ලබන වසරේ මේ ආණ්ඩුව එක්කෝ ගොඩයනවා.. නැතිනම් යටයනවා..

October 25, 2016 at 1:20 pm | lanka C news
ලබන වසරේ මේ ආණ්ඩුව එක්කෝ ගොඩයනවා.. නැතිනම් යටයනවා..

යහපාලන සංකල්පය මෙරට බොහා් පිරිසකට නොතේරෙන දෙයක් බවත් බහුතර පිරිස බලාසිටින්නේ අග්‍රාමාත්‍ය රනිල් වික්‍රමසිංහ මහතා සහ ජනාධිපති මෛත්‍රීපාල සිරිසේන මහතා භේද කිරීමට බවත් විදුලි සන්දේශ හා ඩිජිටල් යටිතල පහසුකම් අමාත්‍ය හරීන් ප්‍රනාන්දු මහතා ප්‍රකාශ කරයි.

අමාත්‍යවරයා මේ බව ප්‍රකාශ කළේ ඊයේ (24) බදුල්ල, කැන්දගොල්ලේ පැවති කුඩා තේ වතු හිමියන් 1100 දෙනෙකුට පොහොර සහනාධාරය ලෙස රුපියල් ලක්ෂ 63 ක මුදලක් පරිත්‍යාග කිරිමේ අවස්ථාවට එක්වෙමිනි.

එහිදී අදහස් දැක්වූ අමාත්‍යවරයා මෙසේද පැවසීය.

“අද ගොඩාක් මිනිස්සු බලාගෙන ඉන්නවා මේ ආණ්ඩුව පෙරලෙන කල්. ගොඩාක් මිනිස්සුන්ට උවමනාවක් තියෙනවා රනිල් වික්‍රමසිංහ මහත්තයයි මෛත්‍රීපාල සිරිසේන මහත්තයයි බේද කරන්න.

අපි යූ.එන්.පී. කාරයෝ හැටියට ආණ්ඩුවක් දිනලත් අවංක චේතනාවෙන් තමයි යහපාලන ආණ්ඩුවට එකතු වුණේ. අපි ආණ්ඩුව දිනලත් නිමල් සිරිපාල ද සිල්වා ආසනය පැරදිලත් නිමල් සිරිපාල මහත්තයට ඇමති කමක් දෙනවට අපි විරුද්ධ වුනේ නැහැ. මම මහ ඇමති කමෙන් අයින් වෙලා මගේ මහ ඇමතිකම ශ්‍රී ලංකා නිදහස් පක්ෂයේ කෙනෙකුට දෙනවට මං විරුද්ධ වුනේ නැහැ. ඇයි ඒ ? අපි සැබෑ අර්ථයෙන් යහපාලනයට ගරු කරපු නිසයි. යහපාලනය කියන එක ගොඩාක් මිනිසුන්ට තේරෙන්නේ නැහැ. යූ.එන්.පී. කාරයෝ හැටියට අපි මිනිසුන්ගෙන් බැනුම් අහනවා. මේ ගමේ ඉන්න උග්‍ර යූ.එන්.පී. කාරයෝ මට තිත්ත කුනුහරුපෙන් බැනලා තියෙනවා. උඹලට ඡන්දේ දුන්නේ ඕකට ද කියලා බනිනනවා. උඹලට ඡන්දෙ දුන්නේ අපේ ආණ්ඩුවක් හදාගන්න කියනවා. ඇයි දැන් ශ්‍රී ලංකා කාරයෝ ගාගෙන අහනවා. අපි හිතුවේ එහෙම නෙවෙයි. අපි හිතුවේ ගමේ ශ්‍රී ලංකා, යූ.එන්.පී ඕන නැහැ කියලා. අපිට ඕන අවුරුදු 5න් ගම දියුනු කරන්න ඕන කියන අවංක චේතනාව. හැබැයි සමහර මිනිස්සුන්ට ඕන මේක කඩන්න. ආයෙත් බොරු චොදනා දාලා සමගිය කඩලා රටේ අස්ථාවරත්වය ඇතිකරලා යුද්ධයක් තියෙනවා කියලා පෙන්නලා ඒවගේ කතා ඇති කරන්න.

ඒ නිසා මම ඉල්ලීමක් කරනවා විශ්වාසය හදවතේ තියාගෙන ඉන්න. 2017 අවුරුද්ද තමයි මේ ආණ්ඩුව හැදෙන හෝ නොහැදෙන අවුරුද්ද. එක්කෝ මේ ආණ්ඩුව 2017 දී ගොඩ යනවා. නැතිනම් යට යනවා. කරන දෙයක් මේ ආණ්ඩුව කරන්න ඕන 2017 අවුරුද්දේ. ඒ නිසා විශ්වාසය තියාගන්න. ඔය කෙරෙනවා කිව්ව සංවර්ධනය ඇතිවන්නේ 2017 අවුරුද්දේ. ජනාධිපතිතුමයි අගමැතිතුමයි එම විශ්වාසය හදවතේ තියාගනෙ ඉන්න බව මට විශ්වාසයි. ඕනම දේකදි එහෙම නේ. හොදට ඉන්න පවුලක් කඩන්න උත්සාහ කරනවා. ඊර්ෂ්‍යා කරනවා. හුනියම් කරනවා. නෙයෙකුත් දේවල් ගැට ගහල තුන්ඩුදාල. ඒවගේ දේවල් අපේ රටේ සමහර මිනිස්සු කරනවා. ඒ නිසා ඒවා ගැන කලබල වෙන්න එපා. ඔබේ පවුල රකින්න අපි ඉන්නවා”.

පාලිත ආරියවංශ
බදුල්ල

9 views

14 Comments to “ලබන වසරේ මේ ආණ්ඩුව එක්කෝ ගොඩයනවා.. නැතිනම් යටයනවා..”

  1. karu says:

    දෙකක් නැහැ ලොක්කෝ, යන්නේ වල පල්ලට, උතුර නැගිටිනවා. යහපාලනය වලටම යනවා. මිනිස්සු තේරුම් ගන්නවා ගෝටා වගේ නායකයෙක් ඉන්න ඕනේ නැවතත් රට ගොඩ ගන්න. මොකෝ මහින්දට බැහැනේ වියවස්තාව අනුව

  2. gajaba says:

    රනිල් කියන්නේ දැක්මක් නැති , ඔහේ දොඩවන, නිලයෙන් උන්මන්තෙකු වී ඉන්න නිකමෙකුට, සිරිසේන කියන්නේ මහින්ද ගැන ක්‍රෝධය හිතේ පුරවාගෙන ඉන්න කියන දේ නොකරන මිනිසෙකුට. මේ දෙන්නා එකතු උනාම රට වල පල්ලට යනවා මිසක් වෙන දෙයක් වෙන්නේ නැහැ. ඒ නිසා 2017 දෙකෙන් එකක් නෙවි, එක දෙය ඉ වෙන්නේ, ඒ යහපාලනය කියන අමන පලයනය නැත්තටම නැති වෙලා යන එක.

  3. lapadi says:

    This is a meaningless government. One party should rule the country either UNP or SLFP.
    It is worth for going for a new election rather than waiting till 2020.

Main News