ලංවිම මිලට ගත් කෝටි 250ක ජනක යන්ත්‍ර අක්‍රියයි.. කොමිස් කුට්ටි සාක්කුවේ..

July 2, 2019 at 6:26 am | lanka C news
ලංවිම මිලට ගත් කෝටි 250ක ජනක යන්ත්‍ර අක්‍රියයි.. කොමිස් කුට්ටි සාක්කුවේ..

පාරිභෝගික අයිතීන් සුරකීමේ ජාතික ව්‍යාපාරය විසින් නිකුත් කරන ලද මාධ්‍ය නිවේදනයක් මෙහි දැක්වෙයි.

ලංවිම මිලදී ගත් කෝටි 250ක ජනක යන්ත්‍ර අක්‍රියයි  කොමිස් කුට්ටි ලේකම් සුරසේන බටගොඩගේ සාක්කුවේදැයි සැක බැවින් අල්ලස් කොමිසමට පැමිණිලි කරනවා

අමාත්‍ය මණ්ඩලය නොමග යවා හදිසි අවශ්‍යතාවයක් ලෙස විශේෂ කැබිනට් අනුමැතියක් යටතේ රුපියල් කෝටි 250ක් වැය කර ලංකා විදුලිබල මණ්ඩලය මිලදී ගත් ජනක යන්ත්‍ර 50 අක්‍රිය තත්වයේ පවතින බව අප සංවිධානය විසින් කරන ලද විමර්ශනයකින් තහවුරු වී ඇත. හදිසි විදුලි හිගයට පිළියමක් ලෙස අමාත්‍ය මණ්ඩලයද නොමග යවා කර ඇති මෙම මිලදී ගැනීම කොමිස් ගැසීම සදහාම කර ඇති බව තහවුරු වී තිබේ.

මෙගා වොට් 1ක ධාරිතාවයක් සහිත ජනක යන්ත්‍ර 50ක් මිලදී ගෙන ඇත්තේ රටේ පවතින විදුලි හිගයට පිළියමක් වශයෙන් බව හගවා තිබුණද මිලදී ගත් ජනක යන්ත්‍ර නිසි පරිදි ක්‍රියාත්මක නොවන අත්හදා බැලීම් මට්ටමේ පවතින ඒවා බව හෙලි වී තිබේ.

තාක්ෂණික ඇගයීම් කමිටුව විසින් ප්‍රතික්ෂේප කරන ලද ඉන්දියානු සමාගමකට අදාල ටෙන්ඩරය පිරිනමා ඇත්තේ විශාල කොමිස් මුදලක් ලබාගැනීම වුවමනාවෙනි.

ජනතාවගේ මුදල් මෙලස විනාශ කිරීම පිළිබදව අප විසින් මේ පිළිබදව අල්ලස් හෝ දූෂණ කොමිසමට පැමිණිලි කිරීමට කටයුතු සූදානම් කරමින් සිටී

රංජිත් විතානගේ
සභාපති
පාරිභෝගික අයිතීන් සුරකීමේ ජාතික ව්‍යාපාරය

 

13,847 Viewers

5 Comments to “ලංවිම මිලට ගත් කෝටි 250ක ජනක යන්ත්‍ර අක්‍රියයි.. කොමිස් කුට්ටි සාක්කුවේ..”

  1. sl says:

    රවී කොමිස් ගන්නේ රනිල් ගේ අනුදැනුම ඇතිව. Mr.Clean is the dirtiest in the clan.

  2. Sun says:

    This is the way the idiots are making money from the consumers without solving the problem. Who is doing such things and we have to trace him. The Zaria is the only solution for such things my dear friends. People are as politicians and want to make money in all possible ways. They don’t know the life is not a permanent thing. They carry what they created as kamma for their future. That is stored in Vinnana that is going to carry it for your root for decision making.

  3. කුඩා දරුවා says:

    ” පාරිභෝගික අයිතීන් සුරකීමේ ජාතික ව්‍යාපාරය ” වගේ එව්වාගේ අය පාරම්පරික සල්ලි කාරයොද ?
    මේ මිනිස්සු ජීවත් වෙන්න මොනවද කරනව ඇත්තේ ? සතියකට වතාවක් මොනව හරි එකක එල්ලිලා දවස් ටික ඇදගෙන යනවා.. හේ.. හේ.. =D

  4. Ariyathilaka says:

    ගියොත් ගිය තැන, සිටියොත් සිටිය තැන, නැත යහපතක් නම්, ඔහුගෙන් විනාසය මිස, හොරෙකි හිර දෙටුවෙකි, රටට මහ පිළිලෙකි, කිසිදු නැත හිරිකිතක්, සාපයක් වූ පුගුලෙකි~

  5. Ariyathilaka says:

    ගියොත් ගිය තැන, සිටියොත් සිටිය තැන, නැත යහපතක් නම්, ඔහුගෙන් විනාසය මිස, හොරෙකි හිර දෙටුවෙකි, රටට මහ පිළිලෙකි, කිසිදු නැත හිරිකිතක්, පුගුලෙකි සාපයක් වූ~

Main News