විග්නේෂ්වරන් දණ නමයි.. තීන්දුව ඉල්ලා අස්කර ගනී..

June 19, 2017 at 5:30 pm | lanka C news
විග්නේෂ්වරන් දණ නමයි.. තීන්දුව ඉල්ලා අස්කර ගනී..

උතුරු පළාත් සෞඛ්‍ය අමාත්‍ය පී.සත්‍යලිංගම්ට හා පළාත් ධීවර අමාත්‍ය පී.ඩෙනිශ්වරන් වෙත මසක කාලයක් නිවාඩු ලබා ගන්නා ලෙසට තමන් කළ නියෝගය වෙනස් කරන බව උතුරු පළාත් ප‍්‍රධාන අමාත්‍ය සී.වී. විග්නේෂ්වරන් විපක්ෂ නායක ආර්.සම්බන්ධන් මහතා වෙත ලිපියක් යොමු කරමින් දැනුම් දී ඇත.

විග්නේෂ්වරන් එහිදි දැනුම් දි ඇත්තේ සම්බන්ධන් මහතා අදාළ අමාත්‍යවරුන් සම්බන්ධයෙන් වගකීම භාරගන්නේ නම් හා අමාත්‍යවරුන් දෙදෙනා වෙත පවත්වන ස්වාධීන පරීක්ෂණය වෙත බලපෑම් නොකරන්නේ නම් අදාළ නියෝගය වෙනස් කරන බවටයි.

කෙසේවෙතත් විපක්ෂ නායක ආර්. සම්බන්ධන් මහතා මීට පෙර විග්නේශ්වරන් වෙත ලිපියක් මගින් දැන්වූයේ පළාත් සෞඛ්‍ය අමාත්‍ය පී.සත්‍යලිංගම් හා පළාත් ධීවර අමාත්‍ය පී.ඩෙනිශ්වරන් වෙත ලබාදී තිබු නියෝග වෙනස් කරගන්නේ නම් විශ්වාස භංග යෝජනාව වෙනුවෙන් පක්ෂව කටයුතු කළ ඉලංගෙයි තමිල් අරසු කච්චි පක්ෂ නියෝජිතයින්ගේ තීරණය වෙනස් කරන බවටයි.

ඉලංගෙයි තමිල් අරසු කච්චි පක්ෂ නියෝජිතයින්ගේ තීරණය වෙනස් කළ හොත් විග්නේෂ්වරන්ට බහුතර බලය ලබා ගැනීමට හැකියාව පවති.

යාපනය රදගුරු ජස්ටින් ඥානප‍්‍රකාශම් පියතුමා ඇතුලු ආගමික නායකයින් ලබාදුන් උපදෙස් අනුව විග්නේෂ්වරන් අදාළ තීරණය ගෙන ඇති බව ද පක්ෂයේ සාමාජිකයින් කියා සිටියහ.

– වන්නි රොමේෂ් මධුෂංඛ

7 views

One Comment to “විග්නේෂ්වරන් දණ නමයි.. තීන්දුව ඉල්ලා අස්කර ගනී..”

  1. sinha le says:

    දෙමලා කොහේ ගියත් එකතු වෙනවා අපේ කාලකන්නි එකාට එකා කොටාගන්නවා මෙය දැන්වත් නවත්තපල්ලා රට මුන්ගෙන් බේරාගනිල්ලා

Main News