වසර 30 යුද හමුදාව සතුව තිබූ යාපනේ මයිලඩි ඉඩම් මුදා හරී..

September 7, 2018 at 8:02 am | lanka C news
වසර 30 යුද හමුදාව සතුව තිබූ යාපනේ මයිලඩි ඉඩම් මුදා හරී..

යුද්දය හේතුවෙන් වසර 30 ක් පුරාවට ආරක්ෂක අංශ භාරයේ පැවති යාපනය මයිලඩ්ඩි උතුර ග්‍රාම සේවා වසමට අයත් ප්‍රදේශයන්හි ඉඩම් අක්කර 4යි පර්චස් 44 ක භූමි ප්‍රමාණයක් (06) මුල් අයිතිකරුවන් වෙතට භාර දීම සිදු විය.

යාපනය ආරක්ෂක සේනා ආඥාපති මේජර් ජෙනරල් දර්ශන හෙට්ටිආරච්චි මහතාගේ ප්‍රධානත්වයේ ඉඩම් මුල් අයිතිකරුවන් වෙතට භාර දීම සඳහා යාපනය දිසාපති නාගලිංගම් වේදනායගම් මහතා වෙතට භාර දීම සිදු විය.

මේ අනුව මයිලඩ්ඩි උතුර ග්‍රාමසේවා වසමට අයත් අක්කර 2 පර්චස් 75 ක් භූමි ප්‍රදේශයේ පිහිටි මයිලඩ්ඩි කලෙයිමගල් මහවිද්‍යාලය සහ කුරුම්බ සෙඩ්ඩි ග්‍රාමසේවා වසමට අයත් සමූපකාර ගොඩනැගිල්ල සහ ප්‍රජාශාලාව මෙන්ම එය ඇතුලත් පර්චස් 80 ක භූමි ප්‍රමාණයක්ද අනෙයිකොට්ටේ ප්‍රදේශයේ පිහිටි අක්කර 1 යි පර්චස් 19 ක් භූමි ප්‍රමාණයක්ද නිදහස් කිරීම අද උදෑසන සිදු විය .

යුද්දය හේතුවෙන් ආරක්ෂක පියවරක් වශයෙන් අදාල ඉඩම් අධිආරක්ෂිත කලාපයතක් වශයෙන් වසර 30 ක කාලයක් පැවති අතර යුද්දය නිමාවීමෙන් පසුව එම ප්‍රදේශයන්හි බිම්බෝම්බ ඉවත් කිරීමෙන් පසුව අදාල ඉඩම් මුල් අයිතිකරුවන් වෙතට භාරදීම එසේ සිදු විය.

ඉඩම් මුල් අයිතිකරුවන් වෙතට ලබා දීමේ අවස්ථාවට යාපනය  දිසාපති නාගලිංගම් වේදනායගම් , ප්‍රධාන මාණ්ඩලික නිලධාරී බ්‍රිගේඩියර්  රසික කරුණාතිලක , උතුරු පලාත් අධ්‍යාපන අධ්‍යක්ෂක උදයකුමාර්,  තෙලිප්පලෙයි ප්‍රාදේශීය ලේකම් එස්.සිවාශ්‍රී ඇතුලු තවත් යුද හමුදා නිලධාරීන් පිරිසක් සහ මුල් ඉඩම් අයිති සාමාන්‍ය වැසියන් පිරිසක්ද සහභාගී වී සිටියහ.

– වන්නි රොමේෂ් මධුෂංඛ

92 views
Main News