ලංකාව අද පාලනය කරන්නේ පාත්ෆයින්ඩර්, CIA, බෝනගේන්.. ජිනීවා යෝජනාව පැරදීමේ මහා කුමන්ත්‍රණ කරු ජනනාත් කොලබගේ…

March 29, 2021 at 10:02 pm | lanka C news
ලංකාව අද පාලනය කරන්නේ පාත්ෆයින්ඩර්, CIA, බෝනගේන්..  ජිනීවා යෝජනාව පැරදීමේ මහා කුමන්ත්‍රණ කරු ජනනාත් කොලබගේ…

ජිනීවා එක්සත් ජාතීන්ගේ මානව හිමිකම් කොමිසමට ඉදිරිපත් වූ යෝජනාව පැරදීමේ මහ කුමන්ත්‍රණකරුවා විදේශ අමාත්‍යංශයේ ලේකම් ජයනාත් කොළඹගේ මහතා බව ජාතික සංවිධාන එකමුතුව චෝදනා කරයි.

එහි කැදවුම්කරු වෛද්‍ය වසන්ත බණ්ඩාර මහතා පෙන්වා දෙන්නේ ජයනාත් කොළඹගේ මහතා රටට එරෙහි දෙ‍්‍රා්හියෙක් බවත් පාත්ෆයින්ඩර් නියෝජිතයකු බවත්ය.

කොළඹගේ මහතා උත්සාහ කළේ ජිනීවා යෝජනාවට ශ්‍රී ලංකාවේ සම අනුග්‍රාහකත්වය ලබා ගැනීමට වුවද එම උපක්‍රමය පරාජය කළ බව ද ඒවා කුප්‍රකට පාත්ෆයින්ඩර් සැලසුම් බවද ඔහු කියා සිටී.

ජනාධිපති ලේකම් පී බී ජයසුන්දර ජනාධිපති උපදේශක ලලිත් වීරතුංග යන අයද පාත්ෆයින්ඩර් නියෝජිතයන් බවත් ශ‍්‍රී ලංකාවේ ෆාත්ෆයින්ඩර් නායකයා වන්නේ මිලින්ද මොරගොඩ මහතා බවත් ඔහු චෝදනා කරයි.

අද ලංකාව පාලනය කරන්නෙ පාත්ෆයින්ඩර් ආයතනය විසින් බවත් එනම් ඇමරිකානු CIA සංවිධානය රට පාලනය කරනවා හා සමාන බවත් වසන්ත බණ්ඩාර මහතා කියා සිටී.

ඒ මහතා මෙම අදහස් සඳහන් පළකළේ අන්තර්ජාල නාළිකාවක් සමඟ සාකච්ඡාවකට එක් වෙමිනි.

52,918 views
Main News