ලංකාවට කොකා පෙන්වා වොක්ස්වගන් ඉන්දියා ටටා සමග කර්මාන්ත ශාලාවක් අරඹයි..
March 10, 2017 at 10:11 pm | lanka C news
මෛත්‍රීපාල සිරිසේන ජනාධිපති සහ අගමැති රනිල් වික්‍රමසිංහ මහතා එක්ව ජනවාරි 3 වෙනිදා කුලියාපිටියේ දි ආරම්භ කිරිමට මුල් ගල තිබු මෝටර් රථ කර්මාන්තශාලාව වොක්ස්වගන් කර්මාන්තශාලාව නොවන බව රනිල් වික්‍රමසිංහ අගමැතිවරයා පසුගිය දා ප්‍රකාශ කලේය.
එයට ප්‍රධාන හේතුව එම සමාගමේ සභාපතිවරයා ලංකාවේ කර්මාන්තශාලාවක් ආරම්භ කිරිමට එකග වී තිබුනත් එම සමාගමට නඩු තියෙන නිසා එම සමාගම කැදෙව්වේ නැති බවයි. එසේ වුනා නම් වාහන නිෂ්පාදන කරන්න නොහැකිවන නිසා අප්‍රිකාවේ ඝානාවල වෙස්ට්ර්න් ඔටෝමොබයිල් සමාගම කැදෙව්ව බව අගමැතිවරයා ප්‍රකාශ කරන ලදි.
එහෙත් ලෝකයේ ඔටෝමොබයිල් ( මෝටර් රථ) නිෂ්පාදකයන් අතර 2 වෙනි විශාලතම සමාගම වන වොක්ස්වගන් සමාගම හිමිකම් කියයි. එම සමාගම අද ඉන්දියාවේ ලොකුම මෝටර් රථ නිෂ්පාදකයා වන ටටා TATA සමාගම සමග හවුල් ව්‍යායාපාරයක් සඳහා අත්සන් කල බව ලෝක රොයිටර් සේවාව වාර්තා කරයි.
ඒ අනුව ඉන්දියාවේ වෙළෙඳපොළ සඳහා වොක්ස්වගන්, ස්කෝඩා සහ ටටා යන ජනප්‍රිය වෙළෙඳ නාමය යටතේ මෝටර් රථ නිෂ්පාදනය කොට ඉන්දීය වෙළෙඳපොළට මෙන්ම ශ්‍රීලංකාව වැනි දකුණු ආසියානු රටවලටත් අපනයනය කරනු ඇත.
