විමල්ට ආණ්ඩුව මෙතරම් බය ඇයි..? දිගටම ඇප නොලැබෙන්නේ ඇයි..? මෙන්න ඇත්ත..

March 24, 2017 at 3:00 pm | lanka C news
විමල්ට ආණ්ඩුව මෙතරම් බය ඇයි..? දිගටම ඇප නොලැබෙන්නේ ඇයි..? මෙන්න ඇත්ත..

පිවිතුරු හෙල උරුමයේ ප‍්‍රධාන ලේකම් පාර්ලිමේන්තු මන්ත‍්‍රී උදය ගම්මන්පිල මහතා ඒකාබද්ද විපක්‍ෂයේ මාධ්‍ය හමුවේදී මෙසේ අදහස් පල කලේය.

සුවිශේෂි කාරණා ඉදිරිපත් කිරීමට අසමත්වු බව කියමින් විමල් වීරවංශ මන්ත්‍රිතුමන්ව රක්ෂිත බන්ධනාගාර ගතකොට තිබෙනවා. නිදහස ලබාගැනීමේ අරගලය අධිකරණයෙන් කරගැනීමට නොහැකිබව එතුමන්ට හැගීගොස් ඇති නිසා ඒ සඳහා තමන්ම අරගල කල යුතුයි කියලා එතුමා තීරණය කරලා අද උදෑසන සිට එතුමන් මාරාන්තික උපවාසයක් ආරම්භ කර තියෙනවා.

විමල් වීරවංශ මන්ත්‍රීතුමන්ව මාරාන්තික උපවාසයකට තල්ලු කරන්නේ කුමන කාරනා නිසාද කියලා අපි බැළුවොත් පොදු දේපල පනත යටතේ අත්අඩංගුවට පත්වී මහාධිකරණයෙන් ඇප ප්‍රතික්ශේප වූ පුද්ගලයෙකු මම නම් දන්නේ නැහැ. විමල් වීරවංශ මන්ත්‍රීතුමන්ට නගපු චෝදනාව යටතේම අත්අඩංගුවට ගත් විවිධ අය ඒ බී වාර්ථා යටතේම අධිකරණයටත් ඉදිරිපත්කරලා , එම පුද්ගයන්ට ඇප දීමට සලකා බැලු සුවිශේෂී කරුණුම විමල් වීරවංශ මැතිතුමා කෙරෙහි අදාල නොවේ කියලා ප්‍රතික්ශේප වීම ගැන අපි ඇත්තෙන්ම පුදුමයට පත්වෙනවා.

ඇප ලබාදීමේදී අන් අය සම්බන්දයෙන් ඉදිරිපත් වූ කාරණා විමල් වීරවංශ මැතිතුමන් සම්බන්දයෙන් අදාල නොවන්නේ එතුමන් ආණ්ඩුවට සුවිශේෂී පුද්ගලයෙක් වීම නිසයි. එතුමන් තමයි මේ ආණ්ඩුවට තිබෙන ප්‍රබලතම තර්ජනය කියලා ආණ්ඩුව විසින්ම පිලිගැනීමක් කර තිබෙනවා. එතුමන්ට දෙන හිරි හැරවලින් ඒ බව පැහැදිලියි.

ඇස් බැද ඇති නීතියේ කාන්තාව ඉදිරියේ සුවිශේෂී පුද්ගලයන් සිටින්නට බැහැ. අධිකරණ පද්ධතිය පිළිබදව මෙ රටේ ජනතාවගේ විශ්වාසය නැතිවුනොත්, පාර්ලිමේන්තු මන්ත්‍රීවරුන්ටත් යුක්තිය ඉටුනොවේ නම් අපිට යුක්තිය ඉටුවේවිද කියන ප්‍රශ්නය ජන හදවත්වල පැන නැගුනොත් ජනතාව නීතිය අතට ගන්න ඉඩ තියෙනවා. ඒ නිසා මෙය විමල් වීරවංශ මැතිතුමන් ගැන ප්‍රශ්නයකට වඩා නීතියේ ආධිපත්‍ය පිළිබද ප්‍රශ්නයක්.

ඒ නිසා එතුමන් සිපිරිගෙය තුල අරගල කරන අතරේ මේක දේශපාලණික කාරණයක් ලෙස සලකා අපි එලියේ එතුමන්ගේ නිදහසම වෙනුවෙන් කල හැකි සියල්ලම කරනවා. ඒ සදහා නීතිමය විකල්ප තුනක් අපිට තියෙනවා. මහේස්ත්‍රාත් අධිකරණයේ නැවත ඇප ඉල්ලීම, මහාධිකරණයේ ප්‍රතිශෝධණ ඇප අයදුම්පතක් ඉදිරිපත් කිරීම. අභියාචනාධිකරණයට අභියාචනාවක් ඉදිරිපත්කිරීම කියන විකල්ප තිබෙනවා. ඒ වගේම මේක දේශපාලන කාරණාවක් විදිහට සලකලා මහපාරේ අරගල වලින් පාර්ලිමේන්තුවේ අරගල වලින් මේ කාරණය ආණ්ඩුවත් එක්ක විසදගන්න අපි බලාපොරොත්තු වෙනවා.

– අරවින්ද අතුකෝරල

35 views