වරද ඇත්තේ ගෑස්වලයි.. උපාංගවල නොවේ.. – ලංසාගෙන් හෙලිදරවුවක්…

December 4, 2021 at 6:20 am | lanka C news

ගෑස් පිළිබඳව පැන නැගී ඇති ගැටලුව විසදීමින් ජනතාවට එල්ල වී ඇති පීඩනය නිමා කිරීමට කඩිනම් තීන්දු තීරණ ගැනීමට අතිගරු ජනාධිපතිතුමා අවශ්‍ය පියවර ගෙන ඇති බව ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතා පැවසීය.

රාජ්‍ය අමාත්‍ය නිමල් ලාන්සා මහතා මෙම අදහස් පළ කර සිටියේ (02) ජා – ඇල පැවති උත්සවයකදී මාධ්‍යවේදීන් නැගු ප්‍රශ්නයකට පිලිතුරු ලබා දෙමිනි.

වැඩිදුරටත් අදහස් දැක්වූ රාජ්‍ය අමාත්‍ය නිමල් ලාන්සා මහතා,

“ගෑස් පිළිබඳව ඇති වී තිබෙන ගැටලු පිළිබඳව සොයා බැලීමට එම විෂය සම්බන්ධයෙන් දැනුම ඇති විශේෂඥවරුන් අදාළ පරීක්ෂණ සිදු කරමින් පවතිනවා. අදාළ වාර්තාව කඩිනමින් ලැබෙනු ඇත.

මෙම ගැටලුව පිළිබඳව ඊයේ දින පාර්ලිමේන්තුවේ පැවති සාකච්ජාවේදී අවධානය යොමු වු කරුණු කිහිපයක් පවතිනවා. දැන් පවතින ගෑස් වල සුවදක් නොදැනෙන නිසා ජනතාවට එය හදුනා ගැනීමට හැකි වන පරිදි සුවඳ ඇතුලත් කරන ලෙස මෙහිදී උපදෙස් ලබා දුන්නා.

සංයතිය වෙනස් වීම නිසා පීඩනය වැඩි වෙනවා. ඒ නිසා රෙගුලේටරය ඇතුලු උපාංග වලට හානි සිදුවනවා. ඒ පිළිබදව ගතයුතු ක්‍රියාමාර්ග ගැන සාකච්ජා කිහිපයක් පැවැත්වෙනවා. ඒ සම්බන්ධයෙන් ඉක්මනින් තීන්දුවක් ලැබෙයි කියලා අපි බලාපොරොත්තු වෙනවා.

මෙම සිදුවීමට ගෑස් සමාගම්හි කළමණාකාරිත්වය වගකිව යුතුයි. යම් වෙනසක් සිදු කළා නම් ඒ වෙනස කුමක්ද කියන්න දන්නේ අදාළ පාර්ශවය. ජනතාව පාවිච්චි කරන ගෑස් ලිප්වල, උපාංග වල ප්‍රශ්නයක් කියලා කියන්න බැහැ. ඉතිහාසයේ ඉදන්ම ජනතාව පාවිච්චි කලේ මේ උපාංග.

හැබැයි එදාට වඩා අසාමාන්‍ය ලෙස ගිනි ගැනීම් සිදු වෙනවනම් අනිවාර්යෙන් මේ වෙනස් කිරීම තුළ සිදුවූ ප්‍රතිඑලයක් කියන එක තමා පෞද්ගලික මතය.

මෙම ගෑස් ගැටලුව සඳහා එම ගැස් සමාගම්හි මෙහෙයුම් පද්ධතිය වගකිව යුතුයි. ඒ අය දන්නවා මොකක්ද මේ වුන අඩුපාඩුව කියලා.

අපි ඒ අයගෙන් ඉල්ලා සිටින්නේ වෙනස්කම් සිදු කළ ගෑස් ටැංකි වෙළදපොලට මුදා හැරලා තියෙනවම් නැවත ලබා ගන්න කියන ඉල්ලීම සිදු කරනවා.

අලුතින් නිෂ්පාදනය කරන ගෑස් ටැංකි සදහා අලුතින් ස්ටිකරයක් ගහලා වෙළදපොළට නිකුත් කරලා ජනතාවට තියෙන බය නැති කරන්න ඕනේ. රටේ ජනතාව සිටින බයෙන් නිදහස් කිරීමට කටයුතු කළ යුතු වගේම ඒ සඳහා අවශ්‍ය පියවර ආණ්ඩුව විසින් ගන්නවා.

අපේ ගෙවල් වල පවා ගෑස් එක භාවිතා කරන්නේ ඉතා පරිස්සමෙන්. රටේ අහිංසක ජනතාවත් මේ නිසා බයෙන් ඉන්නේ. ගෑස් සමාගම් මේ ගැටලුවේ වගකීම අරන් මේක නිවැරදි කරන්න අවශ්‍ය පියවර ගත යුතුයි. නැතිනම් මේ ගිනි ගැනීම් වලට හේතුව මොකක්ද කියලා රටට හෙළි කළ යතුයි.

ගෑස් සමාගම් කරපු යම් ක්‍රියාවලියක් නිසා රජය අපහසුතාවයට පත් වෙනවා. ඒ නිසා කරපු ක්‍රියාවලිය වහා නිවැරදි කරන්න කියලා ඒ අයට පැහැදිලිව කියා සිටිනවා.

මේ තාක් ගෑස් සපයද්දි ප්‍රශ්නයක් තිබුනේ නැතිනම්, සභාපති කියනවා සංයුතිය වෙනස් වෙලා තියෙනවා, පීඩනය වැඩි වෙලා තියෙනවා කියලා. එහෙනම් මේක නිවැරදි කරලා ජනතාවගේ බිය සැක නැති කරන්න අවශ්‍ය ක්‍රියාමාර්ග ගත යුතු යැයි” රාජ්‍ය අමාත්‍ය නිමල් ලාන්සා මහතා වැඩිදුරටත් පැවසීය.

– media unit

19,868 views

8 Comments to “වරද ඇත්තේ ගෑස්වලයි.. උපාංගවල නොවේ.. – ලංසාගෙන් හෙලිදරවුවක්…”

  1. Sombre says:

    හාහ් හඃ හාහ් ස ෆේල්

  2. Gamini says:

    knowledge is growing after all the truth been told

  3. COOL says:

    ඔඹ තුමා හරියටම හරි,මෙය 2පාස් කෙනෙකුටත් තේරෙන්න ඕනෑ, බොරු කමිටූ දාගෙන මිනිස්සු මූලා කරනවා.

  4. pissu poosa says:

    අනේ මේ වගේ ගොන් බුරුවෙක්. ඌ හිතන් ඉන්නේ ගැසුත් කුඩු වගේ කියලද කොහෙද. උපාංග වල ප්‍රමිතියක් නැතිකම සහ බාල උපාංග භාවිතා කිරීම නිසා කියල ඔප්පු වෙලා තියෙද්දිත් අනේ මන්ද මේ වගේ ගොන් කතා කියන්නේ ඇයි කියල. ගැස් වල වරදක් තිබ්බනම් හැම ගෙදරකම පුපුරන්න ඕනේ .. ඝමෝම දන්නවා මේ සිලින්දරේ පීඩනය වැඩියි කියල. සංයුතිය වෙනස් උන නිසා. අනික මේ සිලින්ඩරේන් නිකුත් වන ගිනි දැල්ලේ උෂ්ණත්වය වැඩියි. ගැස් බින්දු බින්දු සබන් පෙන දාල බලන පරික්ශ්නෙන් පෙන්නන ගැස් ප්‍රමාණය සාමාන්‍ය වාතාශ්‍රයක් ඇති කුස්සියක් ගිනිගනිමක් කිරීමට ප්‍රමාණවත් නොවේ. අර එකෙක් කිව්වේ PV = nRT වල P කියන්නේ මෞල කියල. ඒවගේ ගොන් හැත්තකින් හෝ සමාජ මාධ්‍ය මෝඩයින් ගෙන් එහෙම අහන්නේ නැතුව දන්නා කෙනෙක් ගෙන් අහන්න පුරුදු වෙන්න

    • සාධාරණ සමාජයක් උදෙසා! says:

      ධාතු සුනඛ pissu pooso,
      සිවේගෙ පුතෝ, හැම කෙනෙක්ම භෞතික විද්‍යාව, රසායන විද්‍යාව කරලා තියෙන්වද? මානව සංහතියටම නිගා කරන්න ඵපා. කුස ගින්දරට ලුණුයි බතුයි කාල ජීවත් වෙන මිනිස්සුන්ට ඒකත් දැන් මර බියක්. මේ මොන කරැමයක්ද? මේ රට දියුණු වෙන්න ඕන නැති ද ධාතු සුනඛයෝ?

  5. Wahama obalage pandam harak. Sabapathi ethulu elawa nodanne eyi. Gathamana nisa neda minissu marana pawkara anduwata sapawewa

  6. Saleem says:

    බේබද්දන් කමිටුවල සභාපතිවරුන් වන හා හිරෙන් පිටතට ගත් මිනිමරුවන් සංස්ථාවල සභාපතිවරුන් වන ගෝඨා රජයෙ කුඩු කාරයන් සයන්ටිස්ට්ලා වෙති

  7. Kamala says:

    Thank you for intervening in this crucial issue. Best solution is to withdraw the said cylinders with altered gas composition and replace with the safest and approved quality as you have adviced, too.

Main News