ලෝකය පුරා බුද්ධාගමට ඉල්ලුමක් තිබෙනවා.. භික්‍ෂූන් ඉංග‍්‍රිසි උගන්වා රට යැවිය යුතුයි..

July 28, 2019 at 3:50 pm | lanka C news
ලෝකය පුරා බුද්ධාගමට ඉල්ලුමක් තිබෙනවා.. භික්‍ෂූන් ඉංග‍්‍රිසි උගන්වා රට යැවිය යුතුයි..

විනය ගරුක යහ සමාජයක් ඇති කරන්න ජාතික සමගිය අවශ්‍යයි. බුදුහාමුදුරුවෝ ජාතිවාදය ප්‍රතික්ෂේප කළා. ජාතිවාදය නිසා ගිනි තියාගන්න මරාගන්න අවශ්‍ය නැහැ. ලෝකයේ බෞද්ධ දර්ශනයට ඉල්ලුමක් තිබෙනවා. බෞද්ධ දර්ශනය පිට රටට ගෙන යන්න මහා සංඝ රත්නය ජාත්‍යන්තර භාෂාවන් ඉගෙන ගත යුතුයැයි කථානායක කරු ජයසූරිය මහතා ඊයේ (27) සවස බළපිටියේදී ප්‍රකාශ කළේය.

ලෝකයේ සිටින මිලියන හත්දහස් පන්සියයක ජනතාව දහම් පිපාසාවෙන් පෙලෙන සත්‍ය අවබෝධ කරගැනීමේ වුවමනාව ඇති අය බැවින් ඉංග්‍රීසි, ජර්මන්, චීන ආදී භාෂාවන් ඉගෙන ගෙන ථේරවාදී බෞද්ධ දර්ශනය පිටරට වලට ගෙන යන ලෙසද කතානායකවරයා  මහා සංඝරත්නයෙන් ඉල්ලා සිටියේය.

අමරපුර සිරි සද්ධම්මවංස මහා නිකායේ අභිනව සංඝ නායක පදවි පිරිනැමීම නිමිත්තෙන් බළපිටිය වැලිතර මහා කප්පින වලව්ව සීමාමාලක මූලස්ථාන විහාරස්ථානයේ ශ්‍රී ධීරානන්ද මහා මංගල සීමා මාලකයේ දී පැවති උත්සවයේදී ඒ මහතා මේ බව කීය.

සද්ධම්මවංශ මහ නිකායේ මහනායක අහුන්ගල්ලේ සිරි සීලවිසුද්ධි නාහිමියන් ගේ ප්‍රධානත්වයෙන් පැවති මෙම උත්සවයේ දී තව දුරටත් අදහස් දැක්වූ කරු ජයසූරිය මහතා මෙසේද කීය.

සද්ධම්මවංස මහා නිකායේ විහාරස්ථාන පන්සියයකට වැඩිය තිබෙනවා. භික්ෂූන් වහන්සේලා පන්දහසකට වැඩියි. ඔවුන් අතර කීර්තිමත් උගත් මහා සංඝරත්නයක් ඉන්නවා. ශාසනයට සමාජයට කරන සේවාව විශාලයි. පන්සලකට ඇතුල් වෙන විටම සිත පහන් වෙනවා. විශේෂයෙන් බළපිටිය ප්‍රදේශයට ආවම සිරිල් ද සොයිසා මහතා මතක් වෙනවා. ඉතිහාසය බලනවිට  ශ්‍රීමත් ලලිත රාජපක්ෂ, සී පී ද සිල්වා, කොල්වින් ආර් ද සිල්වා, ප්‍රැන්සිස් ද සොයිසා, වෛද්‍ය ඊ ඇම් විජේරාම, අමරසේකර පවුල හා පුද්ගලයෝ බිහිවුණා. අජිත ද සොයිසා මහතා කරන සේවාව අගය කළ යුතුයි. කඵතර බෝධි ආරක්ෂක මණ්ඩලයෙන් අති විශාල සේවාවක් කර තිබෙනවා. සුනාමි වෙලාවෙදී ඉඩම් දීල ගෙවල් පවා හදල දුන්නා.

බුද්ධාගම තමයි, ලෝකයේ විද්‍යාත්මක දර්ශනය තිබෙන ආගම. ලෝකයේ හිටපු විද්වතුන් බුද්ධාගම ගැන කියල තිබෙනවා. ලංකාවට ආදරය කරපු ආතර් සී ක්ලාක් මහතා කිව්වා මිනිස්සු හඳට යනවා කියල කවුරුත් විශ්වාස කළේ නැහැ, දැන් අඟහරු ලොවට යන ක්‍රියාදාමයකට යොමු වෙලා කියල. අවුරුදු කිහිපයක් ඇවෑමෙන් ලෝකයා බෞද්ධ දර්ශනය දිහා බලනවා කිව්වා. ලෝකයේ මිලියන හත්දහස් පන්සියයක් පමණ ජනතාවක් ඉන්නවා. වැඩි දෙනා දහම් පිපාසාවෙන් ඉන්නේ. ලෝකයේ රටවල විද්වතුන් බුද්ධාගම හදාරනවා. භාවනාව විශ්ව විද්‍යාල වල ප්‍රධාන අංගයක් වෙලා. ලෝකයේ ධන කුවේරවරු විශ්ව විද්‍යාල වලට ගිහින් භාවනා කරනවා. පුංචි ශ්‍රී ලංකාව ථේරවාදී බුදුදහම ආරක්ෂා කළා. චීවරය තුළ විශාල බලයක් තිබෙන නිසයි අපි පස්සෙන් යන්නේ.

විනය ගරුක යහ සමාජයක් ඇති කරන්න ජාතික සමගිය අවශ්‍යයි. බුදුහාමුදුරුවෝ ජාතිවාදය ප්‍රතික්ෂේප කළා. ජාතිවාදය නිසා ගිනි තියාගන්න මරාගන්න අවශ්‍ය නැහැ. ලෝකයේ බෞද්ධ දර්ශනයට ඉල්ලුමක් තිබෙනවා. බෞද්ධ දර්ශනය පිට රටට ගෙන යන්න මහා සංඝ රත්නය ජාත්‍යන්තර භාෂාවන් ඉගෙන ගත යුතුයි. ඇමරිකාවේ හිටපු ජනාධිපති බිල් ක්ලින්ටන් පවා භාවනා කරනවා. හොලිවුඞ් නඵ නිළියොත් භාවනා කරනවා යැයි ද කීය.

අමරපුර සිරි සද්ධම්මවංස මහා නිකායේ ලේඛකාධිකාරී බළපිටියේ සිරි සීවලී හිමියන්ද මෙහිදී කතා කළ අතර ඉඩම් හා පාර්ලිමේන්තු ප්‍රතිසංස්කරණ අමාත්‍ය ගයන්ත කරුණාතිලක, ඌව ප්‍රධාන අමාත්‍ය චාමර සම්පත් දසනායක යන මහත්වරුන් ඇතුඵ පිරිසක් මෙම අවස්ථාවට සහභාගි වූහ.

– ජයකාන්ත ලියනගේ

64 views

23 Comments to “ලෝකය පුරා බුද්ධාගමට ඉල්ලුමක් තිබෙනවා.. භික්‍ෂූන් ඉංග‍්‍රිසි උගන්වා රට යැවිය යුතුයි..”

  1. Aruna says:

    Rate karumaya, ape karuma, karu.

  2. porolis says:

    Kohomath buddhagama wikunagenane mechcharakal kawe danhamuduruwantath lansu thiyanna patanganivi amanayo

  3. Sadda says:

    හොද ගානකට ආවොත් ලොක්කා එක්ක එකතුවෙලා ඉල්ලන ගානට දීලා දාමු. වැඩේ අහවරයි.

  4. පහන් says:

    ලංකාවේ බෞද්ධයෝ බුදුදහම ගැන සුද්දෝ හිතන විදිහ ගැන අධිතක්සේරුවකින් ඉන්නේ. සුද්දන්ට බුදුදහම කියන්නේ එක්කෝ සෙන් දහම නැත්නම් දලෙයි ලාමා. ථේරවද බුදුදහම හුඟාක් classical පැත්තට බර දර්ශනයක්. මාකට් කරන්න අමාරුයි. ප.ලි. මම හම්බයෙක් නෙමෙයි ඕං.

    • Jo says:

      They have been exposed to Chinese migration thats why, but lot of them now follow therawada after being exposed to Thailand, Laos. And Buddhism is Buddhism nikaya dont matter. People dive in deeper with their intellectual capacity, as long as it helps. We shouldn’t say therawada, mahayana, coz others dont do like that only lankans talk like that and its not suitable for buddhist.

      On this news
      Unp guys r all mental, religion cant help them, they have ruined all religion s in sri lanka. They prosecute buddhist, bombed Christians, made Muslims and Hindu s terrorist. All in the name of $$$$

  5. කුඩා දරුවා says:

    අයිසෙ,,… කරූ..
    ඊට කලින් මෙ පන්සල් වල තියෙන ලවුඩ්ස් පීකර් කන්දොස්කිරියාව නවත්වනවා ඕයි..
    තරුණ වයසින්ම අපි බීරන් වෙන්ඩ කලින්… පන්සල් ලඟ ගෙවල්වල ඉන්න එවුන් ගෙවන්නේ පුදුම කරුමක්කාර ජීවිතයක්…

    • Amda says:

      ඊටකලින් උබලගේ පල්ලිවලින් අහෙන මල අදෝනාව නතර කරපල්ලා. ඒක තමා ලොකුම හිරිහැරය.

      • Karma says:

        පන්සල් පල්ලි කියල වෙනසක් නැහැ ඔය ශබ්‍ද පරිසරයට අහිතකරයි.

  6. sinha le says:

    දවසට 5 ස් පාරක් රට පුරා බෙරිහන් දෙනවිට සුද්දෝ හිතන්නේ අපේ රට අරාබියක් කියලා

  7. Fernando says:

    ධර්මදූත සේවාව කරන්න යුරෝපයේ ඉඩ දෙයිද? යුරෝපයේ ගම්වල ගිහින් ඕව කරද්දී ගමේ සාමය නැතිකරන්න එන්න එපා කියල පල්ලියේ ෆාදර් හරි පල්ලියේ පාස්ටර් හරි ඇවිල්ල වලි දායිද ?

    • Sasha says:

      යුරෝපයේ අපේ රටේ සමහර පුජ්‍යපක්ෂයේ අය කරනවා වගේ ඒ රටවල පුජකවරු ලෝගුව උස්සගෙන රන්ඩුවට එන්නෙ.ඒ රටවැසියන්ට ඕනෑම ආගමක් අදහන්න නිදහස තියෙනවා රටවල නීතිවලට ගරුකරමින් කාටවත් කරදරයක් නොවී ඉන්නවනම්‍

Main News