ලංකාවට GSP+ බදු සහනය 2023 දක්වා.. – යුරෝපා සංගමය කියයි…

January 19, 2020 at 12:40 pm | lanka C news
ලංකාවට GSP+ බදු සහනය 2023 දක්වා.. – යුරෝපා සංගමය කියයි…

කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා සහ යුරෝපා සංගම් නියෝජිතයන් අතර පැවති සාකච්ඡාවකදි එම කොමිසමේ ශ්‍රී ලංකා මාලදිවයින් නියෝජිත කණ්ඩායමේ නියෝජ්‍ය සභාපති සහ දේශපාලන, වෙළද හා සන්නිවේදන ප්‍රධානී ත්‍රෝර්ස්ටන් බර්ග්ෆෙඩ් (Thorsten bargfarde) මහතා සදහන් කළේ 2023 දක්වා එම බදු සහනය ලබා දීමට තීරණය කළ ද එහි නිරික්ෂණය ක්‍රියාවලියේ වෙනසක් නොමැති බවයි.

යුරෝපා සංගම් නියෝජිතයන් සහ කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා අතර මෙම හමුව එම අමාත්‍යංශයේ දි පැවැත්විණ.

වෙළද වරණයන් පිළිබද පොදු ක්‍රමය හෙවත් GSP යුරෝපා සංගමය වෙත අපනයනය කරන සංවර්ධනය වෙමින් පවතින රටවලට හදුන්වා දුන් බදු සහනයකි. GSP+  යනු GSP සහනය ලබන සංවර්ධනය වෙමින් පවතින රටවලටම ලැබෙන අතිරේක උපාංගයකි.

යුරෝපා සංගම් නියෝජිතයන් සහ ඇමති ප්‍රසන්න රණතුංග මහතා අතර පැවති සාකච්ඡාවේ දි එම මෙහෙයුමේ පෙන්වා දුන්නේ GSP+ බදු සහනය වැඩි වශයෙන් හිමි වන්නේ මෙරට ඇගළුම් ක්ෂේත්‍රයට බවයි. ඇගළුම් අපනයනයෙන් 60%ක්ම අපනයනය කෙරෙන්නේ යුරෝපා සංගම් රටවලට බව ද ඔහු මෙහි දි පෙන්වා දුන්නේය.

ඇමති ප්‍රසන්න රණතුංග මහතා කීවේ ඇගළුම් කර්මාන්තය මෙරට සමස්ත අපනයනයෙන් 43%ක් පමණ නියෝජනය කරන බවයි. අපනයන ආදායමට වසරකට ඇමෙරිකානු ඩොලර් බිලියන 05ක් පමණ එක් කරනු ලබන ප්‍රධානතම නිෂ්පාදන කර්මාන්තයද ඇගළුම් කර්මාන්තය බව පෙන්වා දුන් ඇමතිවරයා යුරෝපා සංගමයේ රටවල් ඒ සදහා දක්වන සහයෝගය පිළිබද ව රජයේ ස්තූතිය පළ කරන බව ද කීවේය.

යුරෝපා සංගමයේ රටවල ආයෝජකයින් මෙරට ආයෝජනය සදහා කැමැත්තෙන් සිටින බව යුරෝපා සංගම් උප සභාපතිවරයා කීවේය. යුරෝපා සංගම් රටවල් වලට ශ්‍රී ලංකන් ගුවන් සේවා නැවත ආරම්භ කරන ලෙස ද ඔහු ඇමතිවරයාගෙන් ඉල්ලා සිටියේ ය. ඇමති ප්‍රසන්න රණතුංග මහතා කීවේ දැනටමත් ඒ පිළිබද ව අවධානය යොමුව ඇති බවයි.

මෙම සාකච්ඡාවට කාර්මික අපනයන, ආයෝජන ප්‍රවර්ධන අමාත්‍යංශයේ ලේකම් මාපා පතිරණ, සංචාරක හා ගුවන් සේවා අමාත්‍යංශයේ ලේකම් මරීනා මොහොමඩ් යන මහත්ම මහත්මීහු ද එක්ව සිටියහ.

– ප්‍රදිප් අනුර කුමාර

13,462 Viewers

8 Comments to “ලංකාවට GSP+ බදු සහනය 2023 දක්වා.. – යුරෝපා සංගමය කියයි…”

  1. සාධාරණ මිනිසා says:

    යහපාලන ආණ්ඩුවෙන් ඕක අරගෙන දීපු නිසා හොඳයි. ප්‍රසන්න පොර වගේ කියනවා.

  2. saman says:

    Good
    but no need to depend on
    we must find our own capacity

  3. kolla says:

    UNP wada tamai kawuru monawa kiwath

  4. Jagath wickramarachchi says:

    Muoo nikan porak wenna hadanawaaa…!!! Oka labune aluth Aanduwak nisaa…!!! Nathnam me wage hora pol kadapu apathayekuta kiheda iwaa hambu wenne

  5. Jagath wickramarachchi says:

    Meya dan maara porak wagene talk denne … meya karapu labbak naha….!!! Meya dan try karanne ara meyage nishantha ranathunga kiyana horaa damma wage pawule horu tika athulata daaganna…!!! Minaa unath Muoo ta apahu chande denna tharam moda minissu gampaha naha

  6. sunimal says:

    එංගලන්තය හැර අනෙක් යුරෝපය රටවල් කිරි තේ බොන්න පුරුදු වී නැත මෙය පුරුදු කලොත් විසාල ආදායමක් අපේ තේ වලින් රටට ගෙන්වා ගත හැක

Main News