ලංකාවට GSP+ යලි දුන් තිත්තම තිත්ත කතාව මහින්ද කියයි..

June 11, 2017 at 1:20 pm | lanka C news
ලංකාවට GSP+ යලි දුන් තිත්තම තිත්ත කතාව මහින්ද කියයි..

ලංකාවට ජී.එස්.පී. ප්ලස් බදු සහනය නැවත ලබාදීම සම්බන්ධයෙන් සිය මතය ඉදිරිපත් කරමින් හිටපු ජනාධිපති මහින්ද රාජපක්‍ෂ මහතා විසින් නිකුත් කර ඇති නිවේදනයක් පහත දැක්වෙයි.

ලංකාවට ජී.එස්.පී ප්ලස් බදු සහනය නැවත ලබාදීම

යුරෝපා සංගමය 2017 මැයි 19 වන දා සිට, ජී.එස්.පී ප්ලස් බදු සහනය නැවත ලංකාවට ලබා දී ඇත.  යුරෝපා සංගමය විසින්  ජී.එස්.පී බදු සහන ක්‍රම තුනක් පවත්වාගෙන යනු ලබයි. ඒක පුද්ගල ආදායම ඇමරිකානු ඩොලර් 1,025 අඩු, දුප්පත්ම රටවලට ලබා දෙන ජී.එස්.පී සහනය යටතේ එම රටවලට සම්පූර්ණයෙන්ම බදු රහිතව යුරෝපා සංගමය තුළට භාන්ඩ අපනයනය කල හැකිය. ඒකපුද්ගල ආදායම ඩොලර් 1,025ත් 4,035ත් අතර පහල-මධ්‍යම ආදායම් ලාභී රටවලට ‘සාමාන්‍ය ජී.එස්.පී’ ක්‍රමය යටතේ සහනදායි බද්දක් ගෙවා යුරෝපා සංගමයට භාණ්ඩ අපනයනය කල හැකිය. මෙම ජී.එස්.පී සහන ක්‍රම දෙක නිසා බොහෝ රටවලට  අපනයන කර්මාන්ත ගොඩනගා ගැනීමට හැකි වී  තිබෙන බව අපි පිළිගත යුතුය. යුරෝපා සංගමයේ තුන්වන සහන ක්‍රමය වන ජී.එස්.පී ප්ලස් ක්‍රමය යටතේ,  පහල-මධ්‍යම ආදායම්  ලාභී රටවලටද  දුප්පත්ම රටවල් මෙන් කිසිඳු බද්දක් නොගෙවා යුරෝපා සංගමයට භාණ්ඩ අපනයනය කිරීමේ වරප්‍රසාදය ලැබේ. නමුත් මේ සඳහා බරපතල වන්දියක් ගෙවිය යුතුය. ජී.එස්.පී ප්ලස් බදු සහනය ලැබීමට නම් අදාල රට ජාත්‍යන්තර සම්මුතීන් 27 ක් සම්මත කර ඒවා පිළිපැදීම සම්බන්ධයෙන් යුරෝපා සංගමයේ දේශපාලන  අධීක්‍ෂණයට යටත් විය යුතුය. එම නිසා ලංකාවද ඇතුළුව ජි.එස්.පී ප්ලස් බදු සහනය ලබාගෙන ඇත්තේ රටවල් 9ක් පමණි.

ජී.එස්.පී ප්ලස් ලබාගැනීම සඳහා යටත්  වෙන කොන්දේසි තුළින්, අදාල රටේ දේශපාලනමය, නීතිමය හා ආයතනික රාමුවට සිදුවන හානිය අතිශයින්ම බරපතල විය හැක. 2010 දී ජී.එස්.පී ප්ලස් තවදුරටත් බුක්ති විඳීමට  නම් අපේ රණවිරුවන්ට විරුද්ධව යුද අපරාධ විමර්ශන පැවැත්වීම හා වැඩි වැඩියෙන් බලතල බෙදීම ඇතුළුව යුරෝපා සංගමයෙන් ඉදිරිපත් කරන ලද කොන්දේසි වලට එකග නොවී එම බදු සහනය අහෝසි වීමට මගේ ආණ්ඩුව ඉඩහැරියේ ඒ නිසාය. 2010 දී ජී.එස්.පී ප්ලස් බදු සහනය අහිමි වීමෙන් පසු අපි යුරෝපා සංගමයේ ‘සාමාන්‍ය ජී.එස්.පී’ ක්‍රමය යටතට වැටුණේය. ඒ අනුව අපේ අපනයනයන් යුරෝපා සංගමය තුළට යනවිට සහනදායි බද්දක් ගෙවිය යුතු විය. පසුගියදා, ජී.එස්.පී ප්ලස් බදු සහනය නැවත ලැබීමත් සමඟ, ඒ හේතුවෙන්, ධීවර නිශ්පාදන, ඇඟලුම් හා වෙනත් කාර්මික නිශ්පාදන යුරෝපා සංගමයට අපනයනය කිරීම මහා පරිමානයෙන් වැඩි වෙනු ඇති බව ආණ්ඩුව කියයි. යුරෝපා සංගමයට බදු රහිතව අපනයන කිරීමට ආයෝජකයෝ විශාල වශයෙන් ලංකාවට ආකර්ෂණය වෙනු ඇති බවට බලාපොරොත්තුද ඇති වී තිබේ. අපේ මුලු අනාගතයම ජී.එස්.පී ප්ලස් මත ගොඩනැගිය හැකි බවට හැඟීමක් ආණ්ඩුව ජනතාව අතර වපුරමින් සිටි. නමුත්, ජී.එස්.පී ප්ලස් බදු සහන ක්‍රමයෙන් ලැබෙන්නේ තාවකාලික ආර්ථික ප්‍රතිලාභයක් පමණි.

යුරෝපා සංගමයේ සියළු ජී.එස්.පී බදු සහන ක්‍රම පාලනය කරන නීතිය වන්නේ, යුරෝපා පාර්ලිමේන්තුවේ සහ කවුන්සිලයේ 2012 ඔක්තෝබර් 25 දින අංක 978/2012 දරණ රෙගුලාසියයි.  යම් රටකට  ජී.එස්.පී ප්ලස් ලබාගත හැක්කේ එය ඩොලර් 4,035ට අඩු ඒක පුද්ගල ආදායමක් ලබන පහල-මධ්‍යම ආදායම් ලාභී රටක් නම් පමණි. ඩොලර් 4,035ට වඩා වැඩියෙන් ඒක පුද්ගල ආදායම් ලබන රටවල් ඉහළ-මධ්‍යම ආදායම් ලාභී රටවල් වන අතර, එවැනි රටවලට යුරෝපා සංගමයේ කිසිදු ජී.එස්.පී  බදු සහනයක් ලැබෙන්නේ නැත. එම රටවල භාණ්ඩ යුරෝපා සංගමය තුළට යන විට සම්පූර්ණ ආනයන බද්ද ගෙවිය යුතුවේ. ලංකාවේ ඒකපුද්ගල ආදායම 2015 දී ඩොලර් 3,843 ක් වූ අතර 2016 දී ඩොලර් 3,835 ක් විය. මේ අනුව, යුරෝපා සංගමයේ සියලුම ජී.එස්.පී බදු සහන අහිමි කරවන ඩොලර් 4,035 කඩඉමට අප සිටින්නේ ඩොලර් 200 ක් පමණක් මෙපිටින්ය.  මගේ අවුරුදු නවයක පාලන සමය තුළ ලංකාවේ ඒක පුද්ගල ආදායම වර්ෂයකට ඩොලර් 286 ක සාමාන්‍ය අගයකින් වැඩි වූවාය යන කාරණයෙන්, අපි ඩොලර් 4,035 කඩඉමට කොතරම් ආසන්න වී ඇතිදැයි සිතාගත හැක.  ශ්‍රී ලංකාව ඩොලර් 4,035 කඩඉම පසු කල විට එය ස්ථිර වැඩිවීමක් දැයි තහවුරු කර ගැනීමට වසර දෙකක නිරීක්‍ෂණ කාලයකින් පසු තවත් වසරක සහන කාලයක් ලබා දී, ඉන්පසු ලංකාව මොනම ජී.එස්.පී ක්‍රමයක් යටතේවත් සහන ලැබීමට නුසුදුස්සකු හැටියට යුරෝපා සංගමය විසින් ප්‍රකාශයට පත්කරනු ඇත.

ජී.එස්.පී ප්ලස් ලබන රටක් වූ ජෝරිජියාව මේ ඩොලර් 4,035 කඩඉම පසු කිරීම හේතුවෙන් යුරෝපා සංගමය විසින් 2017 ජනවාරි 01 වනදා සිට එම රට ජී.එස්.පී ප්ලස් ක්‍රමය යටතේ මෙන්ම ‘සාමාන්‍ය ජී.එස්.පී’ ක්‍රමය යටතේද සහන ලැබීමට නුසුදුස්සකු හැටියට යුරෝපා කොමිසමේ 2015 අගෝස්තු 28 දින, අංක 2015/1979 දරණ නියෝජ්‍යත්ව රෙගුලාසිය මඟින්  ප්‍රකාශයට පත්කරන ලදී.  යුරෝපා සංගමයේ ජී.එස්.පී බදු සහන ක්‍රම මුල සිටම සැලසුම්කොට තිබුණේ දුප්පත්ම රටවල් මුලදී සම්පූර්ණයෙන්ම බදු රහිතව  යුරෝපයට භාණ්ඩ අපනයනය කොට, යම් දියුණුවක් ලැබූ පසු සහනදායී බද්දක් ගෙවීම දක්වාත්, එක්තරා කඩඉමක් පසු කිරීමෙන් අනතරුව සම්පූර්ණ බද්ද ගෙවන තත්වයට පත් වෙන ආකාරයටය. යුරෝපා සංගමයේ ජී.එස්.පී බදු සහන ක්‍රමයන් යටතේ සම්පූර්ණයෙන්ම බදු රහිතව, නැතිනම් සහනදායී බද්දක් ගෙවා අපනයනය කිරීමේ වරප්‍රසාදය සදාකාලිව යම් රටකට හිමිවන්නේ නැත.  ආර්ථිකයේ වර්ධනයත් සමඟ සංවර්ධනය වෙමින් පවතින රටවලට යුරෝපා සංගමයෙන්  ලැබෙන ජී.එස්.පී බදු සහන නැතිවෙන බව වටහා ගැනීම වැදගත්ය. ඇතැම් අවස්ථාවල වෙනත් හේතුන් නිසාද මේ සහන අහෝසි විය හැක. 2005 දී ඇමරිකා එක්සත් ජනපදය විසින් එරට තුළට එන ඇඟලුම් අපනයනයන් සඳහා වූ කෝටා ක්‍රමය අහෝසි කරන ලදී. ලංකාව වැනි රටවල් ඇමරිකානු වෙළඳපලට ඇතුල් වීමට මේ කෝටා ක්‍රමය මත රඳා පැවතුනි. නමුත් ඒ අත්වැල නැතිවීමෙන් පසුත් ඇමරිකාව තවමත් අපේ ඇඟලුම් අපනයනයන් සඳහා විශාලම වෙලඳපල වේ. එවැනි අභියෝග එන විට ඒවාට මුහුණ දීමට අපි සූදානම් විය යුතුය.  ළමා ශ්‍රමිකයන් නොසිටීම, ඉහළ පාරිසරික ප්‍රමිතීන් පවත්වාගෙන යෑම, කර්මාන්තශාලා වල පහසුකම් සාපේක්‍ෂව ඉහළ මට්ටමක තිබීම, වැනි බටහිර රටවල්වල ‘අලෙවි කළ හැකි’ ප්‍රගතිශීලී ලක්‍ෂණ අපේ අපනයන කර්මාන්තවලට තිබේ. දියුණු රටවල ගනුදෙනුකරුවන්ට, ලංකාවෙන් එන්නේ, හානිකර නිශ්පාදන රටාවන්ගෙන් දූෂණය නොවූ භාණ්ඩ යැයි විශ්වාසයක් තැබිය හැක.

අපි දැන් ඩොලර් 4,035 ඒක පුද්ගල ආදායම් කඩඉමට ඉතා ආසන්නව සිටින නිසා, අපිට දැනටම තිබෙන ශක්තීන් ප්‍රයෝජනයට ගෙන  යුරෝපා සංගමයෙන් කිසිඳු බදු සහනයක් නොලබන අනාගතයක් සඳහා සූදානම් විය යුතුය. නුදුරු අනාගතයේදී අපේ භාණ්ඩ යුරෝපා සංගමය තුළට යන විට සම්පූර්ණ ආනයන බද්දට යටත් වීමට නියමිත නිසා, අපි  ජී.එස්.පී ප්ලස් ලබාගන්නේ නැතුව, සහනදායි බද්දකට යටත්ව දිගටම සාමාන්‍ය ජී.එස්.පී ක්‍රමය යටතේම සිටියනම්, ඩොලර් 4,035 ඒ කඩඉම පසුකිරීමත් සමඟ ඇතිවෙන අලුත් තත්වයට හුරුවීම වඩාත් පහසු වීමට ඉඩ තිබුණි.  දැන් ජී.එස්.පී ප්ලස් බදු සහනය නැවත ලැබී තිබෙන නිසා, ඩොලර් 4,035 කඩඉම පසු කිරීමත් සමඟ අපිට සම්පූර්ණ බදු රහිත තත්වයේ සිට, එක්වරම මුළු බද්දම ගෙවීමට සිදුවෙන තත්වයට මාරු වීමට සිදුවෙනු ඇත.  ආණ්ඩුව මේ අවස්ථාවේදී කළ යුත්තේ, අපට ඊයේ පෙරේදා ලැබුණු ජී.එස්.පී ප්ලස් බදු රහිත අපනයන වරප්‍රසාදය පමණක් නොව 2010 සිට තිබුණු සහනදායි බදු යටතේ අපනයනය කිරීමේ ‘සාමාන්‍ය ජී.එස්.පී’ වරප්‍රසාදයත් යන දෙකම අහෝසි වීමට ඉතා ආසන්න බව ජනතාවට දැණුම් දී, ඒ යතාර්තයට මුහුණ දීමට සූදානම් වීමයි.

ජී.එස්.පී ප්ලස් ගැන යාතාර්ථවාදී නොවන බලාපොරොත්තු ජනතාව තුල ඇති කිරීම කිසිසේතම නොකල යුතුය. යුරෝපා සංගමයේ කිසිදු බදු සහනයක් නැති අනාගතයකට සූදානම් වීමට වැඩපිළිවෙලක් තිබිය යුතුය. අලුත් නිශ්පාදන එළිදැක්වීම, අලුත් වෙළඳ පොලවල් සොයා ගැනීම, කර්මාන්ත ශාලා නවීකරණය සඳහා අඩු පොලියට ණය ලබාදීම, ව්‍යාපාර පුලුල් කිරීම සඳහා බදු සහන ලබා දීම, කම්කරුවන්ගේ නිපුණතා වර්ධනය කිරීම මේ සංක්‍රාන්ති සමය ජය ගැනීමට අවශ්‍ය පියවර විය හැක. ආන්ඩුව මේ කෙරෙහි නිසි අවධානය යොමු කල යුතුය.

මහින්ද රාජපක්‍ෂ
ශ්‍රී ලංකාවේ හිටපු ජනාධිපති

29,989 Viewers

16 Comments to “ලංකාවට GSP+ යලි දුන් තිත්තම තිත්ත කතාව මහින්ද කියයි..”

  1. Sirisena says:

    Ane eda mama obawa agamati kalanam mama ada me pambagaale patalenne nahane. Eth mage irisiyaawa krodaya wairaya nisa mama UMP yata ape pakse paawaa dunna. Ada ape pakse sunuvisunu wela. Ekala paapaya nisa mata ena aathme malaperethayek wath wenna puluwanda bahane.
    Meyata vishwaasee
    Sirisena.
    Viswasi kiyala yodannath mata bahane aappa kathawa nisaa.

  2. daham says:

    baya wena epaa. me yana vidiyata me aanduwa thibena thaak eka pudgala aadaayama ihala yanawa boru.

  3. sumanadasa says:

    waduru bana

  4. lalith says:

    අගමැට්ටයි ජනමැට්ටයි බලන්නේ තවත් ඉදිරියටම බලයේ ඉන්න පමනයි පාවදී පිටරටින්නා ජී ස් පී ඇත්ත හෙලිනොකරේ උන්ගේ වාසියටයි අද මුලු රටම ඟඳගහන කුනු ගොඩක් වෙලා ඔබ වැනි නායකයෙක් රටට අහිමි වීම මුලු රටේම අවාසනාවයි ඔබතුමාට මාගේ අවංක ගෞරවය

  5. Malaka says:

    Midhi Thiththayi!! Even if it is a temporary thing still its a huge benefit. MR has no right to talk about it being the person responsible for losing it. The conditions imposed are also beneficial for the people of the country – such as better human rights and better labour rights.

  6. BARCARDI says:

    Can Loss due to Central Bank Robbery be recovered by GSP+ ?

  7. janaka says:

    මේ ආණ්ඩුව තියෙනකම් ඒක පුද්ගල ආදායම ඉහල යන්නෙ නැනේ . ඒ හින්ද අවුලක් නෑ

  8. Desmond Fernando says:

    This is another blatant lie. They should be held responsible to the immense loss the country suffered for nearly 10 Years and thousands who lost their jobs.
    You’re days are numbered and your wires crossed.(Mihindu rahatan wahansege Piya Devanam piyatissa kiyapu kena ne me nethiwuna GSP gena katha karanne)

  9. Silva S says:

    Malabadde Thatamana Tharka.
    Ratama Naya karala Dan bana Kiyanawa.
    Janathawage Sapaya Thawa Parampara 7 Kata.

  10. sudath says:

    ඔබතුමාගේ පැහැදිලි කිරීම මේ රටේ ආර්ථික පාලකයන්ට වැටහේවා

  11. සුමන says:

    Mey yaka Danna aarthika labba! Kawuru Hari Prakash liyala Dunnama athsan karanawa!

  12. Lanki says:

    Mahinda Rajapakse who lost the GSP+ has not right what so ever to comment on this subject. What he lost was gained back by Yahapalana Govt., at least he should have the thankfulness to congratulate the good work done. GSP + will benefit the poor. It does not matter if it brings jobs to the poor for one day, one week, one month or even one year, it is a benefit to Sri Lankans. Mahinda Rajapakse is so BANKRUPT he does not have the simple courtesy to congratulate the good work done. Its he who lost the GSP concession he should be ashamed to fall in to such low level. It shows his true colours.

Main News