වර්තමාන දුෂ්ඨයන් බුදුදහම ගර්හාවට, පීඩනයට ලක් කරමින් සිටිනවා..- මහින්ද

April 28, 2018 at 8:02 am | lanka C news
වර්තමාන දුෂ්ඨයන් බුදුදහම ගර්හාවට, පීඩනයට ලක් කරමින් සිටිනවා..- මහින්ද

මේ වකවානුවේ බෞද්ධ අධ්‍යාපනය රැක ගැනීමට උද්ඝෝෂණ පවා අපට දැකගත හැකි යයි හිටපු ජනාධිපති මහින්ද රාජපක්‍ෂ මහතා පවසයි.

වෙසක් දින පණිවුඩයක් නිකුත් කරමින් ඒ මහතා මේ බව කියා සිටී.

ඔහු විසින් නිකුත් කර ඇති සම්පූර්ණ නිවේදනය මෙසේය.

සම්මා සම්බුදුරජාණන් වහන්සේගේ උප්පත්තිය,  සම්බුද්ධත්වය හා  පරිනිර්වාණය යන තෙමගුල සනිටුහන් කිරීම

වෙසක් දිනය ලොවපුරා බෞද්ධ ජනතාවගේ උතුම්ම දිනයයි. ඒ, මිනිසා විඳින සසර දුකෙන් මිදෙන ඒකායන මාර්ගය පෙන්වා වදාළ අප මහා සම්මා සම්බුදුරජාණන් වහන්සේගේ උප්පත්තිය,  සම්බුද්ධත්වය හා පරිනිර්වාණය යන තෙමගුල සිදුවූ දිනය වන හෙයිනි. අපගේ ඓතිහාසික මූලාශ්‍ර වල කියවෙන පරිදි, මේ පුංචි දිවයින උන්වහන්සේගේ පා පහසින් ආශීර්වාද ලබන්නට තෙවරක්ම වාසනාවන්ත වූ අතර, ලාංකේය සංස්කෘතියේ පදනම, ශක්තිය, ජීවනාලිය වන්නේ බුදුදහමයි. අතීතයේ සිටම අප රටත් ජනතාවත් නොයෙකුත් අභියෝගයන්ට, දුෂ්කරතාවයන්ට, මුහුණ දුන්නද ඒවා හමුවේ නොසැලී සිටීමට හා  ජයග්‍රහණ ලැබීමට බුදු දහමේ ආභාශයෙන් අප ලත් ශක්තිය හේතු වූ බව නොරහසකි.

පිරිසිදු  ථෙරවාද බුදුදහම පවතින රටක් ලෙස පැවතීමට අපගේ මේ පින්බර දිවයින වාසනාවන්තය. එසේ වුවද, වර්තමානයේ දුෂ්ඨ බලවේග අතින් පෙර නොවූ විරූ අන්දමින් ශතවර්ෂ ගණනාවක් මුලුල්ලේ මේ රටේ බුදුදහම රැකගෙන ආ මහා සංඝරත්නය  අභියෝගයට, ගර්හාවට, පීඩනයට ලක්වෙමින් සිටින බවක් පෙනෙන්නට තිබීම ගැන අපි කණගාටු වෙමු. මේ වකවානුවේ බෞද්ධ අධ්‍යාපනය රැක ගැනීමට උද්ඝෝෂණ පවා අපට දැකගත හැක. මේ රටේ ඉතිහාසය පුරාම මෙවන් අභියෝභ ජයගත් ආකාරයට මේ රටේ බෞද්ධයන් හා මහා සංඝරත්නය මේ අභියෝගද ජයගනු ඇත.

විද්‍යාවේ දියුණුවත් සමග බොහෝ ඉගැන්වීම් අභියෝගයට ලක්වන නමුදු බුදු දහමේ ඇති විශේෂත්වය වන්නේ විද්‍යාවේ දියුණුවත් සමග එය තව තවත් තහවුරු වීමය. සසර දුකෙන් එතෙර වන්නේ කෙසේද යන්න පමණක් නොව එතෙක් යහපත් මිනිසෙකු ලෙස ජීවත් වන්නේ කෙසේද යන්න පිලිබදව ද බුද්ධ ධර්මය අපට මග පෙන්වා දී ඇත.

ශ්‍රී ලංකාවාසී ඔබ සියලු දෙනාටත් අපගේ මාතෘ භූමියටත් තෙරුවන් සරණයි. !

 මහින්ද රාජපක්ෂ
ශ්‍රී ලංකාවේ හිටපු ජනාධිපති.

179 views

20 Comments to “වර්තමාන දුෂ්ඨයන් බුදුදහම ගර්හාවට, පීඩනයට ලක් කරමින් සිටිනවා..- මහින්ද”

  1. Love nature says:

    අපට ලැබී තිබෙන සම්පත් හා මිනිසත් බවේ උතුම් බව අප තේරුම් ගත යුතුය.

    පාවහනක් නොමැතිව මා ලතවන කලට
    පාදෙක නොමැති මිනිසකු හමුවුනා මට

    අපට යථාර්ථය වටහා ගැනීමට නම් ලෝකයේ සැබෑ ස්වරූපයට මුහුණ දීමට නම් එය හොඳටම ප්‍රමාණවත් වනවා.

  2. don says:

    During the sarath fonseka trial, Who tried to separate malwatta chapter…? If MR is a real Buddhist, he should obey the buddhist monk’s instruction’s during the time with power and without power. Not because of he doesn’t have a power and trying to get mercy from people and Buddhist monks..because he has showed to the country about his attitude..

  3. Upali says:

    මොන විවාද තිබුනත් අපි සැමට විවාද කිරීමට හෝ සාමයෙන් කතා කිරීමට හෝ වේදිකාව සාදා දුන්නේ මහින්ද නම් විර වරයාය. ඔහු කල වැඩ වල වැරදි විවේචනය අරන්න. එයට කම් නැත.එතුමාද වැඩ කරන විට සිදුවූ වැරදි පිලිගනු එත. එහෙත් ඔබ මා ඇතුලු මුලු රට බේරාගත් ඒ නායකයාට සදාකාලිකව ගරු කරන්න.