වතු කම්කරුවන්ට දිනකට රුපියල් දහසකට වැඩි වැටුපක් දෙන්න සූදානම් බව වතු හිමියෝ කියති..

January 26, 2020 at 8:02 am | lanka C news
වතු කම්කරුවන්ට දිනකට රුපියල් දහසකට වැඩි වැටුපක් දෙන්න සූදානම් බව වතු හිමියෝ කියති..

ජනාධිපති ගෝඨාභය රාජපක්ෂ මහතා විසින් වතු කම්කරුවෙකුගේ දිනක වැටුප රු දහස දක්වා වැඩි කරන ලෙස වතු සමාගම් වෙතින් කරන ලද ඉල්ලිම අනුව වතු කම්කරුවෙකුට දිනකට රු දහසකට වැඩි වැටුපක් ලබා ගත හැකි යෝජනාවලියක් වතු සමාගම් විසින් රජය වෙත ඉදිරිපත් කර ඇති බව වතු හාම්පුතුන්ගේ සංගමයේ හිටපු සභාපති සහ හේලිව් වැවිලි සමාගමේ කළමණාකාර අධ්‍යක්ෂක අචාර්යය රොෂාන් රාජදොරේ මහතා පැවසිය.

රොෂාන් රාජදොරේ මහතා එ බැව් කියා සිටියේ හේලිස් වැවිලි සමාගම යටතේ පාලනය වන තලවකැලේ , කැලණිවැලි සහ හොරණ වැවිලි සමාගම්ලට අයත් සමාගම් වල හොදම තේ දළු නෙලන්නිය තේරිමේ තරගාවලියක් (25) දින නානුඔය රදැල්ල තේ වතුයායේ දි පැවැත්විමෙන් අනතුරුව මාධ්‍යයට අදහස් දක්වමිණි.

එහිදි වැඩි දුරටත් අදහස් දැක් වු රොෂාන් රාජදොරේ මහතා කියා සිටියේ වසර 150 ක් පැරණි තේ කර්මාන්තයේ වතු කම්කරුන්ට එදා මෙදා ගෙවු දිනක වැටුප ඉවත් කර ඵලදායිතාව මත වතු කම්කරුවන් හට වැටුප් ගෙවන්නේ නම් දිනකට වතු කම්කරුවෙකුට දිනකට රු 1650 කට වැඩි වැටුපක් ලබා  ගැනිමට හැකි බවයි.

ඵලදායිතාව මත සකස් කරන ලද  යෝජනාවලියක් අප සමාගම් විසින් රාජය වෙත ඉදිරිපත් කර ඇති බවද රොෂාන් රාජදොරේ මහතා පැවසිය.

වතු කම්කරුවනගේ වැටුප් වැඩි කිරිම සම්බන්ධයෙන් වු යෝජනාවලියේදි රජය සමගත් වතු වෘත්තිය සමිති සමගත් සාකච්ඡා කරන බවත්, වසර ගණනාවක සිට ලෝක වෙලදපොලේ ශ්‍රි ලංකා තේ සදහා ලැබෙන මුදල අඩුවිමත් නිෂ්පාදන මිල ඉහල යාමත් මත තේ වතු සමාගම් පාඩු ලබන බවයි.

තේ කිලෝවක් නිෂ්පාදනය කිරිමේදි ඉන් වැඩි මුදලක් වැය වන්නේ වතු කම්කරුවන්ගේ වැටුප් සදහා බවයි රොෂාන් රාජදොරේ මහාතා කියා සිටින්නේ.

හොදම තේ දළු නෙලන්නියකට දිනකට විශාල තේ දළු ප්‍රමාණයක් නෙලිය හැකි බවත්, එතුලින් ඔවුන්ගේ ආර්ථික තත්වයද ඉහල යන බවයි රොෂාන් රාජ දොර් මහතා කියා සිටින්නේ.

– හැටන් රංජිත් රාජපක්ෂ

14,492 Viewers

3 Comments to “වතු කම්කරුවන්ට දිනකට රුපියල් දහසකට වැඩි වැටුපක් දෙන්න සූදානම් බව වතු හිමියෝ කියති..”

  1. ලඟාවෙන්න අමාරු ටාගට් දීලා කම්කරුවො රවටන්න යන්නෙ. දිනකට දැනට කඩන දලු ප්‍රමාණය වගේ 4-5ගුණයක ටාගට් එකක් දීල ඒ ගාන කැඩුවොත් මෙච්චර දෙනව කියනව. ඒක ලඟාවෙන්න බැරි ඉලක්කයක්.

  2. Niru says:

    These buggers should take a pay cut as they have done absolutely nothing to prove plantations. No new ideas nor thinking. Shame on private management

Main News