වරාය සේවකයින්ට හමුදාව ලවා පහර දුන්නේ හමුදාව කෙරෙහි සිවිල් සමාජයේ වෛරයක් ඇති කරවන්නයි..

December 12, 2016 at 8:02 am | lanka C news
වරාය සේවකයින්ට හමුදාව ලවා පහර දුන්නේ හමුදාව කෙරෙහි සිවිල් සමාජයේ වෛරයක් ඇති කරවන්නයි..

වරාය සේවකයින්ට නාවික හමුදාව විසින් එල්ල කරන ලද ප‍්‍රහාරය හමුදාව සහ සිවිල් සමාජය අතර පවතින බැදීම  බිද දමා හමුදාව කෙරෙහි සමාජ වෛරයක් ඇති කරවීමට බව ශ‍්‍රී ලංකා පොදුජන පෙරමුණ පවසයි.

මේ බව සදහන් කරමින් එම පක්‍ෂය විසින් නිකුත් කර ඇති නිවේදනය මෙසේය.

වරාය සේවකයින්ට එල්ල කල ප්‍රහාරය දැඩි පිලිකුලෙන් යුතුව හෙළාදකිමු

හම්බන්තොට වරාය විකුණා දැමීමට විරෝධය පල කරමින් වරාය සේවකයින් විසින් ක්‍රියාත්මක කල විරෝධතා ව්‍යාපාරයට එල්ල කල ප්‍රහාරය ශ්‍රී ලංකා පොදුජන පෙරමුණ දැඩි පිළිකුලෙන් යුතුව හෙලාදකී.

උද්ඝෝෂකයන් ඉල්ලා සිටියේ සිය රැකියාවේ සුරක්ෂිතභාවයයි එය අතිශය සධාරණ මානුෂීය ඉල්ලීමකි නමුත් මෙකි යුක්ති සහගත වෘතීය අරගලයට ආණ්ඩුව දැක්වුයේ අමානුෂික ප්‍රතිචාරයකි. සිය අයිතීන් දිනා ගැනීම උදෙසා ගොනු වන මහජනයා එලව එලවා පහර දී පන්නා දැමීම ආණ්ඩුවේ සම්මත ප්‍රතිචාරය බවට පත්ව තිබේ. හම්බන්තොට වරාය පරිශ්‍රයේදී සිදු වුයේ ඊටත් වඩා බරපතල තත්වයකි. නිරායුධ වරාය සේවකයින් අභියසට ක්ෂණයකින් ආයුධ සන්නද්ධ නාවික හමුදා භට පිරිසක් කැදවා තිබුණි. සිද්දිය වාර්තා කිරීමට පැමිණි මාධ්‍ය වේදීන් ඇතුළු පිරිසකට නාවික හමුදාපතිවරයා විසින් පහර දුන් ආකාරය මුළු රටම දුටුවේය. ඒ අතර තුර වෙඩි ප්‍රහාර කිහිපයක්ද එල්ල විය නිරායුධ සිවිල් උද්ගෝෂණයක් විසුරුවා හරිම සදහා ආණ්ඩුව විසින් ගත් මෙම සන්නද්ධ උත්සාහය කිසිසේත්ම යුක්ති සහගත නැත.

ආණ්ඩුව මේ උත්සහ දරන්නේ හමුදාව සහ සිවිල් සමාජය අතර පවතින බැදීම බිද දමා හමුදාව කෙරෙහි සමාජ වෛරයක් ඇති කිරීම තුලින් ආණ්ඩුවේ රණවිරු දඩයම් ව්‍යාපෘතිය සාධාරණීකරණය කර ගැනීමට දැයි මෙහිදී සාධාරණ සැකයක් මතු වෙයි. කෙසේ වෙතත් හම්බන්තොට වරාය සේවක උද්ඝෝෂණය හමුවේ ආණ්ඩුව කටයුතු කර ඇත්තේ ප්‍රජාතන්ත්‍ර විරෝධී, නීති විරෝධී සහ සදාචාර විරෝධී ආකාරයටයි.

ආණ්ඩුව විසින්ම ආණ්ඩුව හදුන්වා දීමට භාවිත කරන යහපාලන සංකල්පයටද ආණ්ඩුවේ මේ විකෘති හැසිරීම නොගැලපෙන බව අවධාරණය කල යුතුය.

මහින්ද රාජපක්ෂ ආණ්ඩුවේ අනාගත වාදී සංවර්ධන වැඩපිළිවෙල විසින් ජාතියට තෑගී කල හම්බන්තොට වරාය රටට අවාසි ලෙස විකුණා දැමීම නතර කරන ලෙසත් එහි සේවක හඩට කන් දෙන ලෙසත් අපි ආණ්ඩුවට බල කර සිටිමු.

මෙයට
මහාචාර්ය ජී.එල් පීරිස්
සභාපති
ශ්‍රී ලංකා පොදුජන පෙරමුණ

උපදෙස් පරිදි

සංජීව එදිරිමාන්න
මාධ්‍ය ප්‍රකාශක
ශ්‍රී ලංකා පොදුජන පෙරමුණ

 

4,597 Viewers

3 Comments to “වරාය සේවකයින්ට හමුදාව ලවා පහර දුන්නේ හමුදාව කෙරෙහි සිවිල් සමාජයේ වෛරයක් ඇති කරවන්නයි..”

  1. weediy banddara says:

    සියලු දෙනා මෙය කියවා නිවැරදි තිරනයකට එන මෙන්ම මා අායාචය කරමි මට පෙන විදිහට මෙි නාවුකහමුදාධිපති තුමා ගැනත් හමුදාවක් කියන ඒකේ තේරැමත් මෙි විවෙචන කරන හැම දෙනාම දන්නෙ නැහැ,
    මෙතුමා රටට ජාතියට අාදරය කල අදත් කරන නිලධාරියෙක් ඉන්දියානු සාමහමුදාව සමග කොටිසංවිධානය ඒකතුච ත්‍රිකුනාමලය නගරයේ සිවිල්‍ වැසියන් සමුලගාතනය කරනවිට මෙතුමා ඒදා රජයෙන් ඔහුට කුමක් කරාවිද හෝ ඔහුගේ ජිවිතය ගැන හෝ දෙවරක් නොසිතා සිවිල් වැසියන්ගේ ජිවිත බෙරාගැනිමට ඉදිරිපත්විය. විජේගුනරත්න යන නම හා බැදුන ඒස් බි ඒස් බලකායේ නම අැසු පමනින් තොටි සංවිධානයේ සිටි පුද්ගලයන් අදත් වෙවුලයි. ඔහු කලදෙය මා හොඔබ එතන සිටියත් කිරනු නොඅනුමානය. ඔහු වැරදිනමි කොබිබැකඩුව කමල්ගුනරත්න ෂවෙන්ද්‍රසිල්වා පමනක් නොව ගොටභය රාජපක්ෂ ජනපති මහින්දරාජපක්ෂ වැනිජාතික විරයන් ද වැරදියයි ඔබ හෙට කියාවි
    ISPS IMO ISM යනු ජාත්‍යන්තර අායතන හා නිතිරිය සමග අප බැදි සිටින බැවින් අප රටෙි වරායවල් වලට වෙලද නැවි පැමිනේ නමුත් මෙම අායතන විසින් අප ප්‍රතික්ශෙප කලහොත් එදාට අපේරටෙි වරායවල් නැවි නැතිව වෙිලේවි. රටෙි ද්පල විකුනාදැමිම අපරාදයක නමුත් මෙය වැලැක්විම වෙනුවට දුරදිග නොබල රටෙි ජිවනාලිය විනාශ තිරිම බරපතල වරදක් රටට වසරකට ඩොලර් බලියනයක පමන විදේශ විනිමය ගෙනෙන නාවිකයන්ගේ රැකියා අවධානමක හෙලිමයි..
    සමහර පත්තර වාර්තාකරැවන් සිතන්නෙ ඔවින් කරන කියන සියලු දේ හරි බවයි. එදා බොරැව වපුරා මහින්ද රාපක්ෂ ජනපති තුමන් එලවිමට ක්‍රියාකලේ මෙවැනි පුදගලයන්ය. එක්තරා ඊ පුවත්පතක එයාලංකා යානයකට ලැමිබොගිනි රතයක් පටවා අැති අයුරැ පවා වාර්ථා කර මිනිසුන් නොමග යැවිය. අද එ් යානය හො ලැමිබො ගිනි.කෝ.
    මහත්වරැනි කරැනාකර මෙි වරාය ගනුදෙනුව නමි ජාතකි අපරාධය රටට නිවාරදිව හෙලිකරන්න මෙයට අත්සන්කල අපරාධකරැවන්ගෙ ජායාරැප රටටට හෙලිකරන්න. අද කොහෙවත් නැති රවින්ද්‍ර විජේගුනරත්න මහතාට දිගට හරහට ඔබලා අසික්කිත ලෙස පහරදෙන අතරතුර රනිල් රවි මලික් රටෙ දෙපල ඔබෙ මගේ දෙපල අමුඅමුවෙි මංකොලයක යෙද්. මෙි වාර්තාකරැ කලේ රනිල්ගේ කොන්ත්‍රාත්තුවක්ද?

  2. S shantha says:

    Leave out the incident. Consider the behaviour of so called navy chief. If he wants to do something, he could have got it done by a junior official without insulting the position he hold.
    Even an OIC of a small police station wouldn’t behave like this.

    Pity we now have DIG and navy cheap in the same boat.
    Who is next? ???

  3. ExUNPer says:

    Dear all patriotic people,
    “වරාය සේවකයින්ට නාවික හමුදාව විසින් එල්ල කරන ලද ප‍්‍රහාරය හමුදාව සහ සිවිල් සමාජය අතර පවතින බැදීම බිද දමා හමුදාව කෙරෙහි සමාජ වෛරයක් ඇති කරවීමට බව ශ‍්‍රී ලංකා පොදුජන පෙරමුණ පවසයි.”
    This is true. Never break our close ties with the forces who saved our country.
    Pass this message to everyone.

Main News