වතු කම්කරු විරෝධතා යලි ඇවිලේ.. වාහන ගමනා ගමනය සම්පුර්ණයෙන්ම නවතී..

January 27, 2019 at 12:40 pm | lanka C news
වතු කම්කරු විරෝධතා යලි ඇවිලේ.. වාහන ගමනා ගමනය සම්පුර්ණයෙන්ම නවතී..

වතු හාම්පුතුන්ගේ සංගමය වතු එකාබද්ධ වෘත්තිය සමිති සහ රජය එක් වි තමන්ට වැඩි කල රු 700 මුලික වැටුප ප්‍රමාණවත් නොවන බව පවසමින් බගවන්තලාව ප්‍රදේශයේ වතු කම්කරුවන් පිරිසක් බගවන්තලාව හැටන් ප්‍රධාන මාර්ගයේ පැය 5 ක කාලයක් අවහිර කරමින් සිදු කල විරෝධතාවයක් හේතුනේ එම මාර්ගයේ ගමනා ගමන කටයුතු සම්පුර්ණයෙන්ම ඇණ හිට තිබින.

හැටන් බගවන්තලාව බලංගොඩ ප්‍රධාන මාර්ගයේ  බගවන්තලාව නගරයට ආසන්නව පිහිටි ප්‍රධාන පාලම සෙවිලි තහඩු යොදා අවහිර කර ප්‍රධාන මාර්ගයේ වාඩි වි අද (27) උදැසන7.30 සිට පස්වරු 12.30 දක්වා පැය පහ පමණ කාලයක් මාර්ගය අවහිර කරමින් සිය විරෝධය දක්වනු ලැබුහ.

විරෝධතාවයේ නියැලි සිටි වතු කම්කරුවන් කියා සිටියේ වතුකරයේ දේශපාලඥයින් තමන්ට රු 1000 ක මුලික වැටුපත් ලබාදෙන බව පවසමින් රු 700 ක මුලික වැටුපක් ලබාදි ඇති බවත්, එම වැටුප් වර්ධකයට මිට ඉහත ගෙවු රු 140 ක දිරි ගැන්විමේ දිමනාව තමන්ට මෙවර ලැබි නොමැති බවයි.

පැය 5 ක පමණ කාලයක් සිය විරෝධය දැක්වු වතු කම්කරුවන් පස්වරු 1 ට පමණ සිය විරෝධය අවසන් කරමින් කියා සිටියේ නව වැටුප් වැඩි කිරිම සම්බන්ධයෙන් දෙපාර්ශවය අතර අත්සන් කිරිමට නියමිත නව අවබෝධතා ගිවිසුම අත්සන් නොකරන ලෙසයි.

මෙම විරෝධතාවය හේතුවෙන් බගවන්තලාව ප්‍රදේශයට අමතර පොලිස් බලඇණි සහ පොලිස් කැරලි මර්ධන ඒකකයද කැදවා තිබුණි.

– හැටන් රංජිත් රාජපක්ෂ

139 views
Main News