විධායක ජනාධිපතිගේ නියෝගය නෙස්ලේ බහුජාතික සමාගම ඉවතලයි.. සතියකින් පසුත් බලධාරීන් නියෝගය තුට්ටුවකට ගණන් නොගනී… ඒත් කොරියාවේ ලොකුම සමාගමේ ලොක්කා හිරේ..

පසුගිය සතියේදී එනම් 11 වෙනිදා ජාතික දියවැඩියා දිනය වෙනුවෙන් පැවති පාගමනට සහභාගි වෙමින් ජනාධිපති මෛත්‍රීපාල සිරිසේන මහතා මෙරටේ පාසල් දරුවන් අතර බෙහෙවින් ජනප්‍රිය චොකලට් මිශ්‍ර කිරි පානයක් වන මයිලෝ Milo තුල සීනි අධික මට්ටමේ පවතින බව ප්‍රකාශ කලේ ය. ඒ සමාන්‍යයෙන් සීයයට 5 තිබිය යුතු මට්ටමට වඩා බෙහෙවින් වැඩි සීයයට 16 දසම 5 ක් මයිලෝ පානය තුල ඇති බව සාක්ෂි සහිතව පෙන්වමිනි.

ඒත් ජනාධිපතිවරයා එසේ ප්‍රසිද්ධියේ ප්‍රකාශ කිරිමෙන් අනතුරුව සතියකට වඩා කාලය ගොස් ඇතත් එම චෝදනාවට ලක් වු සමාගම ඒ සම්බන්ධව ජනතාවගෙන් සමාව ඉල්ලා සිටිම හෝ අවම වශයෙන් ජනතාව දැනුවත් කිරිමවත් නොකලේ ය. ඒ වෙනුවට එම සමාගම මයිලෝ පානය ඒ පරිදිම දිවයිනේ සෑම වෙළෙදසැල් තුල කිසිම වෙනස් කිරිමකින් තොරව අලෙවි කරයි. සෞඛ්‍යයක බලධාරීන් හෝ පාරිභෝගික අධිකාරියේ බලධාරීන් හෝ ඒ ගැන සොයා බලා මෙතෙක් කිසිදු තීරණයක් ද මේ වන තෙක් ගෙන නොමැත. Link

19 දින කාර්ගිල්ස් ෆුඩ්සිටියෙන් මයිලෝ පානය සහ නෙස්ටොමෝල්ට් පානය පැකට් දෙකක් පාරිභෝගිකයකු විසින් මිලදි ගත් රිසිට් පත සහ එම පැකට් දෙකේ ඡායාරූපයක් අප වෙත එවා ඇත. එම පැකට්ටුවල සීනි ප්‍රතිශතය තවමත් සඳහන් කොට නොමැත, ඒ අනුව ජනාධිපතිවරයා චෝදනා කල ආකාරයෙන් එම කිරි පැකට් තුල සිනි ප්‍රතිශතය තවමත් වසන් කොට අලෙවි කරමින් තිබිම කණගාටුදායක කරුණකි.

ලෝක සෞඛ්‍යය සංවිධානයේ නියමයන්ට අනුව පුද්ගලයකු දිනකට පරිභෝජනය කලයුතු සීනි ප්‍රමාණය ගෑම් 30 කි. එහෙත් පුද්ගලයකු උදේට නෙස්ටොමොල්ට් කෝප්පයකුත්, දවල්ට මයිලෝ පානයකුත් සවසට හෝ රාත්‍රිය හෝ මල ගෙදරකට ගොස් නෙස්කැෆේ කප් එකකුත් පානය කලොත් එය ග්‍රෑම් 100 ක් ඉක්මවා යයි. එනම් සමාන්‍ය පුද්ගලයකු දින 4 කට පමණ පාවිච්චි කල යුතු සිනි ප්‍රමාණය මෙම ක්ෂණික පානයන් නිසා එක දිනකින් ශරීරයට ලැබේ. මෙයින් මෙම සීනි අධික කිරි පානය පාවිච්චි කිරිමේ භායනක කම වටහා ගත හැකිය.

මිට හොඳම උදාහරණයක් චීනයේන් වාර්තා විය ඒ එරටෙහි ලදරුවන් ලක්ෂ 3 ක් රෝගින් බවට පත් කල කිරිපිටි සමාගමක ප්‍රධානින් දෙදෙනකු වැරදිකරුවන් කොට එල්ලා මැරිමට තීරණය කිරිමයි. එමෙන් එම සමාගමේ ලොක්කා ජීවිතාන්තය දක්වා සිරගත කිරිමයි. Link

එමෙන්ම ලෝකයේ සුපිරි සමාගම් අතර 15 වෙනි විශාලතම සමාගම වනුයේ කොරියාවේ සැම්සුන් ඉලෙක්ට්‍රොනික් සමාගමයි. එහි වෙළෙඳ වටිනාකම ඇ.ඩොලර් බිලියන 254 කි. එනම් ශ්‍රීලංකාවේ වාර්ෂික දල ජාතික ආදායම මෙන් තුන් ගුණයිකි. වාර්ෂික වෙළෙඳාම ඇ.ඩොලර් බිලියන 174 කි. එනම් අපේ වාර්ෂික අපනයනය මෙන් 17 ගුණයක් බව ලෝ සුපතල ෆෝබ්ස් වාර්තා කරයි. Link

එහෙත් එම සාමාගමේ කොරියානු රජයට වංචා කරමින් තම සමාගමට වාසියක් ලබාගැනීමට එරෙහිව එරටේ අධිකරණය ඉදිරියේදී දූෂණ නඩුවක් විභාග වු අතර එම නඩුවේදී සැම්සුන් ඉලෙක්ට්‍රොනික් සමාගමේ සභාපතිවරයා වරදකරු බවට තීරණය කරමින් වසර 5 ක් බන්ධනාගාර ගත කලේය, Link

ඉහත නඩුව ඉතා වැදගත් වනුයේ කොරියානු ආර්ථිකයට විශාල දායකත්වයක් සැපයූ ලෝකයේ 15 විශාලතම වානිජ වටිනාකමක් සහිත සමාගමේ සභාපති ජේ වයි ලී Jay Y. Lee කොරියානු ආණ්ඩුවට වංචා කොට ඒ හරහා තම සමාගමේ ලාභදායිත්වය වැඩිකර ගැනීමට ආණ්ඩුව පෙලබවීම යටතේ වසර 5 කට බන්ධනාගාර ගත වීමයි. නමුත් ශ්‍රීලංකාවේ අනාගත දරු පරපුර දියවැඩියා රෝගින් කරමින් මනුෂ්‍ය ශරීරයට නුසුදුසු මට්ටමේ අධි සිනි සහිත කිරි පානයන් සපයා සමාගම ලාභා උපයා ගැනිමයි. ඒ අනුව රටේ ජනතාව රෝගීන් කීරිමට ගන්නා උත්සහය අවම වශයෙන් රටේ ජනාධිපතිවරයා විසින්ම පෙන්වා දුන් පසුත් ක්‍රියා නොකිරීම ජාතියේ අභාග්‍යකි.