රූපවාහිනී රියැලිටි ගුරා ඕස්ට්‍රේලියා දොස්තර සමග එක්වී ළමා අපචාර වල යෙදිලා.. අල්ලන්නැයි තානාපති කාර්යාලයට දන්වයි..

August 2, 2020 at 3:50 pm | lanka C news
රූපවාහිනී රියැලිටි ගුරා ඕස්ට්‍රේලියා දොස්තර සමග එක්වී ළමා අපචාර වල යෙදිලා.. අල්ලන්නැයි තානාපති කාර්යාලයට දන්වයි..

බාල වයස්කාර දරුවන්ව ලිංගික අපයෝජන කල පන්නිපිටියේ දෙපානම සමන් උයන ප්‍රදේශයේ පදිංචි නිරන්ත එදිරිසිංහ නමැති රූපවාහිනී රියැලිටි ගුරුවරයා එකී අපයෝජන අවස්ථා ඇතුළත් වීඩියෝ දර්ශන විදේශ රටවලට විකිණීමේ ජාවාරමක නිරතව ඇත්තේ ඕස්ට්‍රේලියාවේ ඇඩිලේඩ් නගරයේ සේවය කරන ශ්‍රී ලාංකික වෛද්‍යවරයෙකු සමග හවුල් වී බව හෙළිවී ඇත.

පන්නිපිටියේ දෙපානම රියැලිටි වැඩසටහන් නිර්මාණකරුගේ මිතුරෙකු වන මෙම වෛද්‍යවරයා මීට වසර ගනනාවකට ඉහතදී මහනුවර ශික්‍ෂණ රෝහලේදී නව හැවිරිදි පිරිමි ළමයෙකුට ලිංගික අපයෝජනයක් කිරීම සම්බන්ධයෙන් චෝදනා ලැබුවෙකි. මෙම සිද්ධියෙන් පසු ඔහු විදේශ ගතවී ඇත.

මොවුන් දෙදෙනා එකතුවී බාලවයස්කාර ළමුන් ගේ අසභ්‍ය වීඩියෝ චිත්‍රපට ඕස්ට්‍රේලියාවේ, ඇමරිකාවේ සහ යුරෝපයේ සිටින කාමාතුරයන්ට විකුණා විශාල ලෙස මුදල් උපයාගෙන තිබේ. පොලිසිය පවසන පරිදි නිරන්ත එදිරිසිංහ විසින් අපයෝජනයට ලක් කර ඇති දරුවන් ප්‍රමාණය විසි දෙනෙකුට අධික බවත් ඔවුන් සියලු දෙනාම වයස අවුරුදු 8-12 අතර වයසේ පසුවන බවත් සඳහන් වෙයි.

මොහුගේ පන්නිපිටියේ නිවසේ අල්මාරියක තිබී දරුවන්ගේ දර්ශන ඇතුළත් අසභ්‍ය සීඩී තැටි 130 ක් පමණ ද සොයාගෙන ඇති බව වාර්තාවෙයි.

බස්නාහිර පළාත භාර ජේ‍යෂ්ඨ නියෝජ්‍ය පොලිස්පති දේශබන්ධු තෙන්නකෝන් මහතාට ලද තොරතුරකට අනුව කොල්ලුපිටිය පොලිස් ස්ථානාධිපති ප්‍රධාන පොලිස් පරීක්ෂක සුමිත් ගුණරත්න මහතා ඇතුළු නිලධාරීන් පිරිසක් සැකකාර පුද්ගලයාව අත්අඩංගුවට ගෙන ඇත.

මෙම ළමා අපචාරයකයාගේ සහායකයෙකු ලෙස කටයුතු කල වෛද්‍යවරයා පිලිබඳව ඕස්ට්‍රේලියානු මහ කොමසාරිස් කාර්‍යාලයට දැණුම් දීමට පියවර ගෙන තිබේ.

– repoter

17,452 views
Main News