විග්නේෂවරන්ට කිසිදු බුරුලක් නෑ…

August 23, 2020 at 12:00 pm | lanka C news
විග්නේෂවරන්ට කිසිදු බුරුලක් නෑ…

ගෝඨාභය – මහින්ද  සුසංයෝගයෙන් සෑදුණු වත්මන් ආණ්ඩුව යටතේ රට දෙකඩ කිරීමට කිසිවෙකුට ඉඩ නොලැබෙන බව සංචාරක ඇමති  ප්‍රසන්න රණතුංග මහතා අවධාරණය කරයි. ඔහු පෙන්වා දෙන්නේ කොටි ඩයස් පෝරාවේ සිහින වත්මන් ආණ්ඩුව යටතේ කිසිසේත් ඉටු නොවන බවයි.

මිනුවන්ගොඩ උඩුගම්පොළ අද (23) පැවති රැස්වීමක දී ඇමතිවරයා මේ බව සදහන් කළේය. මිනුවන්ගොඩ ආසනයේ ශාඛා සංවිධාන නියෝජිතයන් දැනුවත් කිරීම සදහා රැස්වීම කැදවා තිබිණි.

මෙහි දී වැඩිදුරටත් අදහස් දැක් වූ ඇමති ප්‍රසන්න රණතුංග මහතා මෙසේ ද කීවේය.

“පාර්ලිමේන්තු මන්ත්‍රී විග්නේෂ්වරන් මන්ත්‍රිවරයා පාර්ලිමේන්තුවේ මංගල සැසියේ දී කළ ප්‍රකාශයක් සම්බන්ධයෙන් මේ වන විට රට තුළ කථාබහක් ඇති වී තිබෙනවා. පහුගිය යහපාලන ආණ්ඩුවේ සිටි මන්ත්‍රීවරයෙක් එම කථාව හැන්සාඩ් වාර්තාවෙන් ඉවත් කරන ලෙස ඉල්ලීමක් කර තිබෙනවා. විග්නේෂ්වරන් මන්ත්‍රීවරයා රටට අහිතකර ප්‍රකාශයක් කර ඇත්නම් එය හැන්සාඩ් වාර්තාවෙන් ඉවත් කළ යුතුයි. ඒ ගැන තර්කයක් නෑ. හැබැයි යහපාලන ආණ්ඩුව මේ රටේ බෙදුම්වාදය පෝෂණය කරපු ආණ්ඩුවක්. ඒ ආණ්ඩුවේ දි මේ වගේ සිද්ධීන් ගැන කට පියාගෙන හිටපු අය අද විග්නේෂ්වරන්ගේ ප්‍රකාශය හරහා වාසි ලබා ගන්න උත්සාහ කරනවා. විග්නේෂවරන්ලාගේ ප්‍රකාශ වලට පමණක් නොවෙයි ඔවුන්ගේ රට බෙදන මතවාද වලටත් අපි කිසිදු බුරුලක් දෙන්නේ නෑ. දැන් රටේ තියෙන්නේ බෙදුම්වාදය පෝෂණය කළ යහපාලන ආණ්ඩුව නෙමෙයි. ඒක ඔවුන් තේරුම් ගත යුතුයි.

ගෝඨාභය රාජපක්ෂ –  මහින්ද රාජපක්ෂ සුසංයෝගයෙන් කියන්නේ මේ රටේ වසර 30 ක් පැවති ත්‍රස්තවාදය අවසන් කරලා රට එක්සේසත් කරපු එකතුවක්. මේ රටේ ජනතාව මේ සුසංයෝගයෙන් නැවත බලයට පත් කළේ රටේ ස්වෛරීභාවය, ජාතික ආරක්ෂාව පිළිබද හිතලයි. ඒ නිසා විග්නේෂ්වරන්ලා කොතරම් දැගලුවත් ඔවුන්ට ඔවුන්ගේ රට බෙදීමේ සිහින ඉටු කරගන්න කිසිදු ඉඩක් ලැබෙන්නේ නෑ.

ගෝඨාභය – මහින්ද සුසංයෝගයෙන් යුතු ආණ්ඩුව නැවත රට සංවර්ධනය කිරීමේ සංග්‍රාමය ආරම්භ කළා. මේ වන විට අපි නතරව තිබෙන සංවර්ධන ව්‍යාපෘති රැසක් යළි අරඹන්න කටයුතු කරමින් තිබෙනවා. කොවිඩ් 19 හේතුවෙන් බිද වැටුණ සංචාරක කර්මාන්තය යළි නගා සිටුවන්නනත් අපි කටයුතු කරමින් තිබෙනවා. 2015 ට පෙර වැඩබිමක්ව පැවති රට යහපාලන ආණ්ඩුව මුඩුබිමක්ව පැවති රට නැවත වැඩ බිමක් බවට අපි පත් කරනවා. මේ ඇරඹිලා තියෙන්නේ අපේ රටේ සංවර්ධනයේ නව යුගයයි.

මිනුවන්ගොඩ ප්‍රාදේශීය සභාවේ සභාපති කුමාර අරංලගල්ල, නගර සභාවේ සභාපති නීල් ජයසේකර යන මහත්වරුන් ද මෙහි දී කථා කළහ.

– ප්‍රදීප් අනුර කුමාර

45,297 views

10 Comments to “විග්නේෂවරන්ට කිසිදු බුරුලක් නෑ…”

  1. රජරට බයියා says:

    ඌ හරකෙක්. සමගියෙන් ඉන්න දන්නේ නෑ. අනෙක් උන්ටත් කෙලවන්න් හදන්නනේ.

    • sky says:

      ඇමතිතුමෝ,මංගල සැසියේ දී කළ ප්‍රකාශය ගැන” කර ඇත්නම්” කියන්නේ මන්ද ? ඔහු එසේ කර ඇත ..ඔබ තුමා එම අවස්ථාවේ එහි සිටියේ නැද්ද ? ආණ්ඩුවේ මැති ඇමතිලා ඒ අවස්ථාවේ ඔහුගේ ප්‍රකාශයට විරුද්ධත්වට පල නොකළේ මන්ද ? ඒක අපිට ප්‍රශ්නයක් ???
      විග්නේෂ්වරන් මංගල සැසියේ දීම බෙදුම්වාදය හා අන්තවාදය පතුරුවා ඇත
      විග්නේෂ්වරන් මන්ත්‍රීවරයා රටට කර ඇති අහිතකර ප්‍රකාශය හැන්සාඩ් වාර්තාවෙන් ඉවත් කළ යුතුයි…..ඒ ගැන අපේ දැඩි විරෝධය මෙයින් ප්‍රකාශ කරමු
      … පාර්ලිමේන්තු මන්ත්‍රී විග්නේෂ්වරන්ගේ ප්‍රජා අයිතිය අහෝසි කල යුතුයි ..ඔහුට පාර්ලිමේන්තුව තහනම් කලයුතුයි ….

      • Asa says:

        තවත් යහපාලන කතා වැඩක් නෑ….උන්ව එපා වෙලානෙ රෙදි නැතුව එලෙව්වෙ.. මනූශ ට තියෙන කොන්ද අනිත් එකෙට්ටවත් නෑ.. බොරුවට ලකුනු දාගන්න කෑ ගහන්න එපා..

        • fass says:

          Manushata konda hambuwela thiyenne langadi da? Mokada uge anduwa kale un dena deyak kala Ratata kela wenakan balagena Hitiya ekane kare. Dan Ranga panawa Heta jathi alen.

      • fass says:

        Aniwaryenma, Vigbeshwaran Athadanguwata gatha uthui.

  2. රජරට බයියා says:

    ශ්‍රීලංකාව නිදහස් ස්වෛරී රටක්.

    වෙනම රජ්‍යයක්, ස්වයංපාලනයක්, වෙනම නීතියක් ඉල්ලන උන් ත්‍රස්තවාදීන් කිය අලුත් ව්‍යවස්ථාවට දාන්න.

  3. sam says:

    බුරුළක් නොදී පුලුවන්නම් ඇතුළටම …අද හෙටම ප්ලීස්….. ..එහෙමනේද මේවා දැන් කෙරෙන්ඩ ඕනේ . එකටනේ අපි බලේ දුන්නේ . ඔන්න හුරතල් එහෙම එපා .

  4. Gini says:

    In this way lots of countries has to change their constitution. Example Switzerland has separate in to 3 French, Italian and German. So if complain ask them to give a example by changing their constitution.

  5. saman says:

    ඔව්. එදා කියෙව්වා විතරයි. රට දෙකඩ කරන්න කිසිම දෙයක් කරන්න මෙ ආණ්ඩුව ඉන්නකන් දෙන්නේ නැ

  6. දුටුගැමුණු says:

    විග්නේෂ්වරන් විසින් කරන ලද ප්‍රකාශයට ඔහුගේ ජීවිතයේන් වන්දි ගෙවීමට සූදානම් විය යුතුයි

Main News