ලෝකයේ බොරතෙල් මිල සීඝ‍්‍රයෙන් පහල ගිහින්.. මෙරට ඉන්ධන මිල අඩු කරන්නැයි බැසිල්ගෙන් ඉල්ලයි…

August 22, 2021 at 8:40 am | lanka C news
ලෝකයේ බොරතෙල් මිල සීඝ‍්‍රයෙන් පහල ගිහින්.. මෙරට ඉන්ධන මිල අඩු කරන්නැයි බැසිල්ගෙන් ඉල්ලයි…

පාරිභෝගික අයිතීන් සුරැකීමේ ජාතික ව්‍යාපාරය විසින් මුදල් ඇමති බැසිල් රාජපක්‍ෂ මහතා වෙත යොමු කරන ලද ලිපියක් මෙහි දැක්වෙයි.

………

බැසිල් රාජපක්ෂ මහතා
මුදල් අමාත්‍ය
මුදල් අමාත්‍යාංශය
කොළඔ 01

ගරු මුදල් අමාත්‍යතුමණි,

ලෝක වෙළද පොලේ බොරතෙල් මිල සීඝ්‍රයෙන් පහත වැටීම හේතුවෙන් ශ්‍රී ලංකාවේ ඉන්ධන මිල අඩුකිරීමට කරනු ලබන ඉල්ලීමයි.

ලෝක වෙළදපොලේ බොරතෙල් මිල ඉහළයාම හේතුවෙන් ඔබතුමා මුදල් අමාත්‍යවරයා ලෙස පත්වීමට ප්‍රථමයෙන් මෙරට ඉන්ධන මිල ඉහළ දමන ලදී.

2021 ජූනි 11 දින මෙරට ඉන්ධන මිල ඉහළ දමන විට ලෝක වෙළදපොලේ බොරතෙල් බැරලයක මිල ආසන්න වශයෙන් ඇමරිකානු ඩොලර් 70.91 ක් වූ අතර ජූලි මස 30 වන දින විට ලෝක වෙළදපොලේ බොරතෙල් බැරලයක මිල ආසන්න වශයෙන් ඇමරිකානු ඩොලර් 73.95 ලෙස වාර්තා වුවද ඉන්පසු දිගින් දිගටම ලෝක වෙළදපොලේ බොරතෙල් බැරලයක මිල සීඝ්‍රයෙන් පහත වැටුණි. එනම් 2021 අගෝස්තු 20 වන ඊයේ දින වන විට ලෝක වෙළදපොලේ බොරතෙල් බැරලයක මිල ආසන්න වශයෙන් ඇමරිකානු ඩොලර් 62.14 ලෙස සීඝ්‍රයෙන් පහත බැස තිබේ. එනම් මෙරට අවසාන ඉන්ධන මිල සංශෝධනය කරනු ලබන අවස්ථාවේ ලෝක වෙළද පොලේ බොරතෙල් බැරලයක මිල හා අද වන විට ලෝක වෙළද පොලේ බොරතෙල් බැරලයක මිල සංසන්දනය කිරීමේදී ආසන්න වශයෙන් ඇමරිකානු ඩොලර් 8.77 ක අඩුවීමක් වාර්තා කරයි. එසේ අඩුවූ ප්‍රතිශතය ආසන්න වශයෙන් 12% කි.

ලෝක වෙළදපොලේ බොරතෙල් මිල පුරෝකතනයට අනුව 2021 අගෝස්තු මස සිට 2022 පෙබරවාරි මස දක්වා ලෝක වෙළදපොලේ බොරතෙල් මිල දිගින් දිගටම පහළයාමක් පෙන්නුම් කරන අතර නැවතත් 2021 ජූනි 11 දින බොරතෙල් බැරලයක මිල සටහන් වන්නේ 2022 පෙබරවාරි මාසයේය එම මිලත් ඇ: ඩො 68.47 කි.

ඒ අනුව පෙනී යන්නේ මෙරට ඉන්ධන පාරිභෝගිකියින්ට දැනෙන ඉන්ධන සහනයක් ලබා දීම සදහා මෙරට ඉන්ධන මිල අඩුකල හැකි බවයි. රට වසා දමැ ඇති මෙම අවස්ථාවේ ඉන්ධන මිල අඩුකිරීම මෙරට පාරිභෝගිකියින්ට ඉතාම වාසිදායක තත්වයක් වන්නේ ජංගම වෙළද රථවලට හා අත්‍යවශ්‍ය සේවා සපයන ආයතන සදහා එම සහනය ලැබෙන බැවිනි. තවද මෙම අවස්ථාවේ ඉන්ධන භාවිතා කරන්නේ අත්‍යාවශ්‍ය රාජකාරී සදහා පිටව යන සෞඛ්‍ය සේවා වැනි අත්‍යාවශ්‍ය සේවා වල නිරතවන පුද්ගලයින්ට වන හෙයිනි. තවද ඉන්ධන මිල අඩු කිරීම නිසා නිෂ්පාදන පිරිවැය අඩුවීමේ වාසිය මෙරට පාරිභෝගිකයාට ලබාගත හැක.

ලෝක වෙළදපොලේ බොරතෙල් මිල අඩුවීමේ වාසිය ඉන්දියන් ඔයිල් සමාගම ලබා ගැනීම නිසා එම සමාගම අධික ලෙස ලාභ ලබන අතර එම නිසා මෙරට මුදල් විදේශ රටවලට ඇදීයාම සිදුවනු ලබයි. එහි වාසිය මෙරට නිෂ්පාදකයා වෙත ලබාදීම මගින් දේශිය ව්‍යාපාරිකයා ශක්තිමත් කිරීම සිදුවනු ලබයි.

ලෝක වෙළද පොලේ බොරතෙල් බැරලයක මිල සීඝ්‍රලෙස අඩුවීමේ වාසිය පාරිභෝගිකයින්ට ලබාදීම සදහා මෙරට ඉන්ධන මිල නැවත සංශෝධනය කරන ලෙස ඔබතුමාගෙන් කරුණාවෙන් ඉල්ලා සිටිමු.

මීට විශ්වාසී,
රංජිත් විතානගේ
සභාපති
පාරිභෝගික අයිතීන් සුරැකීමේ ජාතික ව්‍යාපාරය

40,059 views

8 Comments to “ලෝකයේ බොරතෙල් මිල සීඝ‍්‍රයෙන් පහල ගිහින්.. මෙරට ඉන්ධන මිල අඩු කරන්නැයි බැසිල්ගෙන් ඉල්ලයි…”

  1. කට වක්කඩේ බොම්බයි මොටයි කාරයා says:

    කටින් බතල හිටවන , කිව්වොත් කියන දේ අනිත් පැත්ත වෙන, හිටන් ට පාර්ලිමේන්තුව විසුරුවන්න කියල කෙස් පැලෙන තර්ක ගෙනත් ගොනාට අන්දවල අන්තිමට කිච වෙලා , හොර පවර් ඔෆ් ඇටනි වලින් ගේම් ගහල ඒවත් යට ගහල ඉන්න මේ වගේ ගල්ආන්දෙක් ගෙන් මිට වඩා දෙයක් බලාපොරොත්තු වෙන්න එපා මයේ දෙය්යෝ.

  2. ප්රෝෆ් ලන්සා නිමල් says:

    කටින් බතල හිටවන , කිව්වොත් කියන දේ අනිත් පැත්ත වෙන, හිටන් ට පාර්ලිමේන්තුව විසුරුවන්න කියල කෙස් පැලෙන තර්ක ගෙනත් ගොනාට අන්දවල අන්තිමට කිච වෙලා , හොර පවර් ඔෆ් ඇටනි වලින් ගේම් ගහල ඒවත් යට ගහල ඉන්න මේ වගේ ගල්ආන්දෙක් ගෙන් මිට වඩා දෙයක් බලාපොරොත්තු වෙන්න එපා මයේ දෙය්යෝ.

  3. Pitaretiya says:

    Lokaye kisima rataka indana mila adu wela netha. Me kalakanni rata agadayata gena yamata dagalayi. Me samithi samagam ethulu wurthiya samithi rate sampurnayenma thahanam karanna

  4. Truth says:

    Government is waiting to increase more not to reduce price reduction is a dream

  5. ලන්සා රණතුංග says:

    බැසිලාගමනයට දින 58යි.ඉන්ධන මිල අඩු වි නොමැත .

  6. Jagath says:

    ලගදී චන්දයක් නෑ නේ.

  7. Paraviya says:

    Indana mila koheda aduwela thiyenne. Ranjith mahaththayo kiyannako mona rateda kiyala???

  8. ගොං රංජි සවූක්ය ඇමතිට ලියාවි ලෝකයේ ඩෙල්ටා ඩෙල්ටා තියෙනව වර්ජනවලට බෙදන්න කියල. says:

    පීස්සූ හරකෙක්. වර්ජනවලට බෙදන්න ඩෙල්ටා ඉල්ලලා ගහපූ ලියූමක් අපි දැක්ක. අනේ මෙහෙම පීං හරක්.

Main News