රේගු ලොක්කා මාරු කලේ ඇමතිලාගේ මහා ජාවාරම් නිසා.. අගමැති කාර්යාලයේ ඇමතිලාගේ පැටිකිිරිය දයාසිරි හෙලි කරයි..

February 1, 2019 at 10:00 am | lanka C news
රේගු ලොක්කා මාරු කලේ ඇමතිලාගේ මහා ජාවාරම් නිසා.. අගමැති කාර්යාලයේ ඇමතිලාගේ පැටිකිිරිය දයාසිරි හෙලි කරයි..

රේගු අධ්‍යක්‍ෂ ජනරාල්වරිය ඉවත් කර විශ‍්‍රාමික නාවික නිලධාරියකු ඒ සඳහා පත්කිරීමට ආණ්ඩුව තීරණය කර ඇත්තේ සිය හිතවතුන්ට සහ හිතවත් සමාගම්වලට රේගු බදු සහන ලබා ගැනීමට නොහැකි වීම නිසා යැයි ශ‍්‍රී ලංකා නිදහස් පක්‍ෂයේ මහ ලේකම් පාර්ලිමේන්තු මන්ත‍්‍රී දයාසිරි ජයසේකර මහතා පැවසීය.

රේගු බදු ආදායම අඩුවීම වැළැක්වීමත් මත්ද්‍රව්‍ය රටට පැමිණීම වැළැක්වීමත් සඳහා මෙම පියවර ගත් බවට ආණ්ඩුව සඳහන් කළත් එය සම්පූර්ණ අසත්‍යයක් බව මහලේකම්වරයා ශ‍්‍රී ලංකා නිදහස් පක්‍ෂ මූලස්ථානයේ පැවැති මාධ්‍ය හමුවකට සහභාගි වෙමින් පැවසීය.

මේ වන විටත් මුදල් ඇමැතිවරයාගේ ලේකම්වරුන් ආණ්ඩුවේ ඇමැතිවරුන් සහ ඉහළ නිලධාරීන් රේගු අධ්‍යක්‍ෂ ජනරාල්වරියට සහ අධ්‍යක්‍ෂ මණ්ඩලයට විවිධ බලපෑම් කර බදු සහන ලබා ගැනීමට කටයුතු කර ඇතැයි කී මහ ලේකම්වරයා ඒවාට අවනත නොවීම නිසා රේගු අධ්‍යක්‍ෂ ජනරාල්වරිය ඉවත් කිරීමට පියවර ගෙන ඇතැයි ද කීවේය.

එහිදී වැඩිදුරටත් අදහස් දැක්වූ මහලේකම්වරයා මෙසේද කීය.

රේගු අධ්‍යක්‍ෂ ජනරාල්වරිය ඉවත් කරන්න හදනවා. ඇමැතිවරුන්ගේ හිතවත් සමාගම්වලට, ලේකම්වරුන්ට, ඥාතීන්ට ඕනෑ විදිහට රේගු සහන ලබා දෙන්න. එම නිසා මේ තත්ත්වය වහා නැති කළ යුතුයි. මේ නිසා රජයට අහිමිවන රේගු ආදායම විශාලයි. ආණ්ඩුවේ මෙම තීන්දු තීරණ වෙනස් කිරීම සඳහා ජනාධිපතිවරයාගේ මැදිහත්වීම වහාම අවශ්‍යයි.

වසරකට රජයේ ආදායමට රේගුවෙන් සියයට 35% ක ආදායමක් ලබා දෙනවා. 2019 ජනවාරි අට වනවිට බිලියන 17.58, 2018 බිලියන 920.9 ද, 2017 බිලියන 918.6 ද රේගු ආදායම ලබා දී තිබෙනවා. එහෙත් පසුගිය කාල වකවානුව තුළ රජයට අහිමි වූ රේගු බදු ආදායම රු. බිලියන 131 ද, පෙට‍්‍රල් ඞීසල් අඩු කිරීම තුළ බිලියන 30 කද, රථ වාහනවල එන්ජින් ධාරිතාව මත බදු අඩුකිරීමෙන් රු. බිලියන 4 ද රටට අහිමි වී තිබෙනවා. ඒ වගේම ආණ්ඩුවේ ඉහළ ඇමැතිවරයකුගේ රැුකවරණය මත වියට්නාමයෙන් බාල ගම්මිරිස් ටොන් 2800 ක් කන්ටේනර් 134 ක් බදු නොගෙවා මෙරටට ගෙන්වා මෙරට ගම්මිරිස්වලට කලවම් කර ප‍්‍රතිඅපනයනය කිරීම තුළින් රටට අහිමි වුණ ආදායම ඩොලර් මිලියන 9 ක්. තීරු බදු නොගෙවා ගෙන්වූ පොල්තෙල් මෙ. ටොන් 469 ගෙන්වීම තුළ රු. මිලියන 81.3 අහිමි වුණා. ඒ වගේම ප‍්‍රීමා පිටි ගෙන්වීම තුළ රේගුවට අයවිය යුතු රු. මිලියන 475 රේගුව අය කර ගන්න ගිය විට අගමැති කාර්යාලය බලපෑම මත එය වැළකී ගියා. මේ අන්දමට විවිධ බලපෑම් සහ ඇමැතිවරුන්ගේ සහෝදරයන්ගේ සහ හිතවතුන්ගේ බලපෑම් මත මේවට ඉඩ දෙන ලෙස බලපෑම් කළා. එවැනි තත්ත්වයක් මත රේගු නිලධාරීන් අයින් වීමේ තත්ත්වයක් ඇති වුණා. එම නිසා මොවුන් විශ‍්‍රාමික නාවික හමුදා නිලධාරියකු හරහා මේ ටික කරගන්න හදනවා.

– divaina

16,307 Viewers

4 Comments to “රේගු ලොක්කා මාරු කලේ ඇමතිලාගේ මහා ජාවාරම් නිසා.. අගමැති කාර්යාලයේ ඇමතිලාගේ පැටිකිිරිය දයාසිරි හෙලි කරයි..”

  1. kamal says:

    මහින්ද ප්‍රතිරුපයකයක් රනිල් ප්‍රතිරුපකයක් අනුර ප්‍රතිරුපකයක් ගෝටා ප්‍රතිරුපකයක් සිරිසේන ප්‍රතිරුපකයක්ද කියන්න කල් වැඩි. නමුත් බෞද්ධ සංස්කෘතියට ගරහන්නෙ නැති නායකයෙක් අපට නැද්ද නමුත් එය අපේ කර්මයක්ද. නමුත් එකක් තියෙනවා අපි සටන් කරනවා අපේ උරුමය වෙනුවෙන් පුලුවන් නම් ජනාධිපතිවරණයට ඉදිරිපත් විය යුතුයි. අපේ එකෙක් ඒ කියන්නෙ පංචන හරි මම හරි නමුත් පංචන ලැස්ති නැති වග මම දන්නවා. මම කියන්නෙ කවුරු හරි ඉන්නවද සුදානම් එක්කෙනෙක් මම හිතන්නෙ කවුරුත් නැ. එහෙනම් මොකද කරන්නෙ මම සුදානම් වෙනවා කියා මම කියන්නෙ නැ. නමුත් කපටි කම අතහැරියොත් මෛත්‍රිපාල සිරිසේනට හෝ කපටි නැති සිරිසෙනගෙ ගෝලයෙක් වන කෘර නැති නිමල් සිරිපාල සිල්වාගෙ ගෝල දයාසිරි ජයසේකරට හෝ ඡන්දය දෙනවා මිට කිරිබත්ගොඩ ඤණානන්ද හිමි හා සිරිසේනගෙ මනුස්‍යත්වය හදලා දෙන්න හදන කමල්

  2. Pensioner says:

    These irregularities happen under any government in + or – level.

  3. Pensioner says:

    When I was in the Customs, a minister had imposed an additional fee for violation of import control license regulations which was 1/12 of the fee imposed for a same offence on previous occasion in the2001/02. I did not carryout out the

  4. Pensioner says:

    Cont …..
    order and recovered the amount that had been imposed at earlier occasion by submitting a report to the then
    D.G.C.

Main News