වරායේ සිරවූ බහාලුම් නිදහස් කරන්නැයි අගමැතිගෙන් නියෝග….

September 24, 2021 at 4:40 pm | lanka C news
වරායේ සිරවූ බහාලුම් නිදහස් කරන්නැයි අගමැතිගෙන් නියෝග….

වරාය තුළ සිරවී ඇති අත්‍යවශ්‍ය ආහාර ද්‍රව්‍ය තොග වහාම නිදහස් කරන්නැයි අග්‍රාමාත්‍ය මහින්ද රාජපක්ෂ මහතා අද (24) දින “සූම්” ඔස්සේ රැස්වූ ජීවන වියදම් පිළිබඳ අමාත්‍ය මණ්ඩල අනුකාරක සභා රැස්වීමේ දී නියෝග කළේය.

රටේ මහජනතාවගේ ජීවන වියදම් පිළිබඳව අවධානය යොමු කරමින් අග්‍රාමාත්‍යතුමා ආනයන අපනයන පාලක ජනරාල්වරියට සහ රේගු අධ්‍යක්ෂ ජනරාල්වරයාට අරලියගහ මන්දිරයේ සිට මෙම නියෝගය ලබා දුන්නේය.

මෙහි දී අදහස් පළ කළ මුදල් අමාත්‍ය බැසිල් රාජපක්ෂ මහතා, එසේ නිදහස්වන අත්‍යවශ්‍ය ආහාර ද්‍රව්‍ය කඩිනමින් සතොස සහ අත්‍යවශ්‍ය ආහාර ආනයනකරුවන් හරහා ජනතාවට බෙදාහැරීමට කටයුතු කරන්නැයි වෙළඳ අමාත්‍ය ආචාර්ය බන්දුල ගුණවර්ධන මහතාට දැනුම් දුන්නේය.

සහල් ඇතුළු අත්‍යවශ්‍ය ආහාර ද්‍රව්‍ය හිඟයකින් තොරව වෙළඳපොළට නිකුත්කිරීමේ වගකීම වෙළඳ අමාත්‍යාංශයේ සහ කෘෂිකර්ම නිලධාරින් විසින් දැරිය යුතු බවට ද මෙහි දී අවධාරණය කෙරිණි.

පාරිභෝගික කටයුතු පිළිබඳ අධිකාරියේ විධායක අධ්‍යක්ෂවරයා ඉල්ලා අස්වෙමින් කළ චෝදනා සම්බන්ධයෙන් පරීක්ෂණයක් පවත්වන ලෙස තමන් කර ඇති පැමිණිල්ල කඩිනමින් විභාග කරන්නැයි වෙළඳ අමාත්‍ය බන්දුල ගුණවර්ධන මහතා මෙහි දී අග්‍රාමාත්‍යතුමාගෙන් ඉල්ලීමක් කළේය.

ඒ අනුව අදාළ පරීක්ෂණය කඩිනම් කරන්නැයි අග්‍රාමාත්‍යතුමා ඒ මොහොතේදීම පොලිස්පතිවරයාට දුරකථන ඔස්සේ දැනුම් දුන්නේය.

දේශීය බඩ ඉරිඟු ඵලදාව ලැබෙනතුරු දැනට පවතින ක්‍රමවේදයට විදේශීය වෙළඳ පොළෙන් තවදුරටත් බඩ ඉරිඟු ඇතුළු සත්ත්ව ආහාර අමුද්‍රව්‍ය ලබා ගැනීමට රාජ්‍ය අමාත්‍ය ඩී.බී හේරත් මහතා කළ ඉල්ලීමට ද මෙහි දී අනුමැතිය හිමිවිය.

– රොහාන් වැලිවිට

30,324 views

15 Comments to “වරායේ සිරවූ බහාලුම් නිදහස් කරන්නැයි අගමැතිගෙන් නියෝග….”

  1. NDF says:

    පාරිභෝගික කටයුතු පිළිබඳ අධිකාරියේ විධායක අධ්‍යක්ෂවරයා ඉල්ලා අස්වෙමින් කළ චෝදනා සම්බන්ධයෙන් පරීක්ෂණයක්! උගත් බුද්ධිමත් මිනිසෙක් කවදාවත් අභූත චෝදනා කරන්නේ නෑ. නමුත් බන්ධුලට මින් ගැලවෙන්න හැකි බලය ශක්තිය තියෙන් නිසා අභියෝග කරනවා. අපේ රටේ පුරවැසියන්ට සාධාරණත්වය ඉටු කරන්න මං එනවා. සබ.ජාසංපෙ. (මෙ පළ නොකලත් රණවාරණ මාව දන්නවා. BSc Physics)

  2. Nadaal says:

    He must be joking. Customs has nothing to do with this except in few instances. Problem is lack of dollars in the banks and not getting documents endorsed to proceed to get the entries passed.

  3. 3% ට බය බයියා. says:

    හරියට විපක්ෂයේ කට්ටිය බලහත්කාරයෙන් රදවා ගෙන හිටියා වගේ .

Main News