ලංකාව සංචාරක ගමනාන්තයක් ලෙස ප්‍රවර්ධනය කරයි..

August 5, 2021 at 2:14 am | lanka C news
ලංකාව සංචාරක ගමනාන්තයක් ලෙස ප්‍රවර්ධනය කරයි..

ශ්‍රී ලංකාව හා රුසියාව අතර ඒකාබද්ධ සංචාරක වැඩසටහනක් ක්‍රියාවට නැංවේ. ඒ අනුව රුසියානු සංචාරකයන් අතර ශ්‍රී ලංකාව ආකර්ෂණීය සංචාරක ගමනාන්තයක් ලෙස ප්‍රවර්ධනය  කිරීමට රුසියානු රජයේ පූර්ණ සහාය පළවේ.

මේ දිනවල රුසියාවේ නිළ සංචාරයක යෙදී සිටින සංචාරක ඇමති ප්‍රසන්න රණතුංග මහතා රුසියානු සමූහාණ්ඩුවේ සංචාරක කටයුතු පිළිබද ෆෙඩරල් ඒජන්සියේ නියෝජ්‍ය ප්‍රධානී Elena V. Lysenkova මහත්මිය හා එරට ජාත්‍යන්තර සහයෝගීතාවය පිළිබද දෙපාර්තුමේන්තුවේ ප්‍රධානී Smilevets Demyan Olegovich මහතා සමග මේ සම්බන්ධයෙන් කළ සාකච්ඡාවේ දී මේ සදහා පූර්ණ එකගතාවය පළ ව තිබේ. සාකච්ඡාව පැවැත්වුණේ මොස්කව් නුවර පිහිටි රුසියානු සමූහාණ්ඩුවේ සංචාරක කටයුතු පිළිබද ෆෙඩරල් ඒජන්සියේදී යි.

ඇමති ප්‍රසන්න රණතුංග මහතා මෙම සාකච්ඡාවේ දී කොවිඩ් වසංගතය හමුවේ මෙරටට පැමිණෙන සංචාරකයන් සදහා අනුගමනය කෙරෙන සෞඛ්‍ය මාර්ගෝපදේශ පිළිබද ව රුසියානු සංචාරක බළධාරීන් දැනුවත් කළේය. රුසියානු සංචාරකයන් අතර ශ්‍රී ලංකාව ආකර්ෂණීය ගමනාන්තයක් ලෙස ප්‍රවර්ධනය සදහා ලබන මස මුල සිට ප්‍රවර්ධන වැඩසටහන් ක්‍රියාත්මක කිරීමට ද මෙහි දී එකගතාවය පළ කෙරිණි. රුසියානු හා ශ්‍රී ලංකා සංචාරක නියෝජිත ආයතන සමග ස්ථාවර සන්නිවේදන ව්‍යුහයක් ගොඩනැගීමටත් රුසියානු සමූහාණ්ඩුවට අයත් රටවල ශ්‍රී ලංකාව ප්‍රවර්ධනය කිරීමේ වැඩසටහන් ක්‍රියාත්මක කිරීමටත් මෙහි දී තීරණය විය.

රුසියාවේ සංචාරක සමුළු, සංචාරකයන් ඉලක්ක කරගත් ප්‍රදර්ශන, රුසියානු මාධ්‍ය වේදින් සදහා ප්‍රවර්ධන සංචාර මෙන්ම එරට ව්‍යාපාරිකයන් සදහා ශ්‍රී ලංකාවේ සංචාරක ආයෝජන අවස්ථා පුළුල් කිරීම සම්බන්ධයෙන් ද දෙපාර්ශවය අතර මෙහි දී දීර්ඝ ලෙස අදහස් හුවමාරු කර ගැණින.

සංචාරක ඇමති ප්‍රසන්න රණතුංග මහතා මෙහිදි පෙන්වා දුන්නේ ශ්‍රී ලංකාව මේ වන විට කොවිඩ් එන්නත්කරණයෙන් ඉදිරියෙන් ම සිටින රටක් බැවින් මෙරටට පැමිණෙන සංචාරකයන් සුරක්ෂිත බවයි. මෙරට ජනගහණයෙන් 75%කට මේ මාසය අවසන් වීමට පෙර කොවිඩ් එන්නත ලබාදීමට රජය කටයුතු යොදා ඇතැයි ද ඇමතිවරයා මෙහි දී කීවේය.

රජයේ අපේක්ෂාව වන්නේ සංචාරකයන්ගෙන් ශ්‍රී ලාංකිකයන්ටත්, ශ්‍රී ලාංකිකයන්ගෙන් සංචාරකයන්ටත් කොවිඩ් පැතිරීම වැළැක්වීම බව ද ඇමතිවරයා මෙහි දී පෙන්වා දුන්නේය. කොවිඩ් වසංගතයෙන් පසුව ශ්‍රී ලංකාව යළි සංචාරක ව්‍යාපාරය ආරම්භ කිරීමෙන් පසුව මෙරටට වැඩිම සංචාරක පිරිසක් පැමිණ ඇත්තේ රුසියානු කළාපයේ රටවලිනි. පසුගිය කාලය තුළ සංචාරකයන් 25,476 ක් මෙරටට පැමිණ තිබේ. ඉන් කොවිඩ් අසාදිත ලෙස වාර්තාවුණේ 203 දෙනෙකු පමණි. එය 0.79% ක ප්‍රතිශතයක් පමණක් බව ද ඇමතිවරයා මෙහි දී පෙන්වා දුන්නේය.

රුසියානු සමූහාණ්ඩුවේ සංචාරක කටයුතු පිළිබද ෆෙඩරල් ඒජන්සියේ නියෝජ්‍ය ප්‍රධානී Elena V. Lysenkova මහත්මිය මෙහි දී සංචාරක ව්‍යාපාරය නංවාලීම සදහා ශ්‍රී ලංකාවට රුසියානු රජයේ පූර්ණ සහාය ලබාදීමට එකගතාවය පළ කළාය. කොළඹ – මොස්කව් සෘජු ගුවන් ගමන් ආරම්භ කිරීම දෙරට අතර සංචාරක ව්‍යාපාරය ඉහළට ඔසවා තැබීමට හේතුවක් බව ද ඇය කීවාය. රුසියානු ගුවන් සේවා ලබන මාසයේ සිට කොළඹට සෘජු ගුවන් ගමන් ආරම්භ කිරීමට අපේක්ෂා කරන බවත්, එවිට දෙරට අතර සංචාරක ව්‍යාපාරය නංවාලීමේ ඒකාබද්ධ වැඩපිළිවෙල තවදුරටත් පුළුල් කිරිමට හැකිවනු ඇති බවටත් ඇය විශ්වාසය පළ කළාය.

මෙම සාකච්ඡාවට ගුවන්තොටුපළ, අපනයන කළාප සංවර්ධන රාජ්‍ය අමාත්‍යාංශයේ ලේකම් මාධව දේවසුරේන්ද්‍ර, ගුවන් තොටුපළ හා ගුවන් සේවා සමාගමේ උප සභාපති රජීව් සූරියආරච්චි සහ රුසියාවේ ශ්‍රී ලංකා තානාපති කාර්යාලයේ නිළධාරීහු ද සහභාගී වුහ.

– ප්‍රදීප් අනුර කුමාර

15,135 views

5 Comments to “ලංකාව සංචාරක ගමනාන්තයක් ලෙස ප්‍රවර්ධනය කරයි..”

  1. nihal says:

    Sri Lanka is not a paradise anymore.If you are planning to visit, think twice. Its not a good travel destination.
    If you travel to Sri Lanka with your young wife or with your grown up daughter be careful. Its a law- less country.
    If you have money and close contact with a politician you can do anything,
    Former president Sirisena released a murderer who was in death row. Present president Rajapakse released another murderer who was also in death row and offered him a top class goverment job, while a normal citizen need police clearence to get an average government job.
    It was unclear why those murderers received presidential pardon.
    Protests everyday. Everywhere. Cost of living is unthinkable.

    Whole country is a mess. A joke.

    • xxx says:

      I am thinking why karma is not effecting to basters like this??? letting down your motherland is equal to letting down your mother stupid a..hole.

  2. අනිත්‍ය නිසා දුක says:

    කොරෝනා අනිත්‍ය වුනොත් දුක ඇති වෙනවා. ඉතින් කොරෝනා අනිත්‍ය වෙන්න නොදී පවත්වාගෙන යෑම රජයේ යුතුකමක්.

    • සවාධීන says:

      තොට පිස්සුද යකෝ ! හැම ලබිබටම අනිත්‍ය අනිත්‍ය කියන්නේ? මොකක්ද නිත්‍ය මෝඩ මූසල බූරුවෝ මේ ලෝකේ? තෝ මොනයම් හෝ ආගමක ඉතාම වටිනා ” අනිත්‍ය ” නම් වචනේ අව භාවිතා කරන්නේ. නවත්තපං ඕක .

Main News