විජේවීරටත් පයින් ගහයි..

December 16, 2016 at 6:48 pm | lanka C news
විජේවීරටත් පයින් ගහයි..

වත්වන් ජවිපෙ නායකත්වය ජවිපෙ නිර්මාතෘ රෝහණ විජේවීරයන්ගේ ස්ථාවරයට පවා පයින් ගසා ඇති බව ජාතික නිදහස් පෙරමුණු මාධ්‍ය ප‍්‍රකාශක මොහොමඞ් මුසම්මිල් මහතා පවසයි.

මාධ්‍ය හමුවක් අමතමින් ඒ මහතා මේ බව සදහන් කලේය.

මැතිවරණ කල්දමමින් ස්වාධීන මැතිවරණ කොමිසම බෝඞ් ලෑල්ලක් වෙලා තිබියදීත් රටේ ජනතාවගේ අවාසනාවට රතු අලිපැටවු අද කියනවා ‘අලුත් ක්‍රමයට පළාත් පාලන මැතිවරණය පැවැත්වුවොත් අපි තරඟ කරන්නේ නැහැ‘ කියලා. ජනතා විමුක්ති පෙරමුණේ නිර්මාතෘ රෝහණ විජේවීර සහ හිටපු නායක සෝමවංශ අමරසිංහ යන සහෝදරවරුන්ගේ නායකත්වයන් යටතේ එහි නිල ස්ථාවරය වූයේ ‘ධනපති ආණ්ඩු කවර මැතිවරණයක් වුව ගෙන එන්නේ ජනතා විමුක්ති පෙරමුණට වාසිදායක ලෙස නොවෙයි. ඒ නිසා ඒ කවර හෝ මැතිවරණයකට ඉදිරිපත්ව, ලබන ජයග්‍රහණ රටේ ජනතාවගේ ප්‍රජාතන්ත්‍රවාදී අයිතීන් ආරක්ෂා කිරීම වෙනුවෙන් යොදා ගත යුතුයි‘ යන්නයි. අද අනුර දිසානායකගේ නායකත්වය යටතේ ජනතා විමුක්ති පෙරමුණ ඒ නිල ස්ථාවරයට පයින් ගසා ඇති බවයි පෙනෙන්නේ. අද ජවිපෙ ‘අපට ඕනෙ විදියට මැතිවරණ පැවැත්වුවේ නැත්තම් අපි තරඟ වදින්නේ නැහැ’ කියන තැනට පල්ලම් බැහැලා තිබෙනවා’

– අනුරුද්ද බණ්ඩාර

32 views