ,දැන් මිනීවලක් උරුම කරලා උන්ට ,උන්ට ලංකාවට එන්න සල්ලී නෑ , ගජමිතුරු හෝටල් වල නිරොධායනය වෙන්න උන්ට සල්ලි නැහැ , පී.සී.ආර් එකට ගෙවන්න ,ගුවන් ටිකට්පත ගන්න සල්ලි නැහැ ,රස්සාවල් නැතිවෙලා මාස ගානක ඉදලා , යකෝ මේ වගේ හිගන ,තුප්පහී පාණ්ඩුවක් ලංකා ඉතිහාසෙම බිහිවෙලා නැතුව ඇති. විදේශිකයන්ගේ ඩොලර් වලට වඩා කී ගුණයක ප්‍රමාණයක් ඩොලර් වලින් එව්වද ඒ මිනිස්සු . ඥාණක්කගෙන් රාජ්‍යතන්ත්‍රයට අදහස් ගන්න පුද්ගලයෙක් රජ කරන රටක් මේ ත්ත්වෙන් තියෙන එකටත් සතුටු වෙන්නොනේ. ලැජ්ජයි ! අපේ උන්ව මැරෙන්න දිලා , උදයංගලව ගොඩ දාපල්ලා… මෝඩ පහේ බෛයන්ගේ මෝඩ ජෝක්ස් පාණ්ඩුව.

  3. Gamini says:

    මේවා දැකලා පණ පලයන් පෙරේදා.

  4. Gayan Kasakara says:

    අපි එතකොට ඔටුවෝ ද ලංකාවට එනන බැරි ව ඉන්න

Main News