වතුකරයේ කම්කරුවෝ ප්‍රධාන මර්ග අවහිර කරමින් අදත් විරෝධතා.. වාහන ගමනා ගමනය පැය ගණනාවක් ඇණ හිටි..

February 5, 2019 at 6:48 pm | lanka C news
වතුකරයේ කම්කරුවෝ ප්‍රධාන මර්ග අවහිර කරමින් අදත් විරෝධතා..  වාහන ගමනා ගමනය පැය ගණනාවක් ඇණ හිටි..

තම මුලික වැටුප රු 1000 දක්වා වැඩි කරන ලෙස හෝ වැටුප් වැඩි කිරිමේදි අහිමි  කල  රු 140 ක ප්‍රසාද දිමනාව ලබාදෙන ලෙස ඉල්ලා වතු කම්කරුවන් අදත් (05) ස්ථාන කිහිපයක ප්‍රධාන මාර්ග අවහිර කරමින් උද්ඝෝෂනවල නිරත වුහ.

බගවන්තතලාව ප්‍රදේශයේ වතු කම්කරුවන් පිරිසක් හැටන් බගවන්තලාව ප්‍රධාන මාර්ගයේ බගවන්තලාව වත්ත ප්‍රදේශයෙන් අද උදැසන 9 සිට මධ්‍යහන 12 දක්වා පැය තුනක කාලයක් ප්‍රධාන මාර්ගය අවහිර කරමින් උද්ඝෝෂනයක නිරත විම නිසා එම මාර්ගයේ ගමනා ගමන කටයුතු වලට බධා පැමිණ තිබුණි.

තලවකැලේ ලිදුල ප්‍රදේශයේ වතු කම්කරුවන් පිරිසක් ලිදුල නගර මධ්‍යයෙන්   පෙව 11.30 සිට 12 දක්වා විනාඩි 30  කාලයක් හැටන් නුවරඑලිය ප්‍රධාන මාර්ගය හැටන් තලවකැලේ ඩයගම ප්‍රධාන මාර්ගය අවහිර කරමින් උද්ඝෝෂනයක නිරත විය.

මස්කෙලිය කුවින්ස්බෙරි වතුයායේ  වතු කම්කරුවන් පිරිසක් එම වතුයායේ වතු අධිකාරිවරයාගේ නිල නිවස අසල උද්ඝෝෂනයක්ද අද සිදු කලහ.

ප්‍රදේශ රැසකම උද්ඝෝෂනයේ නියැලි සිටි වතු කම්කරුවන් කියා සිටියේ තමන්ට රු 1000 මුලික වැටුපක් හෝ අහිමි වු රු 140 ප්‍රසාද දිමනාව වතු සමාගම් වෙතින්  ලබා දිමට කටයුතු කල යුතු බවයි.

– හැටන් රංජිත් රාජපක්ෂ

128 views