විධායක ජනාධිපති ධූරය අහෝසියි.. ඒ වෙනුවෙන් ජනමතවිචාරනයක්…

January 23, 2017 at 3:14 am | lanka C news
විධායක ජනාධිපති ධූරය අහෝසියි.. ඒ වෙනුවෙන් ජනමතවිචාරනයක්…

විධායක ජනාධිපති ධූරය අනිවාර්යෙන්ම අහෝසි කරන බවත් ඒ වෙනුවෙන් ජනමතවිචාරනයකට වුවත් පැවත්වීමට ජනාධිපති මෛත්‍රීපාල සිරිසේන මහතා එකග වූ බව අමාත්‍ය මණ්ඩල තීරණ දැනුම් දීමේ සම කැබිනට් ප්‍රකාශක අමාත්‍ය රාජිත සේනාරත්න මහතා පැවසූ බව වෙබ් අඩවියක් මගින් වාර්තා කොට තිබුනි. මේ අනුව එහි හඩ පටය මේ සමඟ පහතින් සවන් දීමට හැකිය.

මෙම සාකච්ඡාවට ශ්‍රීලංකා නිදහස් පක්ෂයේ ලේකම් දුමින්ද දිසානායක, මංගල සමරවීර මනෝ ගනේෂන්, ෆීල්ඩ් මාර්ෂල් සරත් ෆොන්සේකායන අමාත්‍යවරුන් මෙන්ම එක්සත් ජාතික පක්ෂ මන්ත්‍රීවරුන් වන මුජිබර් රහුමාන්, චතුර සේනාරත්න, අශු මාරසිංහ, සහභාගි වූ බව අමාත්‍ය රාජිත සේනාරත්න මහතා පෑවසිය.

වෝල්ටර්ස් එජ් හෝටලය දී 22 දා සවස මෙම සාකච්ඡාවා පැවත් වූ අතර මෙම සාකච්ඡාවට අමාත්‍යවරුන්ට අමතරව සිවිල් සංවිධාන ක්‍රීයාකරුවන් 100 කට වැඩි පිරිසක් සහභාගි වූ බවත් ඒ සමගම බලය බෙදා හැරිම මැතිවරණය ක්‍රමයේ ද වෙනසක් කිරීමට යෝජනා වූ බව ද දොස්තර රාජිත සේනාරත්න අමාත්‍යවරයා වැඩි දුරටත් පැවසිය.

මෙම තත්ත්වය හමුවේ අනිවාර්යෙන්ම ජනාධිපති මෛත්‍රීපාල සිරිසේන මහතාගේ නිල කාලය 2020 ජනවාරි 8 වෙනිදායින් සම්පූර්ණව නිමාවට පත්වීමට නියමිතය. ඒ අනුව ඉදිරියේදී අනිවාර්යයෙන්ම මහා මැතිවරණයක් මගින් ජය ගන්නා පක්ෂයකින් අග්‍රාමාත්‍යවරයා තෝරා ගැනිමට ඉඩකඩ සැලසෙන අතර මෙතන් පටන් පවත්වනු ලබන සෑම මැතිවරණයක් ම ප්‍රධාන දේශපාලන පක්ෂවලට ඉතා වැදගත් වනු ඇත.

මෙම වසරේ පාලත් පාලන ආයතනයන් සඳහා ඡන්දය පැවත්වෙන අතර පලාත් සභා 3 ක මැතිවරණය නිත්‍යානුකූලව පැවත්විය යුතුය, එනම් සබරගමුව. උතුරු මැද හා නැගෙනහිර පලාත් සභා වේ. ඊට අමතරව රාජිත සේනාරත්න අමාත්‍යවරයා පවසන පරිදි ඕනම අවස්ථාවක විධායක ජනාධිපති ධූරය අහෝසි කිරීම සඳහා ජනමතවිචාරනයක් පැවත්වීමට ඉඩ ඇත.

හඬ පටය මෙතනින්

52 views