ලෝක උරුම නකල්ස් පරිසර පද්ධතියේ පරිසර අධ්‍යයන අවස්ථා මහජනතාවට..

March 1, 2018 at 2:08 am | lanka C news
ලෝක උරුම නකල්ස් පරිසර පද්ධතියේ පරිසර අධ්‍යයන අවස්ථා මහජනතාවට..

ලෝක උරුම නකල්ස් ආශ‍්‍රිතව පාරිසරික හා ජෛව විවිධත්ව අධ්‍යයන වැඩසටහන් සදහා මහජනතාවට අවස්ථාව ලබාදීමට දුම්බර මිතුරෝ පරිසර සංවිදානය තීරණය කරයි.

පරිසර කදවුරු,පරිසර සංචාර,කදු නැගීම්,පාරිසරික ගවේශන, දියඇලි අධ්‍යන චාරිකා යනාදී අධ්‍යන චාරිකා රැසක් මේ වන විට සංවිධාන කර ඇතැයි දුම්බර මිතුරෝ පරිසර සංවිධානය සදහන් කරයි.

දුබිබර වන පෙතේ සංරක්ෂණය,ජෛව විවිධත්වය ඇගයීමට ඉඩ ලබාදීම,අවිදිමත් පරිසර සංචාර අවම කර සංචාරයන් සදහා පැමිණෙන පුද්ගලයින්ට අවශ්‍ය පාරිසරික දැනුම ලබාදීම සිය සංවිධනයේ අරමුණ බව එහි සභාපති නෙවින් මීවතුර මහතා සදහන් කළේය.

ඉහත වැඩසටහනට අමතරව රාත‍්‍රි කදවුරු මෙන්ම පාරිසරික ඡයාරූප පාඨමාලාවක් ද සැලසුම් කර ඇති බව සභාපතිවරයා සදහන් කළේය.

මේ සදහා සහබාගී විය හැක්කේ පරිසර හිතකාමි පිරිස් වලට පමණක් බවත් විශේෂයෙන් තරු ණහා විශ‍්‍රාමලත් පුරවැසියන් කෙරෙහි වැඩි අවස්ථාවක් ලබාදෙන බව ද නෙවිල් මී වතුර මහතා සදහන් කළේය.

මේ සම්බන්ධයෙන් උනන්දුවක් දක්වන්නන් දුම්බර පරිසර කේන්ද්‍රය, දුම්බර මිතුරෝ පරිසර සහ සංස්කෘතික සංගමය, අංක 62, වලව්වත්ත, නිට්ටඹුව ලිපිනයට හෝ දුරකතන අංක 075-5347297, 071 -0526266 හෝ dumbaralk@yahoo.com ඊමේල් ලිපිනයෙන් වැඩිදුර විස්තර ලබාගත හැකි බව සගමය සදහන් කරයි.

– ඉන්දික අරුණ කුමාර

45 views
Main News