විග්නේශ්වරන්ගේ ප‍්‍රකාශය නිසා පාර්ලිමේන්තුවේ මහා ප‍්‍රශ්ණයක් ඇතිවෙන්න ගියේ.. හරි අමාරුවෙන් අපේ මන්ත‍්‍රීන් බේරගත්තේ…

September 1, 2020 at 6:28 am | lanka C news
විග්නේශ්වරන්ගේ ප‍්‍රකාශය නිසා පාර්ලිමේන්තුවේ මහා ප‍්‍රශ්ණයක් ඇතිවෙන්න ගියේ.. හරි අමාරුවෙන් අපේ මන්ත‍්‍රීන් බේරගත්තේ…

රඹේ වෙහෙරගල පුරාණ රජ මහා විහාරස්ථානයේ මැල්සිරිපුර විමලරතන නායක ස්වාමීන්වහන්සේගේ ආරාධනයෙන් එම විහාරස්ථානයේ අසූමහා ශ්‍රාවක පිලිම වහන්සේලා නිරාවරණය කිරීම සහ සම්බුද්ධ ශාසනයට පූජා කිරීමේ මහෝත්සවයට මහාමාර්ග අමාත්‍ය ජොන්ස්ටන් ප්‍රනාන්දු මහතා සහභාගීවිය.

මම ගොඩක් සතුටු වෙනවා අද අසූමහා ශ්‍රාවක පිළිම වහන්සේලා නිරාවරණය කිරීමේ උත්සවයට සහභාගී වෙන්න ලැබීම ගැන විශේෂයෙන්ම මේ රඹේ වෙහෙරගල පන්සලේ මේ වගේ තැනකට එන්න ලැබීමත් මම භාග්‍යයක් හැටියට දකිනවා. මම විශ්වාස කරනවා ආපහු නැවත වාරයක් බුද්ධාගමේ පුනර්ජීවනය 2020දී ඇවිත් තියෙනවා කියලා. 2010දීත්, 2009 යුද්ධය අවසන් වුණාට පස්සෙත් අපි දැක්කා පන්සල් විශාල ප්‍රමාණයක් දියුණු වෙනවා, අලුත් වෙනවා. බෞද්ධාගමට මුල්තැනක් ලැබෙනවා අපි දැක්කා. පහුගිය අවුරුදු පහේ දී ඒ හැම දෙයක්ම විනාශ වුනා.

පහුගිය අවුරුදු පහේ දී අපි දැක්කේ පන්සල් දියුණු උනාට වැඩිය මහා සංඝරත්නය හිරේ දාන යුගයක් 60 නමක් හිරේ දැන්මා. ධම්මාලෝක හාමුදුරුවෝ පෙරහැරේ ගෙනියන්න, හදන්න ගෙනාපු අලි පැටියෙක් තියාගත්තා කියලා හිරේ දාපු යුගයක් අපි දැක්කා. හාමුදුරුවනේ ඒක අපිට කවදාවත් අමතක කරන්න බෑ. පරීක්ෂණවලට මහා සංඝරත්නයට අගෞරව කරමින් බෞද්ධ ආගමට හැංගිලා නෙමෙයි එළිපිට බෞද්ධාගමට අගෞරව කරපු එක යුගයක් තමයි යහපාලන කාලසීමාව.

බෞද්ධ රටක් නෙමෙයි කියලා ඒ ආණ්ඩුවේ හිටපු ප්‍රබල ඇමතිවරයෙක් වූ මුදල් ඇමැතිවරයා තුන් වතාවක් ප්‍රකාශ කළා. ඔහුට ඉල්ලා අස්වෙන්න කියලා කියන්න කොන්ද පණ තියෙන නායකයෙක් ඒ ආණ්ඩුවේ හිටියේ නෑ. මේ රට පාලනය කරපු අයගේ එහෙම බොහොම කණගාටුදායක යුගයක් තමයි අවසාන වුනේ නොවැම්බර් මාසේ 16 වෙනිදා ගෝඨාභය රාජපක්ෂ ජනාධිපතිතුමා ජනාධිපති උනාට පස්සේ. එතුමා බෞද්ධ ආගම විතරක් නෙවෙයි අනිත් ආගම් වලටත් නිදහසේ ජිවත් වෙන්න පුළුවන් යුගය එතුමා නිර්මාණය කලා. බෞද්ධ ආගමට මුල්තැන දෙමින් අනිකුත් ආගම් වලටත් නිදහසේ ජීවත් වෙන්න පුළුවන් යුගයක් එතුමා නිර්මාණය කලා.

විග්නේශ්වරන් මන්ත්‍රීවරයා ඔහුගේ පළවෙනි පාර්ලිමේන්තු කථාවෙදීම ජාතිවාද නැවත වරක් ඇවිස්සුවා. ආණ්ඩු පක්ෂයේ ප්‍රධාන සංවිධායක වශයෙන් මට මහත් පරිශ්‍රමයක් දරන්නට සිදු වුණා අපේ මන්ත්‍රිවරුන් ඔහුට විරුද්ධ වෙන එක නවත්ව ගන්න. මම එහෙම නොකළා නම් එදා පාර්ලිමේන්තුවේ මහා ප්‍රශ්නයක් ඇති වෙනවා. අපි මේ ප්‍රශ්නයට බුද්ධිමත්ව මුහුණ දෙමු. අපි ප්‍රබල ආණ්ඩුවක්. අපිට පාර්ලිමේන්වේ 2/3ක බහුතර බලයක් තියෙනවා. එදා ජේ.ආර්. ජයවර්ධන මැතිතුමා ව්‍යවස්ථාව හදද්දි හිතුවේ නැහැ සමානුපාත ක්‍රමය අනුව 2/3 බලයක් කිසිම පක්ෂයකට අරගෙන ආණ්ඩුවක් හදන්න පුළුවන් වෙයි කියලා. හැබැයි මේ රටේ ප්‍රගතිශීලී ජනතාව පෝස්ටර්, කටවුට්, බැනර්, රැස්වීම් වලින් තොරව බහුතර බලයක් සහිත ආණ්ඩුවක් හැදුවා. කොවිඩ් වසංගතය නිසා රට අකර්මන්‍ය වූ මොහොතක ඉතිහාසයේ තිබූ සාර්ථකම මැතිවරණය පැවැත්වීමට අපට හැකි වුණා.

අපිට මේ රට හදන්න පුළුවන්. සෘජු තීන්දු තීරණ ගන්නා සරල නායකයෙක් අපිට සිටිනවා. අතිගරු ජනාධිපති ගෝඨාභය රාජපක්ෂ මැතිතුමාගේ රට සංවර්ධනය කරන වැඩපිළිවෙල දිහා බලද්දි ජනාධිපතිවරණයේදී අප ලබා දුන් ඡන්දය පිළිබදව අපිට ආඩම්බර වෙන්න පුළුවන්. මේ දිනවල සිංහරාජය විනාශ කරමින් අළුතින් මාර්ගයක් තනනවා කියලා අපිට චෝදනා කරනවා. ජනාධිපතිතුමා සමග මම එම මාර්ගය නිරීක්ෂණයට ගියා. සිංහරාජ වනාන්තරයට කිසිදු විනාශයක් සිදු කර නැහැ. ඉවත් කර ඇති ගස් පවා ඉවත් කර ඇත්තේ පුද්ගලික ඉඩම් වලින් මිසක් සිංහරාජ වනාන්තරයෙන් නොවෙයි. අබලන්ව තිබූ මාර්ගය ප්‍රතිසංස්කරණය කරනවා මිසක් අළුතින් මාර්ගයක් සිංහරාජ වනාන්තරය හරහා කපන්නේ නැහැ.

මධ්‍ය ඒකකය
මහාමාර්ග අමාත්‍යාංශය

24,507 views

7 Comments to “විග්නේශ්වරන්ගේ ප‍්‍රකාශය නිසා පාර්ලිමේන්තුවේ මහා ප‍්‍රශ්ණයක් ඇතිවෙන්න ගියේ.. හරි අමාරුවෙන් අපේ මන්ත‍්‍රීන් බේරගත්තේ…”

  1. Niru says:

    Don’t try to be a National hero.
    Just do your job first.
    Tell the people what’s happening to the Kandy Colombo highway and other major projects
    This is what people want to know
    Not Vigneshwaran or any other fart saying about Tamil language
    Let scholars argue about it

  2. saman says:

    ඔව්. ඔබතුමා නිසා බේරෙන්න ඇති, නැත්නම් ලොකු දෙයක් වෙනවා එදානම්, සමහරවිට ලොකුම ලොකු දෙයක් වෙන්න තිබුනා. ඔබතුමන්ලට සියලු සැප සම්පත් ලැබේවා.

  3. මුදිතා කුසුම් says:

    ජොන්සටන්ගේ තියෙන්නේ දෙමල ලේ, දකුණු ඉන්දියාවේ මලබාර් කෝරළයේන් ආපු අය. ආණ්ඩු පක්ෂයේ සංවිධායක හැටියට විග්නේෂ්වරන්ව ආරක්ෂා කළේ ඒකයි.

  4. Roshan says:

    Baba talk EPA. Prove CV made a historic false information. Remove his words from Hansard. That’s it. Pora talk we don’t want. Please

  5. Gini says:

    Don’t let people to dominate any one in the parliament. This kind of people are trying make you guys idiots. Be like SF tell him truth. Singhele history started in 543 BC. He speaks good sinhalese but not in the parliament you should make sinhalese only language to use in parliament.

  6. HELAYA says:

    Welawa Awahama Demala,Muslim,Malabar,Marakkala Kerala,Andra Thopi Okkotama Sinhala Api Dennam Epa Kiyannama. Me Mona Karadarayakda? Mun Ekka.Pduwe Apita Inna Naha.

  7. sira says:

    එකනම් ඇත ජොන්ස්ටන් ප්‍රනාන්දු බේරගතා. ඒ වගේම සමිතා මුදුන්කොටුවත් හරි අමාරුවෙන් බේරුනේ ජොනි ගෙන්

Main News