ලංකාවට එන්න බෑ කියන රටවලින් සංචාරකයන් ගේන්න සාකච්චා කරනවා..

July 30, 2021 at 6:48 pm | lanka C news
ලංකාවට එන්න බෑ කියන රටවලින් සංචාරකයන් ගේන්න සාකච්චා කරනවා..

ඇති වී තිබෙන ලෝක වසංගත තත්ත්වය හමුවේ මෙරට සංචාරක කර්මාන්තය යළි සක්‍රීය තත්ත්වයට පත් කිරීම සඳහා අවශ්‍ය පහසුකම් අඛණ්ඩව ලබා දෙමින් සංචාරක කර්මාන්තය හා ඒ ආශ්‍රිත ක්ෂේත්‍රවල වර්ධනයට අවශ්‍ය වැඩපිළිවෙළ ක්‍රියාත්මක කිරීමට රජය සූදානම් බව මුදල් අමාත්‍ය බැසිල් රාජපක්ෂ මහතා පවසයි.

සංචාරක ක්ෂේත්‍රයට සම්බන්ධ අංශ සමග අද (30) මුදල් අමාත්‍යාංශයේ පැවැති සාකච්ඡාවක දී අමාත්‍යවරයා මේ බව සඳහන් කළේ ය.

මෙම සාකච්ඡාව සඳහා සංචාරක හෝටල් හිමියෝ, ගුවන් සමාගම් නියෝජිතයෝ සහ සංචාරක නියෝජිත ආයතන නියෝජනය කරමින් පිරිසක් සහභාගී වූහ.

සංචාරකයන් මෙරටට ගෙන්වා ගැනීමේ දී සංචාරක හෝටල් හිමියන්, ගුවන් සමාගම් සහ සංචාරක නියෝජිත ආයතන මුහණ දෙන ගැටලු සම්බන්ධව එම ක්ෂේත්‍රවල නියෝජිතයෝ මෙහි දී අමාත්‍යවරයා දැනුවත් කළහ. හඳුනාගත් ගැටලුකාරී තත්ත්වයන් පිළිබඳ අදාළ ක්ෂේත්‍රවල නියෝජිතයන් සමග වෙන් වෙන් ව දීර්ඝ වශයෙන් සාකච්ඡා කෙරිණි.

මෙහි දී අදහස් දැක් වූ මුදල් අමාත්‍ය බැසිල් රාජපක්ෂ මහතා සඳහන් කළේ ඉලක්ක ගත වැඩපිළිවෙළක් යටතේ සංචාරක කර්මාන්තය යථා තත්ත්වයට පත් කිරීම සඳහා පහසුකම් සැපයීමට රජය නොපැකිළ ව කටයුතු කරන බවයි. පසුගිය යුධ සමයේ දී ද සංචාරක කර්මාන්තයේ යම් බිඳ වැටීමක් ඇති වූ අවස්ථාවේ දී එම අභියෝග ජයගැනීමට කටයුතු කළ ආකාරය සිහිපත් කළ අමාත්‍යවරයා, පවතින තත්ත්වය ද කෙටි කාලයක් තුළ මග හරවා ගැනීමට හැකි වන බවට විශ්වාස පළ කළේ ය.

මෙරට කොවිඩ් වසංගත තත්ත්වය සහ එන්නත්කරණ වැඩපිළිවෙළ සම්බන්ධ ප්‍රගතිය පිළිබඳ ව සෙසු රටවල් දැනුවත් කිරීමට කටයුතු කරන අතර වසංගතය හේතුවෙන් ශ්‍රී ලංකාවට සංචරණ සීමා පනවා ඇති රටවල් සමග එම සීමා ලිහිල් කර ගැනීමට වෙන් වෙන් වශයෙන් සාකච්ඡා කිරීමට කටයුතු කරන බව ද බැසිල් රාජපක්ෂ මහතා මෙහි දී සඳහන් කළේ ය. එහි දී කොවිඩ් වසංගත තත්ත්වය සහ එන්නත්කරණ වැඩසටහන සම්බන්ධයෙන් තොරතුරු නිකුත් කිරීමේ දී අදාළ අංශ ඒකාබද්ධ වැඩපිළි‍වෙළක් ක්‍රියාත්මක කිරීමේ අවශ්‍යතාව මෙහි දී අවධාරණය කෙරිණි.

කොවිඩි වසංගත තතත්ත්වයත් සමග මෙරට ක්ෂේත්‍ර ගණනාවක යම් පසුබැසීමක් ඇති වූ බව පෙන්වා දුන් අමාත්‍යවරයා පසුගිය කාල සීමාව තුළ අඛණ්ඩව ක්‍රියාත්මක කළ වැඩසටහන් හේතුවෙන් මාස කිහිපයක් තුළ මෙරට අපනයන ආදායම් ක්ෂේත්‍රයේ කැපී පෙනෙන ලෙස වර්ධනයක් ළගා කර ගැනීමට හැකි වී ඇති බව ද පෙන්වා දුන්නේ ය. එසේ ම සංචාරක ක්ෂේත්‍රය ද කඩිනමින් යථා තත්ත්වයට පත් කොට විදේශ විනිමය උපයන මට්ටමට පත් කිරීමේ අවශ්‍යතාව ද හෙතෙම අවධාරණය කළේ ය.

මෙහි දී අදහස් දැක් වූ සංචාරක හෝටල් සංගමයේ නියෝජිතයන් සඳහන් කළේ වසංගත තත්ත්වය හමුවේ රජය විසින් කොවිඩ් පුනරුද සහන යෝජනා ක්‍රමය යටතේ සංචාරක කර්මාන්තය වෙනුවෙන් සිදු කළ කාර්යභාරය ප්‍රශංසනීය බවත්, ඉදිරි ඉලක්ක සපුරා ගැනීම සඳහා රජයේ වැඩපිළිවෙළට සහය ලබා දීමට තමන් සූදානම් බවත් ය.

වසංගත තත්ත්වය හමුවේ සංචාරක කර්මාන්තය පවත්වාගෙන යාම සඳහා ලෝකයේ බොහෝ රටවල් විවිධ සහන පැකේජ හඳුන්වා දී ඇති අතර ඒවා අධ්‍යයනය කර තරගකාරී ලෙස සංචාරක ආකර්ෂණය ඇති වන පරිදි සහන පැකේජ හඳුන්වා දීමට කටයුතු කිරීමේ අවශ්‍යතාව ද මුදල් අමාත්‍යවරයා මෙහි දී වැඩි දුරටත් පෙන්වා දුන්නේ ය.

පවිත්‍රා වන්නිආරච්චි, ප්‍රසන්න රණතුංග, අජිත් නිවාඩ් කබ්රාල්, විමලවීර දිසානායක, ඩී.වී. චානක, ප්‍රියංකර ජයරත්න යන මැති ඇමැතිවරු සහ රාජ්‍ය නිලධාරීහු පිරිසක් මෙම අවස්ථාවට සහභාගී වූහ.

– media unit

14,131 views

6 Comments to “ලංකාවට එන්න බෑ කියන රටවලින් සංචාරකයන් ගේන්න සාකච්චා කරනවා..”

  1. පුටුවේ දුක ඔබේ says:

    නොමිලේ එයා ටිකට් , හෝටල්, කෑම බීම දෙනවා කියලා ඇඩ් එකක් දාන්න. අනිවා ඕන එකෙක් ගෙන්න ගන්න පුළුවන්. එහෙම කරලා වත් මේ අසරණ ගොන් බයියන්ට පොඩි චුන් එකක් දෙන්න ඇමති තුමා.

  2. Saleem says:

    එන්න බැහැ කියනවනං කියන්නේ මිනිමරුවන්ව හිර ගෙවලින් එලියට අරං රජයේ ආයතනවල සභාපතිකම් දෙන තමූසෙල වගේ තුප්පහියො මහ පුටුවල ඉන්න නිසා තමයි. ආයෙ තමුසෙලම ගිහින් මොන කෙහෙල්මලක් සාකච්ඡා කරන්නද?

  3. බන්ඩා says:

    සංචාරක කර්මාන්තය කියන්නෙ එන යන දෙකටම තමා.

  4. rocky says:

    Maraneeya tharjana ella karalaa hari gennaa ganna ona! Ennama baha kiyanawa nam Chooris laawath sudu van walin balen alla gena gena ennayi thiyenne!!

  5. Ctazy says:

    It is true this pandemic damaged our major source of economy as tourism collapsed. But this is not the time for that. None of the tourists will ever like to move with ample of hindrances and we have to wait till the correct time comes for this movement. As the government we have to address the situation and slowly may find opportunities as still we represents the red zone in the corona map. Whatever we done still europe reluctant to agree whatever comes from this region.

  6. Dengu Nona says:

    Mr.Crazy: If tourists are reluctant to come here, we have to force them to come. We can make use of white wagons to abduct them.

Main News