ව්‍යවස්ථාව වෙනස් කර රට කෑලිවලට කඩන්න ආණ්ඩුව සැරසෙනවා..- මහින්ද

June 23, 2019 at 6:23 am | lanka C news
ව්‍යවස්ථාව වෙනස් කර රට කෑලිවලට කඩන්න ආණ්ඩුව සැරසෙනවා..- මහින්ද

‘ව්‍යවස්ථාව වෙනස් කර රට කෑලිවලට කැඩීමට ආණ්ඩුව සැරසෙනවා. භූමියේ අයිතිය පිළිබඳව අපට ප්‍රශ්නයක් තියෙනවා. ආණ්ඩුව ගිවිසුමක් අත්සන් කරන්න යනවා ත්‍රිකුණාමළයේ සිට කොළඹ දක්වා ආර්ථීක කොරිඩෝවක් හදන්න. ලංකාවේ ඉඩම් බැංකුවකට ගෙන ඕනෑම කෙනෙකුට දීමට අයිතිය ආණ්ඩුව ගන්න හදනවා’ දින 51 කට අපි ආණ්ඩුව ලබාගත් නිසා මෙම ගිවිසුම් අත්සන් කිරීමට නොහැකි වූ බවත් දැන් ඒ සඳහා යළි සැරෙසෙනවා යැයි විපක්‍ෂ නායක මහින්ද රාජපක්‍ෂ මහතා පවසයි.

මහින්ද රාජපක්‍ෂ මහතා ඒ බව පැවසුවේ සණස ව්‍යාපාරයේ දිස්ත්‍රික් නියෝජිත හමුව අමතමිනි. මෙම හමුව කෑගල්ල සණස ශ්‍රවනාගාරයේදී පැවැත්විනි.

‘අපි දින 51 ආණ්ඩුව තුළත් මේ රටේ ජනතාවට පොහොර සහනාධාරය ලබාදීමට යළි කටයුතු කළා. ඒ වගේම මිල සූත්‍රයට අනුව හැමදාම ඉහල ගිය ‍තෙල් මිල අඩුකළා. තවත් සහන රාශියක් ලබාදීමට කටයුතු කරගෙන යනවිට අපට උසාවියෙන් තහනම් නියෝග ලැබුණේ.

අන්තවාදී ත්‍රස්තවාදීන්ගේ බෝම්බ ප්‍රහාරය එල්ල වෙලා ඊයෙට මාස 02යි. රටේ කඩාවැටෙමින් තිබූ ආර්ථීකය මෙම ප්‍රහාරයත් සමඟ බිමටම සමතලා වුණා. ඒ සිදුවීමෙන් සියලු ජාතීන් බියට පත්වුණා. ජීවිත විශාල ප්‍රමාණයක් රටට අහිමි වුණා. ජීවත් වීමේ මානව අයිතිය අපෙන් උදුරා ගත්තා. ආගම ඇදහීමට තිබෙන අයිතිය අපෙන් උදුරා ගත්තා. කතෝලික පල්ලියේ යාඥාකරමින් සිටි පිරිසගේ ජීවිත උදුරාගත්තා. අද පන්සලට පල්ලියට යන්න බයයි.

මෙම සිදුවීමත් සමඟ ලංකාවේ තිබුණ ව්‍යාපාර කඩා වැටිලා. ඔවුන්ගේ දේපල බැංකුවලට අයිතිකරගන්න යනවා. අපි රජයට කිව්වා මෙම ව්‍යාපාරිකයන්ට සහන ලබාදෙන්න කියලා. අද පාරේ යනකොට තිබෙනවා විශාල ව්‍යාපාර, බිල්ඩින් විකිණීමට හෝ දීර්ඝකාලීනව බදුදීමට තිබේ කියලා.

අද උතුරු නැගෙනහිර වෙනත් ජාතියකට පදිංචිය වීමට ඉඩ නැතත් කොළඹ නගරයේ ඕනෑම ජාතිකයෙකුට ජීවත් වීමේ හැකියාව තිබෙනවා.

මෙම බෝම්බ ප්‍රහාරයත් සමඟ සෑම ජාතියකටම එකම නීතියක් අවශ්‍ය බවට කතිකාවක් ඇතිවෙලා. මෙම පොලොවේ ඕනෑම ප්‍රදේශයක සෑම ජාතියකටම ජීවත්වීමේ අයිතිය තිබිය යුතුයි’

රොහාන් වැලිවිට
මාධ්‍ය ලේකම්

10,543 Viewers

3 Comments to “ව්‍යවස්ථාව වෙනස් කර රට කෑලිවලට කඩන්න ආණ්ඩුව සැරසෙනවා..- මහින්ද”

  1. සීගිරි says:

    මේ යටත් විජිත රාජ්‍යයේ කඩා වැටීම චමත්කාරජනකයි !!!!!!
    යටත් විජිතයේ මහජන නියෝජිතයන් යයි කියා ගන්නා උදවියද,එහි පොලිස් ලොක්කන්ද,හමුදා ලොක්කන්ද ,උසස් නිළධාරින්ද ලෝකය ඉදිරියේ විහිලුවක් බවට පත් වෙමින් තිබේ.
    අර්බුදය පවතින්නේ බටහර විසින් ස්ථාපිත කර ඇති මේ නව යටත් විජිත රාජ්‍යය ව්‍යූහය හා යාන්ත්‍රණය තුලයි.එය කිසිසේත්ම ජනතාවගේ රාජයක් නොවේ.මේ රාජ්‍යය බටහිර බලවේග වලින් මෙහෙයවෙන, හොරැන් දූෂිතයන් කෙෙරාටිකයන්, කූඨ ව්‍යාපාරික හවුල් එකට එක්ව බලය හොබවන ජනතා විනාශකාරී එකකි.
    විසදුම එය පෙරලා දමා ජනතාව අතට බලය ලැබෙන ජනතාවගේ රාජ්‍යයකි !!!!!

  2. Sun says:

    These are the hidden agreement between the countries without revealing the content. That is the nature of the Western system and our brainless leaders cannot trace the unethical bond creating injustice for all. That is why we always argue with the leaders with low vicinity of politics to stay away from politics. They ruin the countries with these unethical bonds . They always want to play the hide and seek game covering the content. This brainless politicians have their own ideology but not for the country and everybody my dear friends.

  3. සිංහල බන්ඩා says:

    මහින්ද මොනවද මේ කියන්නේ? රනිල් තුමා කියන්නෙ දුටුගැමුනු රජතුමාටත් ඇවිත් එයාගෙන් සංවර්ධනය කරන හැටි ඉගන ගන්නලු

Main News