ලංකාවේ අත්‍යවශ්‍ය බඩු මොනවත් නෑ…

August 2, 2021 at 12:40 pm | lanka C news
ලංකාවේ අත්‍යවශ්‍ය බඩු මොනවත් නෑ…

ලංකාවේ වැඩිම වැටුප් ලබන බුද්ධිමතුන්ගේ ආයතනයක් වූ ශ්‍රී ලංකා මහ බැංකුවේ ආර්ථික විද්‍යාඥයින්ට ආර්ථික ඝාතතකයින්ගේන් බණ අහන්නට සිදුව ඇතැයි මාතලේ දිස්ත්‍රික් පාර්ලිමේන්තු මන්ත්‍රීනි රෝහිණී කවිරත්න මහත්මිය පවසයි.

‘‘මහ බැංකු අධිපතිවරයා පසුගිය ජූලි 27 දින දෙරණ හයිඩ් පාර්ක් වැඩසටහනට පැමිණ ගජබින්නාලංකාරය ගායනා කළා. මහ බැංකුවේ ජ්‍යෙෂ්ඨ ආර්ථික විද්‍යාඥයින් මහ බැංකු අධිපතිවරයා ගේ ප්‍රකාශ ගැන විමතිය පළ කරනවා. වෘත්තිකයින්ගේ දැනුම පැත්තක තියලා, මහ බැංකුව ආර්ථික ඝාතකයින්ගෙන් බණ අහනවා.‘‘
මහ බැංකු සාක් පහසුකම යටතේ ඉන්දියාවෙන් ඩොලර් මිලියන 400 ක් ලබා ගැනීමට කටයුතු කරනවා කියලා. මහ බැංකුවේ නිලධාරීන් පැහැදිලිව කියනවා ඉන්දීය රජය ලංකාවට ජාත්‍යන්තර මුල්‍ය අරමුදල සමඟ දිගු කාලීන වැඩසටහනකට යොමු විය යුතු යැයි උපදෙස් දී ඇති බව.

ලංකාව ලෝකය පුරා දැන් හිඟමනේ යනවා. බංගලි දේශයේ ලංකාවට ඩොලර් මිලියන 200 ක් ලබා දෙන බවට ප්‍රවෘත්ති පළ වී දැන් මාසයකට වැඩි කලක් ගෙවී ගිහින්. අඩුම ගානේ බංගලිදේශ – ලංකා නිලධාරීන් මේ ගැන මුලික කෙටුම්පතක් වත් සකස් කර නෑ.

ආණ්ඩුව කරන්නේ කොළඹ වටිනාම ඉඩම් ටික විකුණන්නට හදන එක. හමුදා මුලස්ථානය විකුණුවා. දැන් ගුවන් හමුදා මුලස්ථානයත්, චාමර්ස් ධාන්‍යගාර ඉඩම විකුණන්නට හදනවා. කොළඹ විකුනන්නට සුදානම් කරපු ඉඩම් 30 කට පමණ මේ දවස්වල ආණ්ඩුව ගණුදෙනුකාරයෝ හොයනවා. ඉඩම් විකුණලා කන්න දෙන්න ආර්ථික විද්‍යාවක් අවශ්‍ය නෑ. නාස්තිකාර පුත්තු – දුවලත් ඒක කරනවා. මේ ආණ්ඩුවේ ප්‍රතිපත්ති තීරකයෝ ආර්ථික විද්‍යාඥයින්ට තැනක් දෙන්නේ නෑ. රටේ ආර්ථික විනාශ කරන්නේ ‘බ්‍රෝකර්ලා‘ ටිකක් එකතු වෙලා.

දැන් කඩවල්වල විදේශයන්ගෙන් ගෙනාපු බඩු විතරක් නෙවෙයි, ලංකාවේ අත්‍යවශ්‍ය බඩු මොනවත් නෑ. රට පුරාම රෝහල්වල දියවැඩියාව, පිළිකා, අතුළු රෝගවලට අත්‍යවශ්‍ය ඖෂධ නෑ.

පොහොර ගෙන්වන්න ඩොලර් නැතිව කාබනික වගාවක් ගැන සුරංගනා කථා කිව්වා. දැන් නැගෙනහිර පලාතේ ගොයම් කපනවා. මෙවර වී අස්වැන්න අඩුවෙලා කියලා ගොවියෝ මැසිවිලි නගනවා. රටේ සාගතයක් අත ලඟටම ඇවිත් තියෙනවා. මේ යල කන්නයේ අතිරේක ආහාර භෝග 11 ක අස්වැන්න අඩුවෙනවා කියලා කෘෂිකර්ම දෙපාර්තමේන්තුව කියනවා. සෞභාග්‍යය කෙසෙවෙතත් දැන් සාගතය නම් හැම ගමක් – නගරයකටම එමින් තියෙනවා.

ගෑස් සමාගම් බංකොළොත් වෙලා. ලෝකයේ කොයි රටේද ඉන්ධන සමාගම් බංකොලොත් වෙන්නේ. ලංකාවේ විතරයි. ගෑස් ගේන්න ඩොලර් නෑ. ගෑස් පාර්භෝගිකයෝ ලක්ෂ 19 ක් ගෑස් හොය හොයා ඇවිදිනවා.

බොර තෙල් මිලදී ගන්නට ඛනිජ තෙල් සංස්ථාව කැඳවපු බොරතෙල් ටෙන්ඩර් දෙකට එකම ගැණුම්කරුවෙකු වත් ආවේ නෑ. දැන් වැඩි මිලට සිංගප්පුරුවෙත් ඩීසල් පෙට්‍රල් මිල දී ගන්නවා. ඩොලර් නැතිව ලග දී ම රටම අවුලකට පත් වෙනවා.

– media unit

80,494 views

19 Comments to “ලංකාවේ අත්‍යවශ්‍ය බඩු මොනවත් නෑ…”

  1. Asoka says:

    දැන් අපිට තියෙන ලොකුම පුශ්ණෙ කවදද අපේ රටේ ඔක්කොම අයට එන්නත දීල රට අරින දවස ලගා කර ගන්න එක.දේශපාලඥයෝ නැති එක ගැනමයි.

  2. තොපි මොනාද කලේ says:

    තොපිටත් ආණ්ඩුවක් හම්බුනා නේ බං…තොපි කෙරුවේ හොරකම් කරලා හොරකම් කරල මහ බැංකුවක් කොල්ල කාලා පැනලා ගියා …ආයෙම වටින් ගොඩින් එනවා නරියෝ වගේ…ඔව් යකෝ මුනුත් එකයි උනුත් එකයි ඔක්කොම දේශපාලන කාලකන්නි එකයි…ජෙප්පොත් එකයි,යූඑන්පී වල් බල්ලොත් එකයි..මේ ආණ්ඩුවේ වල් බල්ලොත් එකයි…තොපි සේරම අපේ අහිංසක මිනිසුන්ගේ රීරි මාංශ උරා ගෙන බොනවා….

  3. Dumidu Dulakshitha says:

    ලංකාවෙන් යන්න කාලේ හරි වගේ නේ . 😥

Main News