ලංකාව අදත් කුජීතයි.. කුපිත වූ ක‍්‍රීඩා ලෝලීන් පිටියට පහර දෙති.. කැරලි මර්ධන, ජල ප‍්‍රහාර කැදවති..

August 27, 2017 at 10:22 pm | lanka C news
ලංකාව අදත් කුජීතයි.. කුපිත වූ ක‍්‍රීඩා ලෝලීන් පිටියට පහර දෙති.. කැරලි මර්ධන, ජල ප‍්‍රහාර කැදවති..

සංචාරක ඉන්දීය කණ්ඩායම හා ශ‍්‍රී ලංකා කණ්ඩායම අතර මහනුවරදී පැවති තුන්වන එක්දින තරගයේ ඉන්දීය කණ්ඩායම ජයග‍්‍රහණයට ඉතා ආසන්නයෙන් සිටියදී ශ‍්‍රී ලංකා ප්‍රෙක්‍ෂකයින් පිටියට පහර දෙන්නට වීම නිසා තරගය නවතා දමන ලදී.

තරගයේ මුලින් පන්දුවට පහර දුන් ශ‍්‍රී ලංකාව සිය පන්දු ඔ්වර 50 අවසානයේ කඩුළු 09ක් දැවී ලබා ගත් ලකුණු 217ට පිලිතුරු ලෙස ඉන්දීය පිල පන්දු වාර 43.6කදී කඩුළු 04ක් පමණක් දැවී ලකුණු 210ක් ලබා තිබියදී පේ‍්‍රක්‍ෂකයින් හිස් ජල බෝතල් ආදියෙන් පිටියට මෙසේ පහර දුන්හ.

කැරලි මර්ධන ඒකකය පිටියට පිවිස පිටිය වටා ගමන් කරන්නට වූ අතර ක‍්‍රීඩකයින් සියළු දෙනා පිටිය මැදට පැමිණියහ. ක‍්‍රීඩාංගණය ආසන්නයේ කැරලි මර්ධන ඒකක මෙන්ම ජල ප‍්‍රහාරක රථද කැදවා ඇත.

පසුව ටික වේලාවකින් තරගය යලි ඇරඹුනු අතර තරගයේ පන්දුවාර 45.1කදී කඩුළු 04ක් පමණක් දැවී ලකුණු 218ක් ලබා ගනිමින් ඉන්දීය පිල ජයග‍්‍රහණය වාර්තා කලේය. ඒ අනුව තරග පහකින් සමත්විත තරගාවලිය මේ වන විට 3-0ක් ලෙස ජය ගැනීමට මේ වන විටත් ඉන්දීය පිල සමත්ව සිටී.

168 views
Main News