‘ලක්සල’ අලෙවිසැල් 50ක් ඇමරිකාව පුරා අරඹයි…

August 28, 2021 at 8:02 am | lanka C news
‘ලක්සල’ අලෙවිසැල් 50ක් ඇමරිකාව පුරා අරඹයි…

ශ්‍රී ලාංකේය ඉතිහාසයේ ප්‍රථම වරට “ලක්සල” අළෙවි ප්‍රදර්ශනාගාරයක් ඇමරිකා එක්සත් ජනපදයේ විවෘත කිරීම සඳහා වූ ව්‍යාපාරික ගිවිසුම අත්සන් තබයි.

ජනාධිපතිතුමාගේ “රට හදන සෞභාග්‍යයේ දැක්ම” ප්‍රතිපත්ති ප්‍රකාශයේ සඳහන් “ජනතා කේන්ද්‍රීය ආර්ථිකයක්” ගොඩනැගීමේ සංකල්පයට ශක්තිය සපයමින් දේශීය හස්ත කර්මාන්ත නිර්මාණ ශිල්පීන්ගේ සාම්ප්‍රදායික නිෂ්පාදන සඳහා දේශීය මෙන්ම විදේශීය වෙළෙඳපොළ හඳුන්වාදීම අප සතු යුතුකම හා වගකීම වේ.

පවතින කෝවිඩ් වසංගත තත්ත්වය මත විදේශීය සංචාරකයින් මෙරටට නොපැමිණීමෙන් 90% කින් පමණ පහළ ගොස් හානි වූ ලක්සල අලෙවි ආදායම නව ව්‍යාපාරික සැලැස්මක් යටතේ පූර්ණය කර ගැනීම හා දේශීය නිෂ්පාදකයන්ට ශක්තිය සැපයීම මෙහි මූලික අරමුණයි.

ඒ අනුව බතික්,අත්යන්ත්‍ර,රෙදි හා දේශීය ඇඟලුම් නිෂ්පාදන රාජ්‍ය අමාත්‍යංශයෙහි පූර්ණ සම්බන්ධීකරණය හා දායකත්වය යටතේ ශ්‍රී ලංකා හස්ත කර්මාන්ත මණ්ඩලය “ලක්සල” ආයතනය හා “බූම් ලංකා බතික් ඇන්ඩ් ගිෆ්ට්ස් එල්.එල්.සී ආයතනය ( සිලෝන් ගැලරි) යන වරලත් නියෝජිත ආයතනය සමග ව්‍යාපාරික ගිවිසුම අද (26) දින තුම්මුල්ලෙහි පිහිටි “ලක්සල” සභාපති කාර්යාලයේදී අත්සන් තැබීය.

“ලක්සල” සන්නාමය යටතේ මෙරට පාරම්පරික හස්ත කර්මාන්ත නිර්මාණ ශිල්පීන්ගේ භාණ්ඩ ඇතුළුව බතික්,අත්යන්ත්‍ර,රෙදිපිළි හා ශ්‍රී ලාංකීය තේ, කෝපි, කුළුබඩු, ආයුර්වේද නිෂ්පාදන, කාබනික ආහාර වර්ග හා දේශීය රූපලාවන්‍ය භාණ්ඩ නිෂ්පාදන ඇමරිකා එක්සත් ජනපදයේ “ෆ්ලොරිඩා”හි ආරම්භ කරනු ලබන එම වරලත් අලෙවිසැල මගින් ප්‍රවර්ධනය කිරීමට නියමිතය.

තවද මෙවැනි “ලක්සල” අලෙවි ප්‍රදර්ශනාගාර 50ක් ඇමරිකාවේ අනෙකුත් ප්‍රාන්ත තුලද ස්ථාපිත කිරීමට සියළු කටයුතු සූදානම් කර අවසන්ය.එමෙන්ම “ලක්සල” නව කළමනාකාරීත්ව ව්‍යාපාරික සැලැස්ම යටතේ 2023 වසර අවසන් වීමට ප්‍රථම මෙවැනි වරලත් අලෙවි නියෝජිත ප්‍රදර්ශනාගාර ජපානය, ඕස්ට්‍රේලියාව, එක්සත් රාජධානිය,කැනඩාව හා මැදපෙරදිග රටවල් තුළද විවෘත කිරීමට කටයුතු සැලසුම් කරමින් සිටියි.

මෙම අවස්ථාව සඳහා බතික්,අත්යන්ත්‍ර,රෙදි හා දේශීය ඇඟලුම් නිෂ්පාදන රාජ්‍ය අමාත්‍යංශ ලේකම් ජානක ධර්මකීර්ති මහතා,ලක්සල ආයතන සභාපති නීතීඳ ලක්මල් වික්‍රමආරච්චි මහතා,සිලෝන් ගැලරි වරලත් නියෝජිත ආයතන සභාපති සුදර්මා වර්ණකුලසූරිය මෙනෙවිය,එම ආයතනයේ කළමනාකරතුමන් හා ලක්සල ආයතනයෙහි කළමනාකරතුමන් ඇතුළු අධ්‍යක්ෂ මණ්ඩලයද එක් විය.

– මාධ්‍ය ලේකම්

29,944 views

21 Comments to “‘ලක්සල’ අලෙවිසැල් 50ක් ඇමරිකාව පුරා අරඹයි…”

  1. මානෙල් කෝකිලා says:

    ඔවා කවදාවත් හරියන වැඩ නොවෙයි. වටිනා මහජන මුදල් නාස්තියක් සහ ගසා කැමක් පමණයි.

    • Saradiel says:

      මෙවැනි වරලත් ලක්සල අලෙවි නියෝජිත ප්‍රදර්ශනාගාර ජර්මනිය ,ප්‍රංසය ඇතුළු යුරෝපිය රටවලත් ඇතිකිරීමට කටයුතු කරන ලෙස ඉල්ලමි

  2. Sunimal says:

    Americavata panala gal venna niyama velava….Thank you Sir.

  3. Sam says:

    Someone is trying to swindle people’s money and plant stooges in the US. Start with one, that too only if independent market research is positive.

  4. sam says:

    This is great if and only if you can maintain at least no loss. But I feel this will be a white elephant. People will travel and some will get jobs there. Lets see.

Main News