වවුනියාව නගරය වසා දමයි..

January 12, 2021 at 3:40 pm | lanka C news
වවුනියාව නගරය වසා දමයි..

කොවිඩ් -19 වයිරසය සීග්‍රෙයන් ව්‍යාප්ත වීම හේතුවෙන් දින 12ක කාලයක් වවුනියාව නගර සීමාව හුදකලා කර තිබීමට පියවරගත් බව වවුනියාව දිස්ත්‍රික් ලේකම් එස්.එම් සමන් බන්දුලසේන මහතා පැවසීය.

වවුනියාව කොවිඩ් 19 වයිරස අවදානම් තත්වය හේතුවෙන් අද (12) වව්නියාව දිස්ත්‍රීක් ලේකම් කාර් යාලයේදී පැවති විශේෂ සාකච්ඡාවකින් අනතුරුව වවුනියාව නගරය හුදකලා කිරීමට මෙම තීරණය ගෙන ඇති බවටද දිසාපතිවරයා පැවසීය.

පට්ටානිචූර් ඇතුලු වවුනියාව නගරයේ ව්‍යාපාරික ස්ථානයන්හි පුද්ගලයින්ගෙන් සිදුකළ පී.සී.ආර් පරීක්ෂණයන්ගෙන් ආසාදිත පුද්ගලයින් 129 දෙනකු අද (12) උදෑසන වන විට හඳුනාගෙන ඇතැයි ද දිසාපති සමන් බන්ධුලසේන මහතා වැඩි දුරටත් පැවසීය.

ඒ අනුව වවුනියාව මුණ්ඩිමුරුප්පුව යුද හමුදා කඳවුර අසල සිට තාන්ඩිකුලම දක්වාත් , මාමඩුව මංසන්ධියේ සිට නෙළුක්කුම මංසන්ධිය දක්වාත් නගර සීමාව හුදකලා කිරීමට පියවර ගෙන ඇත.

මේ අනුව දින 12 කාලයක් ගතවනතුරු වවුනියාව නගරයේ සියළු කඩසාප්පු හා බැංකු වසාදමන බවත් වවුනියාව නගරයට ඇතුළුවිය හැක්කේ රෝහල සඳහා පැමිණෙන රෝගීන්ට , රජයේ සේවකයින්ට හා අත්‍යවශ්‍ය සේවා සඳහා පැමිණෙන පුද්ගලයින්ට පමණක් බවත් අනවසරයෙන් නගරයට ඇතුළුවන පිරිස් වෙත නිරෝධායන නීතිය ක්‍රියාත්මක කරන බවද වව්නියාව පොලීසිය පැවසීය.

අත්‍යවශ්‍ය සේවාවන් සඳහා රාජය ආයතන සඳහා පැමිණිය යුතු අයෙක්වේ නම් ග්‍රාම නිලධාරීවරයා දැනුවත් කර ඒ සඳහා විශේෂ අවසරයක් ලබාගෙන පැමිණිය යුතු බවත් ලබන 24 සිට සුපුරුදු පරිදි වවුනියාව නගරය විවෘත කිරීමට තිරණය කොට ඇත.

– වන්නි රොමේෂ් මධුෂංඛ

9,101 views
Main News