වැලිකඩ බසයට නගින්න මොහොතකට පෙර ජයන්ත ලේ රත්වෙන කතාවක් කියා දිවුරයි..

September 29, 2016 at 10:40 am | lanka C news
වැලිකඩ බසයට නගින්න මොහොතකට පෙර ජයන්ත ලේ රත්වෙන කතාවක් කියා දිවුරයි..

අපව සිරගත කරාවි, අපේ ජීවිත පවා බිල්ලට ගනීවි නමුත් මේ රට පාවාදීමට එරෙහිව අපි දිවිහිමියෙන් සටන් වදිනවා
– ජානිපෙ නියොජ්‍ය නායක, ජයන්ත සමරවීර

තමන් සිරගත කරනු ලැබූවත්, අවසන ජීවිතය බිලිගනු ලැබූවත් මාතෘභූමිය බටහිරට සහ ඉන්දියාවට යටත් කිරීමට එරෙහිව සටන් වැදීම අත් නොහරින බව ජාතික නිදහස් පෙරමුණේ නියෝජ්‍ය නායක, පාර්ලිමේන්තු මන්ත්‍රී ජයන්ත සමරවීර මහතා අවධාරණය කළේය.

පොලිස් මූල්‍ය අපාරාධ කොට්ඨාසය විසින් ඊයේ (28) අත් අඩංගුවට ගැනීමට පෙර මාධ්‍ය වෙත විශේෂ ප්‍රකාශයක් සිදු කරමින් ජයන්ත සමරවීර මහතා මෙසේ අවධාරණය කළේය.

එහිදී සමරවීර මහතා සිදුකළ විශේෂ ප්‍රකාශය පහත් දැක්වේ.

”ඔබ දන්නවා, මේ යහපාලන ආණ්ඩුව අපේ රට බටහිරටත් ඉන්දියාවටත් පාවා දෙමින් තිබෙන බව එහි එක් පියවරක් වන ශ්‍රී ලංකාවේ සේවා ආර්ථිකය ඉන්දියාවට මුළුමනින්ම පාවා දෙන ETCA ගිවිසුම අත්සන් කිරීමට අදාළ තීරණාත්මක සාකච්ඡාවක් ඊයේ (27) සිදු වුණා. ඉන්දියාවේ වාණිජ සහ කර්මාන්ත අමාත්‍යවරයි වන නිර්මලා සීතාරාමන් මහත්මිය හා ශ්‍රී ලංකා රජය අතරයි එම සාකච්ඡාව සිදු වුණේ. ජාතික නිදහස් පෙරමුණ මේ රට පාවාදෙන යහපාලන ආණ්ඩුවේ ක්‍රියාදාමයට එරෙහිව ඉදිරියෙන්ම සිට සටන් වදින දේශපාලන පක්ෂයක්. සීතාරාමන් මහත්මිය හා යහපාලන ආණ්ඩුව අතර රහසිගතව පැවැති ETCA ගිවිසුම අත්සන් කිරීමට අදාළ තීරණාත්මක සාකච්ඡාව අපි මේ රටට හෙළිදරව් කළේ ඊයේ (27) කොටුව දුම්රියපොළ අසල විරෝධතාවක් පවත්වමින් අපි එයට නායකත්වය දුන්නා.

මේ වන විට ETCA ගිවිසුමට එරෙහිව අපි රට පුරා ජනතාව දැනුම්වත් කරමින් ඉන්නවා. ඒ වගේම රණවිරු දඩයමට එරෙහිව , ෆෙඩරල් ව්‍යවස්ථාවක් ගෙන ඒමට එරෙහිව අපි මේ රටේ දේශමාමක ජන බලවේග ඒකරාශි කරමින් සිටිනවාත ඒ නිසා දැන් මේ ආණ්ඩුව උත්සාහ කරනවා අභූත චෝදනා එල්ල කර අපව අත්අඩංගුවට ගැනීමට, සිරගත කිරීමට පීඩාවට පක් කිරීමට. යහපාලන ආණ්ඩුවේ සිටින කම්බ හොරුන් යහතින් සිටියදී තමයි ඔවුන්ට හීලෑ නොවන අපව සිරගත කිරීමට උත්සාහ කරන්නේ.

අපව සිරගත කරවා, අපේ ජීවිත පවා බිලි ගනීවි නමුත් මේ රට බටහිරට හා ඉන්දියාවට යටත් කිරීමට එරෙහිව අපි දිවි හිමියෙන් කැව වන බව සපථ කරනවා”

– අනුරුද්ධ බණ්ඩාර රණවාරන

133 views
Main News